روآيــهـ..{آلدنيــآ غريبهـ}..

ابو نواف: الله يهدي سر الجميييع
الكل: امييييييييييييين
دق جوال نواف رد عليه كان خالد ولد عمته..
نواف: هلا
خالد: السلام عليكم
نواف: هلا وعليكم السلام
خالد: كيف الحال؟؟
نواف: الحمدلله ... اوووووووه والله تطورات تصدق اني كنت احسبك مسحت رقمي
خالد: ههههه الله يرجك .. اخبار الوالد والوالده
نواف: الحمدلله كلنا بخييير
خالد: مدري خالى موجود ودي امر اسلم عليه من يوم جاء من السفر ماشفته
نواف: اهااااااا .. لا مااظن عنده شئ هو اللحين موجود
خالد: اوكي انا جاى اللحين
نواف: الله يحييك
خالد: مع السلامه
نواف: فامان الله

نواف: يبا هذا خالد يقول بيمر يسلم عليك
ابو نواف: الله يحيييه من زمان عنه
ام نواف: ياحليله خالد من اول ساكن عندنا واللحين مانشوفه إلا بالشهر مره
نواف: يبا خاااااااالد انسان غريب مافهمته كل ماحاولت اتقرب منه احسه يبعد عني
ريما: هو كذا من زمان شايف نفسه اذكره يوم كان ساكن عندنا كان دايم يحس نفسه احسن واحد
ابو نواف: لاااااا عاد حدكم كله إلا خالد هذا خالد غلاااااااته بغلاتك يانواف

بعد نص ساعه جاهم خالد جلسوا معه وتعشى معهم مارضت تخليه ام نواف يطلع الاوهو متعشي..
خالد: تسلميين ياخاله تعبناك
ام نواف: وش هالكلام ياخالد والله اني عادتك مثل واحد من عيالي
نواف: احم احم وحنا وين صرنا
ابونواف: ههههه شفت الدلع ياخالد أنت عفته بنفسك
خالد: بنرجع مرره ثانيه للسالفه ياخالي
ابو نواف: على راحتك ياوليدي

سمع نواف صوت مسج لجواله فتحه وكان رقم غريب .. وهذا سلسلة من الأرقام الغريبة اللي كانت تجيه على جواله بشكل شبه يومي .. قرا الرسالة بملل ورماه جنبه ..

ام نواف: المفروض كل اسبوع تجئ تتغدا وتتعشئ عندنا
خالد: ان شاء الله الايام جايه
ابونواف: الله يوفقك قل اميين
خالد: اميين يلا تامرون على شئ انا ماشى
الكل: سلامتك
خالد مع السلامه اشوفكم على خير ان شاء الله
الكل: مع السلامه




مر الاسبوع الاول ثقيل عالطلاب..
يوم الاربعاء نهايه الاسبوع ساره ومها يلبسون بغرفتهم لانهم تواعدوا مع بنات عمهم يروحون " ستار سيتي"
ساره: غريبه خالد هالاسبوع راح بيت عمي ابراهيم ولا جانا
مها باهتمام: متى راح لهم؟؟!!
ساره: يوم الاحد
رجعت ساره تكمل لبسها وسرحت مها تفكر بخالد..
"اااااااااااااه ياخالد احبك امووت فيك وأنت مو حاس فيني.. ياترى هل طحت من عينك عشاني كلمتك؟؟؟!!!!!!!!!! ياللـــــــــــه وش نظرتك لي اللحين؟؟!! اكيد طحت من عينك وصرت ماتحترمني والدليل انه ماجاء يسلم على ابوي يخاف اشوفه...
ااااه ليه انا سويت كذا ليه ليه بس؟؟؟!! كله من ريهام هي اللى خلتني اغلط هالغلطه
الله يهديها بس .."
ساره: هاااااي هييييييي انتي يلا ماودك تروحين ؟؟
مها: هاااااااااا إلا الاا لحظه شوى باقي احط الميك اب
ساره: بسرعه ريما تقول هي وعبير بيروحون بعد المغرب
مها: خلاص عرفناااا





وببيت أبو نواف .. ريما جالسة قدام المراية .. مرة ترفع شعرها ومرة تنزله ومرة.. حالتها حالة البنت .. وأخيرا رفعت نص شعرها وخلت الباقي مفتوح .. سمعت صوت طق عالباب ..
ريما: ادخـل
عبير: يلا يا ريماااا
ريما: طيب ثواني وجاية
عبير: افففف
ريما: خلاص اطلعي وانا لاحقتك يا بنت الحلال
طلعت عبير واخذت ريما عبايتها وتسمع طق عالباب ..
ريما: عبيــر قلنا لك طييييب ..
نواف: ساعة السواق منلطع تحت..
ريما: نواف وش العجب وش مدخلك غرفتي في هذا الوقت وقبل خروجي بعدة ثواني
طلع نواف جوال من جيبه وعطاه ريما ..
ريما: وشو ذا..؟! لي!!
نواف: لا بعطيه واحد من أصدقائي هدية ابشوف رايك فيه
ريما: هههههه واخيـــرا جااااااء بعد طول انتظار ..
نواف: خوذيه .. ومعليش ما لقيتلك رقم مميز
ريما: حشى كل هالمده وما لقيت ... وبعدين الجهاز موديله قديم
نواف: ههههههههه احمدي ربك
دخلت عبير عليهم : ريمااااااااا ساعة انتظرك واخرتها القاك طاقتها سواليف مع نواف
ريما: خلااااااااص جيت جيت ..


نزلت ريما بسرررعة و وركبت السيارة مع اختها عبيـر ... وصلوا ستار سيتي ... دخلوا ولعبوا واستانسوا .. وراحوا وطلبوا لهم ايسكريم ..
عبير شافت وحدة شكلها مو غريب ..
عبير: ريما .. تعرفين هالحرمة؟! .. مو من الجيران؟
ريما: مدري بس اول مرة اشوفها..
سارة: يخلق من الشبه أربعين..
مها: أي وحدة يا عبير ..
عبير: اللي لابسة بلوزة فيروزية
مها: اهاااا
عبير: لحظة .. لحظــة .. الظاهر هاذي خالة سعود .. ... خل بتاكد

راحت عبير عندها وسلمت عليها ..
أمـل: هلا .. معليش ما عرفتك!!
عبير: انا عبير مرة سعود
أمل: عبيـــر هلا والله .. معليش من زمان ما شفتك الظاهر آخر مرة بالزواج وعاد تعرفين أنتِ العروسة تتغير ملامحها ..
عبير: ايه انا شفتك قلت خل نسلم عليك ...
امل: وسعود وينه ما عمرنا شفناه .. ولا يقول عندي خالات نمر نسلم عليهم..
عبير: مشغول .. ولا هو دايم يذكركم بالخير
امل: سلمي عليه يا قلبي
عبير: يوصل ان شاء الله .. يلا عن اذنك ..
راحت جلست مع بنات عمها وطلبوا لهم عشاء .. وبعدها افترقوا وكلٍ راح لبيته ..





بغرفة سعود وعبير .. كان سعود توه طالع متروش ..
عبير: توقع مين شفت اليوم ؟!!!
سعود: ميييين؟!!
عبير: خالتك أمل
تغيّر لون وجه سعود وقال: اهاااا .. شي جميل انك تتعرفين على اهل رجلك!!!
عبير: وش فيك أنت ما تزورهم؟!!

سعود: خلاص عبير سكري الموضوع .. انا امي اللي هي امي ما اشوفها كثير
عبير: طيب كـ...............
سعود بعصبية: امي الظاهر تعرفين وش السالفة ما يحتاج اعيد وازيد.. ولا انتي ترتاحين لما تشوفيني متنرفز..
عبير يوم شافت ردة فعله وعصبيته سكتت ...
عبير: سعود حبيبي .. انا آسفـة .. ما كان قصدي اضايقك
سكت سعود وما رد عليها ..
قرّبت عنده ومسكت يده: خلاص سعود قلت آسفة .. واوعدك ما افتح هالموضوع مرة ثانية .......... يلا قل انك رضيت علي ولا منب تاركتك

لــحــظــة صــمــت لمــ10ــــدة دقــائــق

سعود: ترى بسافر الأسبوع الجاي عندي شغل
عبير: وين؟؟؟؟؟؟؟؟؟؟!!!!
سعود: ألمانيا
عبير: وش هالشغل اللي جاء فجأة!!!
سعود: المهم بحجز بتروحين معي ولا لا ؟!!
عبير: طبعا لا .. عندي جامعة .. بس بنفس الوقت ما ابيك تروح لحالك
سعود: ليش ما فيه ثقة؟!
عبير: لا مو كذا
سعود بابتسامة: اجل ايش.. تغارين علي؟!
عبير: شف بقولك شئ بس مو بعدين يكبر راسك على وتشوف نفسك..
سعود: اصلا أنا شايف نفسي عالناس من يوم اخذتك
انحرجت عبير وماعرفت وش تقول..
سعود: يلا لا تصرفين تكلمي وشو الشئ اللى بتقولينه وتخافين اشوف نفسي
عبير: الصراحه أنا ماابيك تروح لانك اذا بعدت عني احس قطعه مني راحت
سعود بابتسامه: ويلوموني فيك بعد.. الله لايحرمني منك يااغلى زوجه
عبير: امييييين





وعلى نغمات أغنيـة راشـد المـاجـد ..

شفت موتي وانا حي .. والسبب هم فرقاك ..ارفق بحالي شوي .. قلبي ما طاع يسلاك ..شوقي لك ماهو شوي .. يا حبيبي ولا انساك .. شوفتك عندي الفي .. عمري القاه وياك
والعذر ما بقى شي .. غير قولة تمناك .. حبكم طيني طي .. والسبب هم فرقااااااااااك ..


كان خالد جالس بالكوفي مع الشباب .. وكانوا فالينها سوالف واستهبال .. وضحكهم واصل لآخر الدنيا ..
سلطان: اقول ناصر .. السيارة ماكسيما اللي بره حقتك؟!
ناصر: ايه ..
سلطان: مو أنت تقول ان ابوك دفع فلوس الهمر وقالك رح استلمها ..
ناصر: أيـه يا شييييخ كنت ماخذ همر أسود حتى ابوي دافع لهم كاش .. بس مدري يوم ركبتها اخذت لفتين .. ما ارتحت فيها .. رجعتها مع ان فلوسها مدفوعه ..
الكـل جلس يضحك وكل واحد ماسك بطنه .. : هههههههههههههههههههه
خالد: ههههههههههه ما ارتحت بالهمر .. طيب كيف الماكسيما معك ان شاء الله ارتحت معها وارتفعت المعنويات ..
ناصر: تتطنزون أنتم ووجيهكم .. تكفون يا عيااال النعمة .. اللي يسمعكم يقول واحد معه
اكس فايف والثاني جاكور ..
الكل: ههههههههههههههههههههههههه
ناصر وهو قايم: الشرهة مو عليكم الشرهة عاللي يسولف لكم ..
طلع ناصر .. وانطلقت الضحكات من الجهة الثانية ..
سلطان: والله .. ينصب ويبينا نصدقه
خالد وهو واقف: ههههههه ولا مو أي نصبات .. صورايخ جو أرض بحر ..
سلطان: وين رايح..؟!!
خالد: بروح انااااام ..
سلطان: الناس أربعاء وأنت بتنام
خالد: والله راسي مصدّع بروح..
سلطان: طيب ناسي انك أنت اللي جايبني أنت ووجهك..
خالد: هههههه تصدق نسيت .. يلا قم اوصلك
قام سلطان وراح مع خالد وركب السيارة ..
سلطان: وش رايك تجي تتغدى بكره عندنا..
خالد: لا مالها داعي كل خواتك ورجالهم عندكم بكره
سلطان: خلاااااص ولا يهمك تعال الجمعة
خالد: ان شـــــاء الله ..
سلطان: الا صح .. شخبار بنت خالك؟؟!!
خالد: وش أخبارها يعني..؟!!! مع زوجها أكيـد .. الله يستر عليها
سلطان: لا اقصد مهاااا
خالد: ايه مدري عنها .. حتى والله خالى مارحت اسلم عليه؟!!!
سلطان: وش دعووه عاد خالك مارحت تسلم عليه عشانها
خالد:.. شسوي.. ما بي البنت تتعلق وتنفتن فيني زيااااااده
سلطان: هههههههه اموووت عالثقه.. تصدق احسك تتخيل البنت ماتنام الليل تفكر فيك وطول النهار تسمع اغنيه قول امييين عساك تحبني وتموت فيني.. حقه عبدالمجيد..
خالد: ليييييه وش قالوا لك عني ماعندي قلب
سلطان: أنا ماقلت كذا بس الثقل بزياده مو حلووو..
خالد: أنا هاذي شخصيتي مااقدر اغيرها.. يلا وصلنا بيتكم ما ودك تنزل
سلطان: طرررردة .. كنت بروح اسهر معك بس أنت ......
خالد: اقولك ابي انام تقولي ابسهر معك!!!
سلطان: خلاص اشوفك بكره .. مع السلامة
خالد: مع السلامة





الخميس ببيت ابو مشاري كان جامعهم عالعشاء لانهم من زمان مااجتمعوا..
الرجال كانوا بالمجلس..
نواف: وين الريموت بفتح التلفزيون بشوف وش صار على الحصار اللي بالدمام؟؟

فتحوا التلفزيون عالعربيه وجلسوا يتابعون الاخبار باهتمام..

ابومشاري: حسبي الله عليهم لهم ثلاث ايام وهم طلق نار مع قوات الامن
ابو نواف: أنا ماضاق صدري إلا على رجال الامن قتل اربعه منهم وعشره مصابين
ابوسعود: الله يصبر اهلهم مسكين عيالهم تيتموا وهم صغار وحريمهم ترملوا .. ياويلهم من عذاب رب العالمين..
خالد: الله يرحمهم ان شاء الله شهداء
مشاري: بس الحمدلله كل الارهابين انقتلوا بقى واحد سلم نفسه..
ابو مشاري: الحمدلله ربي يمهل ولايهمل
نواف: المشكله هم ماعندهم حرمه لا لاماكن مقدسه ولااماكن سكنيه.. اللحين الحي اللي كانت فيه المواجهه حي سكني .. امس يقولون انهم اخلوا الحي من السكان..
ابو نواف: اللحين هذولا يقتلون باسم الدين استغفر الله العظيم مايقرون قران مايفهمون قوله تعالى: (وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً ) النساء:93
ابوسعود: صدق الله العظيم
خالد: هم يسون هالشئ بحجه انهم يعملون بقول الرسول صلى الله عليه وسلم: " اخرجوا اليهود والنصارى من جزيره العرب "
مشاري: لو كل من شاف يهودي ولانصراني قتله كان صارت الدنيا فوضى..
ابو مشاري: في حديث عن الرسول صلى الله عليه وسلم يقول: ( من قتل معاهدا لم يرح رائحة الجنة وإن ريحها ليوجد من مسيرة أربعين عاما ) رواه البخاري
ابو سعود: الله يجيرنا من النار..
الكل: امييييييييين
نواف: أنا ياعم سمعت فتوى ابن باز الله يرحمه يقول ان اليهود والنصارى اذا دخلوا لجزيره العرب لخدمه المسلمين يعتبرون مستامنين ومعاهدين فمايجوز محاربتهم و قتلهم..
خالد: الاحاديث كثيرة بهالموضوع بس ليتهم هم يفهمونها قال الرسول عليه الصلاة والسلام ( لو اجتمع أهل السموات والأرض على قتل رجل مسلم لأكبهم الله في النار )
ابوسعود: الله يصلح شباب المسلميين اجمعين..
الكل: امييين
ابومشاري: سعود وينه تاخر؟؟
ابو سعود: قال متى ماخلص شغله بيجي..
ابونواف: الغايب حجته معه..

جلسوا يتابعون الاخبار ويتقهون.. بعدها اذن العشاء وقاموا كلهم يصلون بالمسجد...





البنات كانوا مجتمعين بالصاله جلسوا يتقهون كانت عبير مصلحه لهم حلى وجايبته معها.. عجبهم وجلسوا يمدحون فيها..
ام مشاري: تسلم يدك ياعبير
عبير: الله يسلمك خالتي
مها: عاد يماا عبير مايحتاج نفسها بالاكل
ريما: اكيييييد نفسها بيكون حلو.. بلى سعود ماترك مطعم ماودها له
الكل:ههههههههههههههه
ام نواف: انتي ياريما تحسدين الاعمى على كبر عيونه
عبير انحرجت وماعرفت وش تقول..
ريما يوم حست انها احرجت اختها: عاد سعود يحق له يدلعها اختي قمر14
ساره: ههههههههههه بتكحلها عمتها
ام مشاري: ساره جيبي ورقه خذي طريقه الحلى من عبير
مها: ساره شوفي الدفتر فوق التلفزيون
ام مشاري: ساره خذي منها المقادير زييين؟؟
عبير: هو سهل مايحتاج شئ..


مها كانت مو على بعضها تفكر بخالد .. هو اللحين في بيتنا اكيييد اللحين قاعد يتذكر يوم اتصل عليه.. ياترى وش موقفه نفسي اعرف هو وش قاعد يفكر فيه؟؟؟!!!!
بروح عند الدريشه اذا جو يطلعون ابي اشوفه اشتقت له من زمان ماشفته .. اخر مره شفته فيها يوم بالشاليهات..

سعود وش قصة سفره المفاجئ؟؟؟!!


الجزء الرابع عشر
,,,,,,,,,,,,,,,,,,
ريما بغرفتها جالسه ترتب دفاترها وكتبها شافت دفتر ذكرياتها هي وخلود .. جلست تقلب فيه وهي دمعتها بعينها.. شافت استهبالاتهم وضحكهم وسوالفهم كلها بالدفتر..
طاحت عينها على..
" ذكريات يوم الاحد 11/10/ 1424هـ يوم نضحك وتطردنا الاستاذه من الفصل.."

"يالدبه دخلى المرايه الاستاذه بتشوفها.."

"ريما الحقي على عندي ظرف حاد ابي اطلع من الفصل لكن الجنيه هاذي ماراح تخليني"

لفت لقت جوالها الجديد عالكومادينة ناظرت فيه وقالت اول اتصال راح يكون للغاليه خلود.. مسكت الجوال ودقت عليها..
ريما: الوووووو
خلود: هلا وغلاااااااا
ريما: وينك يالدبه.. اشتقتلك وحشتيني.. الرياض مالها طعم من غيرك..
خلود:هههههههه
ريما: ادري ادري اول مره اصير رومانسيه معك .. شكلك تقولين البنت انهبلت
خلود: لااا والله حاسه فيك وانتي وحشتيني اكثر
ريما: كيف الدراسه معك؟؟
خلود: ملل المدرسه جديده والبنات مااعرف احد منهم
ريما: الله يعينك.. عاد شدي حيلك السنه هاذي نبي مجموع
خلود: هاذاني بحاول لان خالي واعدني اذا جبت مجموع زين بجي الرياض عشان الجامعه
ريما: واللـــــــه
خلود: اييييييه والله ياريما.. عشان كذا أنا متحمسه
ريما: الله يوفقنا
خلود: على فكره خشيتي فيني ولاسالتك رقم مييين هذا؟؟
ريما: اوووووووه نسيت اقولك هذا رقمي الجديد احفظيه عندك..
خلود: عالبركه
ريما: الله يبارك فيك.. لعب على نواف اخذ مني رقمي الاول وقال بجيب لك رقم حلو.. بالاخير جاب لي هالخريطه..
خلود:ههههههههههه
ريما: صمت صمت وافطرت على بصله

خلود: ريما والله من زمان عنك وعن حركاتك.. احس اني فقدتك
ريما: يالله شدي حيلك عشان ترجعين لنا
خلود: اكييييد .. طولت عليك ياريما اللحين اهلك يدعون علي
ريما:هههههههه يلا مع السلامه ولا تقطعين
خلود: ان شاء الله مع السلامه..

سكرت ريما ورجعت لدفاترها واغراضها وجلست تحوس فيهم.. بالاخير اخذت لها كتاب وجلست تذاكر..




الساعه 11:30 الليل
دخلت عبير بيت اهلها ومعها شنطتها ...

عبير: السلام عليكم
فارس: وعليكم السلام
عبير: وين ماري؟؟
فارس: مدري يمكن فوق..
عبير: اجل من حسن حظك انك بتشيل شنطتي
فارس: لاااا مالي خلق خلي ماري تنزل وقوليلها
عبير: اقول بس شكل ريما الولد وأنت..
فارس: خلاص بشيلها
عبير: هههههههه أنت ماينفع معك إلا كذا
فارس: ااوووه اوووووووه ثقيله
عبير: وين باقي اهل البيت؟؟
فارس: شوفي الساعه كم اللحين.. ريما تذاكر.. نواف طالع.. ابوي وامي نايمين ..
طلعت عبير فوق وفارس وراها..
عبير: تعال هنا دخلها غرفه ريما..
فتحت عبير الباب ودخلوا على ريما..
عبير: السلام عليكم يالدافوره
ريما: وعليكم السلام .. اوووب اوووب وش هالشنطه شكل سعود هاجر مو سافر
عبير: هههههههههههههههه يعني وش تبيني البس للجامعه
ريما: طيب وين بتنامين؟؟
عبير: اكيييييييد عندك .. اجل تبيني اروح غرفتي وهي كلها غبار لا وانام فيها بعد
ريما: هئ هئ وانا الضحيه كيف اذاكر
عبير: يمااااه منك خلاص بطلع اللحين بروح عند التلفزيون اذا جاني النوم نمت..
ريما: ماراح تروحين الجامعه بكره؟؟؟
عبير: لااااااا عندي oof





سعود وصل المطار طلب له كوفي جلس يشرب..
وجلس في صاله الانتظار حتى موعد اعلان الرحله.. مسك جواله كان بيقفله بس تذكر عبير بكره ماعندها جامعه اكيييد مانامت كان بيدق عليها لكنه سمع موعد اقلاع الرحله.. بسرعه فتح الرسايل وارسلها مسج .. وبعدها ارسلها مسج ثاني ..

" حبيبتي.. الطياره اللحين بتقلع تامرين على شئ قبل مااقفل جوالي"




طلعت عبير عند التلفزيون وكان البيت هدوء الكل دخل ينام..
جلست تقلب بالقنوات.. سمعت صوت مسج رفعت جوالها فتحت المسج كان من سعود.. ابتسمت عبير
" قال أنا بموت من غيبتك.. قلي وش اسوي؟؟!! .
.قلت أنا ابغى الموت في غيبتك ..
قلي بس وينه؟؟!! "

جلست تقلب بجوالها ادور شئ حلووو ترسله له.. لقت بيت شعر عجبها ومناسب..

" حلاة العمر في قربك وش اللي هو بقى مني .. بعد فرقاك كرهت العمر كرهني كل مافيني "

جاها المسج الثاني على طول قرته وردت عليه..

" انتبه لنفسك ولاتناظرالبنات اللي هناك.. تبي ارسلك صورتي اللحين عشان ماتطالع غيري "




وصل المسج لسعود قعد يضحك.. بعدها اعلنوا بالطياره عن انها بتقلع ولازم تقفيل الجوالات
كتب لها مسج وارسله بسرعه وقفل جواله..

" لاااااااااااااا يامجنونه تبيني ارجع السعوديه والقى صورتك منتشره بلوتوث "

سند سعود راسه عالكرسى وغمض عينه واسترخى ..

بعد ماطارت الطياره بنص ساعه سمع اللى جنبه يكلمه..
الرجال: أنت من سكان الرياض ولا جاى المطار الدولي؟؟
سعود: ايه من الرياض
الرجال: الله يعيين الرحله طويلة لالمانيا
سعود: أنت اول مرره تروح لها؟؟
الرجال: لااااا والله أنا ادرس هناك وكنت جاي اجازه شهرين عند الاهل
سعود: اهاااااااا
الرجال: وأنت دراسه؟؟
سعود: لا .. شغل.. أنا مخلص دراسه من زمان كنت ادرس بلندن
الرجال: ماشاء الله عليك خلصت وافتكيت..
سعود: الحمدلله بس والله الغربه صعبه .. ملل تجلس سنين من غير اهلك
الرجال: صح حتى احيانا ماتحصل لك اجازات تنزل عند الاهل
سعود: بس الواحد اذا كون صداقات هناك تخفف عليه الغربه شوي
الرجال: الله يوفقنا بس نرجع ومعنا شهادات ترفع الراس.. الحياه تحتاج تضحيه
سعود: الله يوفقك ..

سكت الرجال ورجع سعود استرخى بعدها غمض عينه وناااام عشان يضيع الوقت..






يوم الاربعاء ريما بالمدرسه وقت البريك جالسه مع البنات..

ريما: بنات والله المدرسه ماتسوى من غير خلود
مي: ايه صح إلا شخبارها؟؟
ريما: تمام ماعليها تسلم عليكم
رهف: هي ماجت الرياض بعد ماسافرت؟؟
ريما: اساسا هي ماسافرت إلا بالاجازه
مي: الله يذكرها بالخير كانت مونستنا
ريما: هئ هئ لاتصيحوني
رهف: اقول اللحين كووز يوم السبت الاستاذه كم يونت دخلت معنا؟؟
مي: ثلاثه يونت
ريما: لاااااااااا ياحلوين انتم نسيتوا ان الجمعه اليوم الوطني ..
مي: صح يعني السبت اجازه
رهف: اهااااااااا يعنى الكوز تبله الاستاذه وتشرب مويته
ريما+ مي: ههههههههههههههههههه
ريما: لا ياحلوه اكيد الاحد راح يكون
مي: يافرحه ماتمت
ريما: أنا ابي اجيب مجموع حلووو السنه هاذي
رهف: حتى ان جبتي موعلى كل حال يدخلونك القسم اللى تبينه

ريما: لااااااااا أنا مستحيل اتنازل عن الصيدله .. صيدله يعني صيدله
مي: والله بنت عمي قبل سنتين متخرجه كانت نسبتها 97% وماقبلوها الطب يقولون اكتفينا
ريما: معقوله 97% وماانقبلت
رهف: الله يعينا والله صار اللحين القبول بالجامعات مثل الحصول عالجنسيه
ريما: هههههههههه عز الله راحت فيها ساره
رهف: مييييين ساره؟؟
ريما: بنت عمي داجه الدراسه بجهه وهي بجهه
مي: ساره هي بنت عمج اللي شفتها في بيتكم؟؟
رهف: اهاااااااااا هي مثلنا علمي؟؟
ريما: لاا ادبي.. بس هي ثاني مو ثالث اصغر مني بسنه
مي: يلا ياحلواات ماتسمعون الجرس وعلى قولة استاذة مريم "كل وحده على فصلها"





وفي الجامعه مها وصديقاتها جالسين بالكافيتريا يفطرون..
سمر: يالخاينات ليه تفطرون من غيري؟
ريهام: أنا ماعندي المحاضره الاولى وجايه من البيت جوعانه تبيني انتظر؟؟
مها: وانا شفت ريهام ماعندها شئ طنشت المحاضره
سمر: طيب وييين باقي البنات؟؟
ريهام: قبل شوى كانوا هنا
مها: مدري يمكن راحوا دوره المياه
سمر: بروح اشتري فطور تبون شئ؟؟
ريهام: لاااااااا مرسى
مها: جيبي معك مويه
ريهام: ايووووو كملى السالفه..
مها: بس هااذي السالفه ضايق صدري
ريهام: يعني مافي تطورات.. ارسلي مسجات تعبر عن الموقف
مها: لاااااا موكل مررره تسلم الجره
ريهام: صراحه ولد عمتك هذا انسان غريب ثقيييييييل بقوووه
مها: ااااااااااه بس وش اسوي له؟؟
ريهام: بس تصدقين يحق له الولد حلووو
مها: هييه تمدحينه قدامي اجل من وراي وش بتسوين؟؟
ريهام:ههههه تغارين.. لا لاتخافين اصلا هالانسان مايعجبني ولا 1% بس أنا اقولك يوم شفته حسيته وسيم..
مها: جمييييل مو وسيم
ريهام: بعدين ان لقيت لي واحد احبه مو خالد
مها: مييييين من ورانا؟؟
ريهام: ااااااااااااااااه مشعل ابو شعر طويل
مها:هههههههههههههههههههههههه ودك تسمعك ساره اختي
ريهام: بالله عليك هاذي اشكال تنحب.. كل ماتذكرت ذاك اليوم يرتفع ضغطي
قربت منهم سمر ومعها وحده .. غيروا البنات السالفه





يوم الخميس العصر..
.. كانت نجود جالسة بالمطبخ تسوي لها عصير .. دق جوالها رقم غريب .. ردت .. وجاها صوت
نجود: الوو
مشاري: مساء الخير
نجود: مساء النور..
مشاري: نجود؟!!
نجود تستعبط: هلا .. مين معي؟!
مشاري: اتوقع انك عرفتيني بس ماودك تقولين
نجود: طيب في شئ؟
مشاري: ابتكلم معك بموضوع .. بس اتمنى تكونين فاضية وتسمعيني
نجود بتردد: طيب لحظة ..
اخذت نجود عصيرها وراحت لغرفتها ..
نجود: تفضل .. تكلم اسمعك
مشاري: ياليت تصدقين كل كلامي وماتقاطعيني وانا اتكلم؟!!
نجود: مشاري ؟؟!!!!
مشاري: انتي اول اسمعيني وش بقول بعدين تكلمي على راحتك
نجود: ياليت تختصر؟؟
مشاري: اختصر؟؟؟!!!!!!! انتي وش فيك كذا تغيرتي مرره انتي مو نجود اللي اعرفها
نجود: ........................................
مشاري: الووو وينك؟؟
نجود: معك
مشاري: يمكن انتي مستغربه من اتصالي؟؟!!!
نجود: تقريبا
مشاري: يابنت الناس أنا احبـــــــــــك
نجود: وبعدين؟؟..
مشاري: أنتي ماعندك مشاعر اقولك احبك تردين علي بهالبرود
نجود: مو أنت قلت اسمعيني للاخر ولاتقاطعيني
مشاري: اهاااااااااااااا
نجود: انت وش اللى بتوصل له؟؟!!
مشاري: والله يانجود اني لي فتره ماكلمت احد ارجعي لي واوعدك وعد اني ماراح اخونك وبتصيرين بالقلب اللحالك..
نجود: ايوووووو يعني من اول كان قلبك فندق.. وأنت تقول احبك وامووت فيك ومافي احد يسواك..
مشاري: ماهقيتها منك هالذبه.. انتي مو متغيره كذا .. اكيييد في واحد ثاني بحياتك
نجود: هههههه من لاعب عليك وقالك ان الواحد مايعيش الاوهو يحب.. الحياه ماشيه من غيركم..

فضل مشاري ينهي المكالمه لانه حس ان الكلام تطور بينهم..
بعد ماقفل منها سرح بهالبنت ياللــــــه قد ايش تغيرت اول كانت طيبه وحنونه معي بس اللحين غير.. ااااااااااه أنا اللي فرطت فيها أنا اللي خليتها تروح من ايدي .. بس ماراح اييئس بحاول ارجعها بحاول فيها أنا وراها وراها لما تلين هم كذا البنات بالبدايه يتغلون ويسون انهم زعلانين.. قطع عليه تفكيره صوت مسج وصله فتحه كان منها طالع فيه وانقهر ..

"ماودي اقلبها على راسك اللحين..
ولاودي اسكت واجرح ضميري..
ادري تخون مع غيري اللحين..
وادري بعد ساعه تخون غيري"

تنهت مشاري بعمق هاذي البنت قويه .. لكنه ماتركها ارسل لها مسج يرد عليها فيه عشان يبين لها انه شاريها..

" لوحبني شخص واحد ربع ماحبك..لحط كل البشر في راحه كفوفه"

وصل المسج لها قعدت تناظر فيه وتضحك وش شايفني ؟؟!!!!!!!!!!! يلعب علي؟؟ يستغفلني؟؟!!!!!!! ولاشكل هاليومين سوقه واقف قال مافي الانجود خل امشي فيها الحال.. بس مو أنا اللي يلعب علي.. ارسلت له مسج ثاني كتبت فيه..

"مني بنت من بنات هاليومين
دمعه دمعتين وظنك برضي بعدين..
لاخلني في بالك وافهمني زين
داعيه عليه امه اللي يجرحني مرتين.."





يوم الجمعه الساعه 11 الليل نزلت عبيرالصاله لقت ريما وفارس عند التلفزيون ..
عبير: ماشاء الله متى بتنامون؟؟
ريما: بعد شوي..
عبير: وش تتفرجون عليه
فارس: الوادي
ريما: اليوم البرايم
عبير: ملل البرنامج .. مرره حطيت عليه اتفرج جاب لي الكابه
ريما: وش نسوي هذا الموجود
فارس: نتحمس لما نشوف التصويت
ريما: اقلها أنا مااشوفه الايوم البرايم وحتى مو شرط .. اذا كنت فاضيه شفته .. في ناس مايقومون من عنده..
عبير: متى بيخلص البرنامج أنا سمعت انه 3 شهور واللحين رمضان مابقى عليه شئ معقوله بيكملون برمضان..

ريما: لاااا بيخلص قبل رمضان
فارس: اذا خلصوا المتسابقين
ريما: خلاص تقريبا مابقى احد خلصوا
عبير: بالله وش فايده البرنامج انواع قلة الحياء
ريما: ههههههه زي ستار اكاديمي كل الناس يقولون قله حياء ويتابعون
فارس: هذا مو زي ستار هنا يكرفونهم كرف من يقومون إلا ماينامون وهم يشتغلون
عبير: ياشيييييييخ أي كرف أنا كل ماقلبت بالقنوات اشوفهم جالسين يسولفون يعني كنهم طالعين استراحه..
ريما: لاااا وزياده على كذا قريت بالجريده ان كل متسابق عاطينه مبلغ مالي كبير
فارس: وهيفاء الحالها عاطينها ملييييون دولار
عبير: مين النومنيه؟؟
فارس: تركي وفاطمة ..
عبير: ومين تبون يفوز انتم؟؟
فارس + ريما: تررركي طبعاً
عبير: ليش يعني علشانه سعودي!! .. مررة مفتخرين فيه وتحسونه يشرف .. بالعكس والله فشلنا .. قبل اسبوعين بالبرايم يردح ويرقص مع هيفاء وهو ماسك علم السعودية وما كأن عليه كلمة التوحيد لا اله إلا الله محمد رسول الله وبكل بساطة يتبادلون هو وهيفاء اخذ منها علم لبنان ومدلها علم السعوديه .. وهيفااااااء طبعا هذا آخر اهتمامها طيحته عالأرض..
ريما: طيب هو مو قصده يهينه .. يعني بعفوية سواها .. مفتخر بدولته
عبير: كذا الافتخااار!! .. لا وذاك اليوم بعد تركي مع ...... مشاري الظاهر .. جالسين يلعبون بالطماطم ويرمونه على سلة ..
ريما: متى؟؟؟
عبير: مرة شفته باليوميات ..
ريما: اسكتوووووو اللحين نتيجه التصويت





نجود كانت جالسه بغرفتها تفكر بااتصال مشاري اللي جاها من كم يوم..
معقوله يكون جاد ويحبني؟؟ ولا خطه مسويها يبي يستدرجني؟؟ ..... ااااااااااااااااه بس نفسى اعرف وش يبي مني؟؟!!!!!!!!... أنا تركته من زمان ليه هو إلا الان مانساني؟؟!!
؟؟!!! ويمكن يكون صحى ضميره ... لا لا لاااااااااا مااتوقع الولد هذا أنا تعلقت فيه بس هو لعاب .. كان يبي يتسلى فيني... ااااااه يارب ابي ارتاح من هذا الهم...

دخلت عليها امها..
ام نجود: السلام عليكم
نجود: وعليكم السلام
ام نجود: وش فيك جالسه الحالك ؟؟
نجود: لااا اللحين نازله
ام نجود: اختك لها ساعه جايه تسال عنك
نجود: ليه ماطلعت فوق
ام نجود: مسكينه بنتها مجننتها بس تصيح تبينها تطلع وانتي هنا تتدلعين
نجود بتردد: يماااا بسالك.. وش صار على الناس اللي خطبوني قبل اسبوعين
ام نجود: خلاص رديناهم .. مو انتي قلتي ماابيهم؟؟
نجود: مدري يمااااا أنا فكرت احسه مناسب
ام نجود: صح النوم الاسبوع اللي راح يوم أنا وابوك نقنع فيك مارضيتي واللحين تقولين ابي
نجود: طيب عادي قولى لهم البنت غيرت رايها
ام نجود: لاااااا والله فشيله من الناس بيقولون حنا لعبه عندكم
سكتت نجود بيأس حست انها كل ماجت تطلع من هم تطيح بهم اكبر...
ام نجود: وش فيك؟؟
نجود: لاااا يما مافيني شئ اللحين بنزل
طلعت امها وهي تحس ان هموم الدنيا على راسها..
ااااااااااااااااه بس يامشاري مهما حاولت اهرب منك الاقيك قدامي.. بس مستحيل ارجع لك او اخليك تاصل للى تبيه...





واحد الميزان من كل سنه هو اليوم الوطني للمملكه العربيه السعوديه..
احتفالنا هذه السنه بيومنا الوطني مختلف عن السنوات الماضيه.. لان هذه اول مره يعتمد لنا فيها عطله رسميه وهذا يعتبر تحول جديد بطريقه احتفالنا بالهويه الوطنيه والتعبير عنها بكل فخر واعتزاز.. وان شاء الله يكون احتفالنا بيومنا الوطني بالعهد الجديد عهد الملك عبدالله بن عبدالعزيز بداية لانطلاقه وطنيه جديده..

الساعه 8 الليل ريما جالسه بالصاله مع اهلها..
ريما: ياناس خلونا نطلع اليوم اليوم الوطني خلونا نحتفل..
عبير: وووووين بتروحين؟؟
ريما: أي مكان خلونا نحس ان اليوم اجازه وبكره اجازه
ام نواف: الحمدلله والشكر انتي ماتسمعين خبر اجازه إلا وتهذرين بالطلعه
ريما: يعني يما وش تبينا نسوي نقعد نقابل تلفزيون السعوديه هو الوحيد اللي جايب احتفالات.. لاااا بس من جد احتفالاتهم تخلي الواحد مايطلع من البيت اسبوع..
عبير: هههههههههههههههههههههههه الله يقطع سواليفك
ام نواف: وش الله حادك حطي قناه ثانيه..
ريما: تكفيييين يمااااا خلينا نطلع
ام نواف: أنا مالي خلق شوفي عبير كان تطلع معك
ريما: هااااااا عبوره وش قلتي؟؟
عبير: أنا كاني طلعت بروح السوق ابي تنوره للجامعه..
ريما: لاااااا سوق لاااا أنا ابس استانس ابي اوسع صدري
ام نواف: يعني وين توسعين صدرك؟؟
ريما: خلينا ندق على ساره تطلع معنا ونروح أي مكان..
عبير: ههههههههه قولي كذا من الصبح
ريما: خلاص بروح اكلمها

راحت ريما دقت على بنت عمها وقالت لها انهم بيمرونها ويطلعون..


طلعوا البنات يدورون بالشوارع ويلفلفون وريما مارضت تروح السوق عشان كذا مروا شارع العليا العام لان عبير تبي تنوره للجامعه.. بعدها جلسوا يدورون مطعم يتعشون فيه مرو من عند التحليه كانت زحمه مووت والسيارات انواع الازعاج واصوات الاغاني عاليه..
ريما: شوفووووووو
التفتوا البنات عالجهه اللي اشرت عليها ريما كانت سياره لونها اخضر عشبي وطالع من شبابيكها اعلام للمملكه..
ساره:ههههههههههه موب صاحي
عبير: غريب شكل السياره
ريما: على بالهم وطنين كل السيارات عليها اعلام المملكه ومشغلين اغاني وطنيه..
ساره: هههههه ودك يسمعونك
عبير: ياللـــــــــه مررره زحمه خلينا نطلع من هنا قبل ماننحبس
.. بالاخير راحوا المطعم تعشوا ورجعوا ساره للبيت وراحوا بيتهم..

عبير كانت متعوده على هالطلعات مع سعود اما ريما ماكانت تطلع إلا بين فتره وفتره عشان كذا حست انها غيرت جو شوي وطلعت من روتين الدراسه والمذاكره..





الساعه 11 الليل..
رجع نواف البيت وقف سيارته بينزل شاف فارس اخوه عند الباب ومعه ولد بس نواف اول مرره يشوفه.. مر من عندهم نواف سلم على الولد وسكت ماحب يحرج اخوه قدامه.. بعد شوي دخل فارس البيت ناده نواف..
نواف: فـــارس
فارس: هلاااا
نواف: مييين اللي واقف معك برى؟؟
فارس: هذا واحد معي بالفصل جاي يبيني اوصف له بيت حمد بيمر عليه ياخذ منه اغراض..
نواف: اهااااا اول مررره اشوفه
فارس: اييه اول مرره يجي البيت
نواف: المهم مااوصيك انتبه لنفسك وتاكد من الناس قل ماتتعرف عليهم مو أي واحد يجي يجلس معك وياخذ ويعطي ..تقول عنه صديقك؟؟.. اتوقع انك فاهم وش اقصد
فارس وهو عارف ان اخوه يقصد الموضوع القديم: ان شاء الله
دخلوا عليهم البنات جاييين من برى..
عبير+ ريما: السلام عليكم
نواف+ فارس: وعليكم السلام
نواف: ماشاء الله .. من وين جاييين؟؟؟؟!!
ريما: لاتخاف ماطلعنا برى الرياض..
عبير: رحت اشتري تنوره بعدها مرينا تعشينا
نواف: ليش مااخذتوا فارس معكم؟؟
ريما باستهزاء: خلاص فارس المره الجايه اذا جينا نطلع تعال معنا
فارس: لااااااا مابي اروح مايتركون محل مايدخلونه .. يدور راسي معهم
نواف: تستهبلين انتي .. أنا اتكلم معك جد
عبير: طيب ماصار شئ .. وش فيك أنت؟؟
نواف: كييف ماصار شئ بنات طالعين الحالهم هالوقت.. .شوفي الساعه كم..؟؟!!
ريما: قلنا لامي وابوي ووافقوا؟؟
عبير: وانا عطيت سعود خبر اني بطلع متى مااحتجت شئ...
فارس: كل هالتاخير وماجبتوا لنا عشاء..
نواف: المره هاذي ماحصل شئ.. لكن المرات الجايه يمكن يصير اشياء.. انتم لاتستهينون بهالطلعه انتم وش عرفكم وش يصير برى .. أنا شاب واطلع واشوف حركات الشباب اللي مال امها داعي.. اذا شافوا بنات بالسياره يسووون بلاوي..
عبير: خلاص فضوها سيره ..حصل خيير
ريما: بعدين بالعقل يانواف فارس اذا راح معنا بيحرسنا؟؟!!
فارس: انتي وش شايفتني عندك طايح من عينك؟؟!!
نواف: لااااا فارس رجال ..هم ان شافوه معكم محد راح يتعرض لكم..
ريما: خلاص اسفين فارس..
نواف وهو طالع فوق: اتمنى الحركه هاذي ماتنعاد..
ريما: اووووووف الله يعين زوجته عليه
عبير: ههههههههههه
ريما: داعيه عليها امها اللي بياخذها
فارس: ويييين تلقى زي نواف؟؟
ريما: ياهووووووو وش الحب هذا
سمعوا صوت نواف من فوق.. يتكلم من نص الدرج..
نواف: صلحوا لي عشاء
عبير: قومي صلحي له انتي أنا بروح اقيس تنورتي.. عشان اذا مقاسها مو اوكي ارجعها..
ريما: هاهاهاهاي من بيوديك فارس؟؟
فارس: خييييير انتي تستهزيين فيني قدامي اجل من وراي وش تسوين؟؟
ريما: اووووف أنا المقروده بهالبيت اتهزأ واصلح

الجزء الخامس عشر
,,,,,,,,,,,,,,,,,

عبير بغرفه ريما جالسه قدام المرايه تعدل شعرها.. دخلت عليها ريما..
ريما: وش عندك لابسه وين بتروحين .. خيانه من وراي.. طيب تكلمي قولي بطلع مو كذا وكاله من غير بواب..
عبير: ههههههه اعصابك لايطق فيك عرق.. من قال اني بطلع؟؟!!
ريما: اجل اكييييد سعود جاء من السفر..
عبير: لااا يعني أنا مالبس إلا لسعود ؟
ريما: اجل لاتقولين جتك الحاله اللي تجيني تلبسين وتجلسين قدام المرايه عشان تحسين انك طلعتي..
عبير:ههههههه الله يشفيك
ريما: اجل ايش تكلمي؟؟
عبير: نجلاء صديقتي جايه الرياض كم يوم وكلمتني قالت بتمر تسلم..
ريما: ياحليلها نجلاء من زمان عنها هي إلا الان عايشه
عبير: هههههه من يوم تزوجت ماجت الرياض يعني لها سنتين تقريبا
ريما: بس هذا مو مبرر لابسه وكاشخه كنك بتطلعين
عبير: اعوذ بالله منك يعني تبيني استقبل البنت ببجامه
ريما: لاااا بس خليك سبور البسي بنطلون ولا برمودا حنا في البيت
عبير: والله بناطيلي بالبيت ماجبت معي إلا ملابس الجامعه.. وكم لبس
ريما: عندي لبس جديد حلوووو
عبير: لا شكرا لبست
ريما: هي متى بتجي؟؟
عبير: قالت بعد المغرب..
ريما: اهااااااا لاتسون تمونون تجلسون بالصاله لاني يمكن انزل اجلس فيها
عبير: هههه لا ياشيخه وليه ماتسلمين عالبنت ان شاء الله
ريما: اوووووووووه مشوار لازم اتروش بعدين البس بعدين انزل وغير كذا عندي مذاكره...
عبير: طيب طيب خلاص خليني انزل اشوف السواق جاب الاغراض
ريما: وبعد بعد رايحين السوبر ماركت ماقلتوا لي
عبير: هههههههههههههه بالله انتي اخر سنه بالثانوي.. كيف تبي تجيبين معدل وانتي 24 ساعه تبي تطلعين
ريما: قل اعوذ برب الفلق من شر ماخلق
عبير وهي طالعه: لاتنسين باقي المعوذات
ريما وهي رافعه صوتها: القهر يسوي اكثر



جلست ريما على مكتبها فتحت ماده الاحياء حضرت درس بكره وسكرت الكتاب.. رتبت شنطتها دخلت مواد بكره على حسب الجدول كانت بتنزل تحت عند التلفزيون بس تذكرت ان عبير بتجي صديقتها عندها .. قالت اكييد اللحين بتكرفني حطي وشيلي وودي هذا.. والحلى قسميه بصحون.. خليني هنا احسن.. راحت جلست على الكمبيوتر حذفت الملفات القديمه اللي فيه وجلست تحوس بالاخير شبكت نت.. لقت الاماراتيه " المهره" اون لاين

ريما كان نكها..
طاقه اللثمه وراكبه همر.. مررررررررحبا
والاماراتيه كان نكها..
حب وعيش دنياك بفرح ** صديت ولا اقفيت دايم في بالي.. هلا بج .. وينج يالقاطعه
طاقه اللثمه وراكبه همر.. موجوده بس عارفه ثانويه عامه وابي اشد حيلي
حب وعيش دنياك بفرح ** صديت ولا اقفيت دايم في بالي.. الله يوفقج
طاقه اللثمه وراكبه همر.. يسلمووووووو
حب وعيش دنياك بفرح ** صديت ولا اقفيت دايم في بالي.. فقدتج قلت وين البنت لايكون فيها شئ
طاقه اللثمه وراكبه همر.. ههههههه مادريت اني مهمه لهالدرجه
حب وعيش دنياك بفرح ** صديت ولا اقفيت دايم في بالي.. هههههههههههه شو هالنك انتي راكبه همر..
طاقه اللثمه وراكبه همر.. لا سيكل بس غلطه مطبعيه..
حب وعيش دنياك بفرح ** صديت ولا اقفيت دايم في بالي.. والله انج شئ تضحكين الواحد غصب..
طاقه اللثمه وراكبه همر.. ليه مهرج؟؟!!
حب وعيش دنياك بفرح ** صديت ولا اقفيت دايم في بالي.. في اغنيه كل ماسمعتها ذكرتني فيج
طاقه اللثمه وراكبه همر.. أي اغنيه
حب وعيش دنياك بفرح ** صديت ولا اقفيت دايم في بالي.. اغنيه راشد المايد ناسيه اسمها بس هي كلمات فزاع .. اللي يقول فيها يامرحبا يامغلط في تليفوني
طاقه اللثمه وراكبه همر.. اهااااااا عرفتها اللي يقول فيها السعوديه ونجد
حب وعيش دنياك بفرح ** صديت ولا اقفيت دايم في بالي.. هيه.. روعه الاغنيه
طاقه اللثمه وراكبه همر.. ههههههه اكيد روعه عشان مدحنا فيها
حب وعيش دنياك بفرح ** صديت ولا اقفيت دايم في بالي.. فديتهم اهل نجد محد يسواهم
طاقه اللثمه وراكبه همر.. الله يخليك احرجتيني ترى ماتعودت اصير رسميه
حب وعيش دنياك بفرح ** صديت ولا اقفيت دايم في بالي.. حاسه فيج.. اهديها لج هاالاغنيه اسمعيها دايم عشان تذكريني

جلسوا البنات يسولفون لما استاذنت المهره وبعدها طلعت ريما من النت





جت نجلاء عند عبير ودخلتها المجلس..
عبير: ياناس عالكتكوت اللي معك هاتي خلي بشوفه زين
اخذته عبير تلعبه شوي جلس يصيح..
عبير: بس بس.. ياناس يجنن يانجلاء
نجلاء: هههههه بس صياح
عبير: والله صرتي دبه يانجلاء
نجلاء : وانتي ماشاء الله عليك نفس جسمك من سنتين
عبير: وش بيخربه ياحسره لاحمل ولا ولاده
نجلاء: الله يرزقك ياعبير
عبير: تعالي علميني وش اخبارك؟؟ ووش اخبار امك زرتيها؟؟
نجلاء: أنا الحمدلله تمام وامي امس شفتها عند خوالي
عبير: رجلك جاي معك الرياض؟
نجلاء: لاااا جايه كم يوم وراجعه المشكله الجيه ماجت الابطلعه الروح
عبير: وش اخبار رجلك معك؟؟
نجلاء: على حطه يدك اللهم بعد سالفه الطرده من البيت صرت مااعطيه وجه حتى النوم انام بغرفه ثانيه .. احسه يحاول يتقرب لكن خلاص أنا مليت منه هو يحاول يحتك مو عشاني عشان نفسه.. انسان اناني
عبير: الله يعينك.. طيب كيفه مع ولده طاير فيه ولاعادي
نجلاء: عادي مايبيه يصيح وياويله اذا سمع صوته وهو يبي ينام تصير عندنا حرب
عبير: على كذا انتي لازم تاخذين مانع حمل اللحين تحملين وتجيبين بيبي ثاني وتبلشين بعمرك
نجلاء: لاتخافين على مدبره عمري.. أنا والله ياعبير ماجلسني معه إلا هالولد ولاكان طلبت الانفصال
عبير: لاااا حرام بعدين ولدكم يتشتت بينكم واخاف بعد ياخذه منك خاصه انك انتي بمدينه وهو بمدينه..
نجلاء: لاتخافين انامدامي جبت الولد مستحيل افكر اتركه خلاص ارتبطت فيه بقوووه
دخلت عليهم ام نواف.. سلمت وجلست معهم شوي.. بعدها طلعت عشان تتركهم على راحتهم..



ريما بعد ماسكرت النت نزلت تحت مالقت شئ تسويه حست بملل .. قالت خليني اروح البس واسلم على نجلاء.. لبست ونزلت بسرعه.. دخلت عليهم..
ريما: السلام عليكم
الكل: وعليكم السلام
عبير: هاذي ريمااا
نجلاء : ياحليلك ياريما كبرتي مرررره تغيرتي
ريما: الله يسلمك
عبير: متى اخر مرره شفتيها؟؟
ريما: ليش الفضايح.. اخر مرره شافتني لما كنتي بالجامعه تلطعينا بالحر برى ننتظرك كنت انزل اناديك كنت بالمتوسط ..وكانت نجلاء تشوفني وانا اصبب عرق وقرف
نجلاء: هههههههههههه
عبير: كل شئ فيها تغير إلا لسانها
نجلاء: صار فيها منك .. تشبه لك
عبير: غريبه انتي اول وحده تقول كذا
ريما: أنا احلى طبعا
نجلاء:ههههه لااا والله كل وحده لها جمال خاص
ريما: خلاص اذا طلعت عبير علميني رايك ماابي احرجك اللحين مع صديقتك
نجلاء: ههههههههههههههههه
عبير: مسكينه مدري مين اللي بيطلع ؟؟
ريما: طرده طيب!!
نجلاء: إلا الان انتم نفس العاده ماتركتوها انواع المناقر
ريما: أنا والله اني بريئه بس هي تغار مني ماتصدق تشوف معي شئ إلا تغار مني
عبير: ايييييييييه صح
نجلاء: وش اخبار الدراسه ياريما؟؟
ريما: الحمدلله ماشيه.. يلا استاذن أنا فرصه سعيده شفناك .. وكان ودي اشوف البيبي اللي معك بس مالي حظ شكله نايم..
نجلاء: مو مشكله اصحيه عشانك
عبير: لاااااا خليه ينام مسكين
ريما وهي طالعه: يلا مع السلامه





بالليل خالد سهران مو راضي يجيه النوم.. حس انه من زمان ماكتب شئ.. خاطره او قصيده بعد ماخلص موسم الصيف ماجته طلبات واتصالات من الناس يطلبون فيها قصائد.. جلس عالمكتب ومسك القلم كان في باله كلام كثير بس مو عارف كيييف يجمعه.. جلس يكتب وبعدين يمسح ومره يقطع الورق ويبدا من جديد.. جلس على هالحال طول الليل على اذان الفجر تقريبا كان منتهي من كتابه قصيده فضفض فيها وطلع بعض اللي بداخله..

ترتجف روحه ويغرق في سؤاله ** كييف ينسى اللي يحب..اللي يحب؟؟
كم قــعد في حــاله يطالع بحـــاله ** لاضحــك يـــكتب!! ويبكــي لاكـتب!!
يكتب اللــي مــر في دمـه وبالــه ** من ســبب او شــئ كان بـــلا سبب
ماطــلب غيـــرك ولاعنى خيــاله ** يم غيـــرك جــــاك يااريــــح تـــعب
مايقــارن فيك حتى اغلى حــلاله ** صرت الاغلى وأنت الاحلى والصعب
ذاب طبعـه حس في طبعـك بداله ** يضحـكه ضحكك ويغضبك ان غضب
يتذكـر كيــــف نسيــانك طرالـــه ** صـــار مايـــــدري يحــب او مايحب
ياسؤالـــه جــاوبه من هو بقاله ** يحضـــن ظلالـــــه مثل عيـن وهدب
وعن سؤاله يسـاله حتى سؤاله ** كيـف ينسى اللي يحب ..اللي يحب؟؟

"القصيده للشاعر..محمد الغرير"


خالد بالفتره الاخيره صار يحس بتانيب ضمير انه يفكربوحده متزوجه يعني على ذمه رجال ثاني ..لكن مهما حاول انه يبتعد عن التفكير فيها يلقى نفسه يرجع مررره ثانيه.. مل و تعب يبي يغير بحياته شوي .. بس وش يسوي ؟؟!! كيييف يغير وهو مابيده شئ غير الكتابه؟؟!!...

مها بغرفتها جالسه تدور كتاب ضايع منها.. دخل عليها مشاري..


مشاري: وش عندك تحوسين؟؟
مها: ادور كتاب
مشاري: يوووووو انتي ماتملييين من الكتب
مها: كل انسان له هوايه
مشاري: المهم ابي غداء والشغاله مو في المطبخ؟؟
مها: طيب انتظر شوي
مشاري: ان شاء الله إلا ماتلقين كتابك؟؟
مها: لااا ثواني بس
مشاري: شكلكم متغدين بدري اليوم
مها وهي تفتح الادراج: عادي زي كل يوم ..بس أنت يوم تتغداء بالبيت وعشره لاااا
مشاري بتردد: مها..... اللحين بالجامعه عندكم لو اسالك عن بنت ممكن تجيبين اسمها
مها وتناظر اخوها بنظرات شك: اللــــه الجامعه كبيره طبعا صعبه
مشاري: لا أنا ماقلت اسالي عنها بكل الجامعه هي بنفس كليتك
مها: حتى لو صعبه
مشاري بيأس: اهااا طيب ..حطي لي غداء
مها: اوكي

دخلت عليهم ساره..

ساره: سبحان الله مشااااااااري عندنا بالغرفه .. حدث عالمي
مها: هههههههه هو قال الغرفه اليوم منوره اكييييييد ساره مو فيها ودخل
مشاري وهو طالع: يلا أنا بطلع
ساره: اييييييه اذا دخلت الملائكه ذهبت الشياطين
مها: وش فيك انتي عليه
ساره: مافيني شئ بس هو يرفع الضغط يوم شافني طلع
مها: طيب عادي مو قصده شئ
ساره: إلا الااااااا قصده ونص هو اصلا مفشلنا بكل مكان
مها: وش هالكلام؟؟!!
ساره: انتي ماسمعتي خالد ذاك اليوم بالشاليهات وش يقول عنه!!!!!! .. ولانواف يمنع اخته تجي تسهر عندنا لحالها كله عشان مشاري!!
مها: تراه اخوك الكبير مهما سوى احترميه
ساره وهي طالعه: اووووووف ..كل ماقلنا شئ قالوا اخوك الكبير واخوك الكبير...






يوم الخميس الليل نواف كان طالع مواعد واحد من اخوياه بكوفي جلس عالطاولات اللي برى ينتظر خويه يجي.. التفت لقى واحد يطالع فيه نظرات حاده طنش لكنه لف مررره ثانيه لقى الرجال مازال يطالع فيه المشكله انه ماعرفه قال هذا الرجال اول مرره اشوفه بحياتي .. ويطالعني هالنظرات وش يبي من الحياه..

طلب له كوفي وكوروسون جلس يطالع بالساعه حس ان خويه تاخر دق عليه
نواف: الوووووو
فيصل: هلا
نواف: وين الناس؟؟
فيصل: معليش تاخرت عليك كانت معي الوالده..
نواف: طيب يلااا عجل علينا ترى طفشت
فيصل: اوكي 10 دقايق وانا عندك..
نواف: مع السلامه
فيصل: فامان الله

سكر نواف من فيصل وجلس يتلفت يدور الرجال اللي كان يطالعه مالقى احد

بعد شوي جاء فيصل وجلسووا سواليف وضحك وتعليقات عالعالم..
شاف الطاوله اللي جنبه جاء جلس فيها نفس الرجال ويطالعه بنفس النظرات.. التفت نواف على فيصل..
نواف: فيصل شف الطاوله اللي جنبنا
فيصل: أي طاوله ؟؟
نواف: اللي عاليمين.. تعرف اللى فيها؟؟
فيصل: لااا واالله اول مرره اشوفه
نواف: غريب هالانسان عليه نظرات
فيصل: طنش يارجال
نواف التفت عالرجال وكان شكله شاب صغير عمره باول العشرينات..
نواف: نعم أي خدمه؟؟
تفشل الرجال ولف عالجهه الثانيه..
فيصل: ماعليك منه
نواف: ناس ماتجي الابالعين الحمراء.. من دخلت هنا وهو انواع القز
فيصل: اقووووووول بس ماعليك .. أنت السنه هاذي مااخذت اجازه
نواف: لااااا قلت خليها بعدين
فيصل: يارجال أي بعدين تكرف كل يوم بعدين ماتاخذ اجازتك السنويه.. أنا اخذت الشهر وحسيت انه طار بسرعه..

جلسوا يسولفون عن كل شئ يخطر بالبال..

نواف: اوووه يالله أنا دخت جاني النوم
فيصل: خلاص اجل نشوفك بكره بالاستراحه لاتقول عندي دوام
نواف: ههههههههههههه
فيصل: والله الحكومه كنها داريه ان في ناس ماياخذون اجازات قالوا خل نعطيهم اياها بالقووووه..
نواف: ههههههه خلاص ان شاء الله كاني فاضي مريتكم.. مع السلامه

وهو طالع لاحظ ان الرجال جالس يتبع خطواته طنشه وراح ركب سيارته..





رجع البيت لقى فارس عند التلفزيون.. راح جلس معه.. نواف هالفتره كان يتقرب من فارس ويحاول يصير صديق له.. خاصه بعد الشئ اللي اكتشفه عنه..
نواف: السلام عليكم
فارس: وعليكم السلام
نواف: وييين الباقين؟؟
فارس: البنات بالمطبخ بيسوون شئ ياكلونه.. وابوي طالع وامي فوق
نواف: وش اخبار الدراسه؟؟
فارس: الحمدلله زينه
دخلوا عليهم البنات ..عبير معها شاندويشات وريما شايله صينيه العصير..
نواف: ماتغديتوا؟؟
عبير: لا أنا ماكنت مشتهيه شئ دسم
نواف: مافي حلى أنا مشتهي حلى
ريما: لا للاسف مافي
عبير: ليتك قلت لي كان سويتلك
فارس: ريما مافي عصير مشكل؟؟
ريما: مدري رح شف بالمطبخ
اخذ نواف الريموت وجلس يقلب بالقنوات..
نواف: القنوات هاذي من اللي مطلعها؟؟
ريما: أي قنوات؟؟
عبير: مو أنت مررره جلست عليه وشفرت القنوات اللي مو زينه
نواف: ايييه وحطيت لها رقم سري.. بس من اللي رجعهم؟؟
فارس: ايييييه الظاهر يوم خرب الدش الاسبوع اللي راح جاء واحد صلحه وبرمج القنوات وشكلها طلعت..
عبير: عادي شفرهم مرره ثانيه
ريما: وش فيهم تشفرهم؟؟
نواف: اقول يمدحون الاكل كلي بس..
ريما: تسكتني..
فارس: اقوول نواف لاتحذف كل شئ
نواف: اقولهم قنوات تعبانه يقولون لاتحذف.. كل شئ شين بشيله.. بس انتم خلصوا اكل عشان اشفر..
عبير: وش دعوه
ريما: تكفى يانواف عاد أنا التلفزيون اخر اهتماماتي
نواف: تصدقون أنا مااييد الديجتال.. عربسات احسن للعوايل
ريما: لااااااا ياشيخ والشباب عادي يشوفون اللي يبون
عبير: صح انتم ليه نظرتكم كذا عندكم الرجال حلال يشوف والبنت لا.. ترى الحلال بين والحرام بين..
نواف: أنا ماقلت...
ريما: بعدين القنوات كلها بنات شبه عاريات حنا لو شفنا هم بنات زينا ممكن نبلعها لكن انتم خييييييييير تشوفون هالمناظر..
نواف: البنت ممكن تقلد المناظر اللي تشوفها لكن الرجال لاااا
عبير: وأنت الصادق الولد حتى ان قلد شايل عيبه ولا لا ؟؟؟!!!!!!!
انصدم نواف من رد عبير عليه وجلس يبرمج القنوات ..
نواف: انتم النقاش معكم مايجيب نتيجه
دخل عليهم ابو نواف: السلام عليكم
الكل: وعليكم السلام
ريما: يبا تفضل ساندويشات عبير
ابو نواف: الحمدلله شبعان
عبير: يبا طيب عصير
ابو نواف وهو ياخذ العصير: وين امكم؟؟
فارس: قبل شوي شفتها فوق بغرفتها
نواف: يبا تذكر جارنا ابواحمد اللي نقل بيته من عندنا قبل كم سنه
ابو نواف وهو يحاول يتذكر: ايييييييه إلا كان قبالنا وش فيه
نواف: اليوم صدفه شفته عندنا بالشركه كان جاي يراجع .. رحت سلمت عليه هو ماعرفني يقولي تغيرت..
ابو نواف: وينه القاطع من يوم ترك البيت ماطب الحاره
عبير: يبا اللحين هذا حال الناس عساهم يصلون الرحم مو عاد الجيران
ابو نواف: وانتي صادقه يابنيتي
ريما: على طاري صله الرحم ودي اروح عند ساره يوم الاربعاء
فارس: بسم الله الرحمن الرحيم قبل كم يوم كانت عندنا
عبير: يبا عمي من يوم راح سعود ماشفناه دقيت عليه مره قلت له تبي شئ محتاج شئ قال لا.. يمكنه مستحي مني كلمه أنت يبا خله يجي يتغدى عندنا ولا يتعشى
نواف: ايييييييه يبا مسكين عمي لايروح ولايجي إلا اذا لزمنا عليه
ابو نواف: خلاص بكلمه وبشوف..
عبير: ان شاء الله يجي
ابو نواف: إلا سعود متى بيرجع؟
ريما: يوووووو قويه يبا ..كلنا ملينا منها بس محد تجرأ وقالها إلا أنت
ابو نواف: ريما اعقلي
نواف: ياناس البنت هاذي بدخلها موسوعه قينس للارقام القياسيه.. اطول لسان بالعالم
فارس: هههههههههههه
ريما: وأنت وش فيك تضحك.. طول الجلسة ساكت وان جت سيرتي شق حلقه
عبير: هو قال اسبوع عشره ايام يعني هاليومين ان شاء الله بيرجع
ابو نواف: الله يرجعه بالسلامه





في بيت ابو مشاري.. ساره دخلت على مها بالغرفه..
ساره: مها ابوي يبيك..
مها: يبيني.. ليش؟؟
ساره: مدري بس قال نادي لي مها
مها: وينه هو تحت؟؟
ساره: لا بالغرفه ..
راحت مها لابوها.. طقت الباب ودخلت..
مها: السلام عليكم
ابو مشاري: وعليكم السلام
ابو مشاري: تعالي اجلسي بتكلم معك بموضوع..
مها: سم يبا
ابو مشاري: شوفي يامها انتي اللحين كبرتي صار عمرك 20 سنه صح ولا لا؟
مها: صح يبا
ابومشاري: في وحده دقت على امك قبل كم يوم خطبتك منها؟؟

مها وهي مصدومه: انااااااااااا؟؟
ابومشاري: ايييه انتي أنا رحت سالت عنه الولد ماشاء الله ماعليه يمدحونه..
سكتت مها..

ابو مشاري: أنا قلت بخذ رايك قبل مايجون الناس ويخطبون رسمي..
مها: من هم يبا الناس أنا اعرفهم؟؟
ابو مشاري: لا ماتعرفينهم هم جو عن طريق وحده تعرف امك.. انتي فكري بالموضوع وردي لي..
مها: ان شاء الله يبا
ابو مشاري: واي شئ تبي تعرفين عنه تعالي اساليني وانا ماراح اقصر بعلمك بكل شئ اعرفه..

طلعت مها من عند ابوها وهي مستغربه من هالخاطب اللي جاء بهالوقت بالذات.. راحت غرفتها وهي تفكر بالموضوع.. وش اقولهم اللحين وابوي يقول الرجال ماعليه.. المشكله أنا ماسالته عنه ولاقلت وش يشتغل ولا ولا...!!! غبيه أنا المفروض اني سالته يمكن القى عييب فيه وارفض على طول.. لازم اقول لريهام خليها تفكر معي كييف اصرف اهلي..






الصباح فارس وحمد بالمدرسه ..

حمد: وش فيك أنت متغير؟؟
فارس: عادي مافيني شئ..
حمد: مدري من زمان ماطلعنا مع بعض
فارس: أنت إلى الآن تروح للشله التعبانه..؟؟
حمد: لا رحت لهم كذا مرره اطق الباب محد يفتح لي ..سالت الحارس يقول الشقه اللحين للايجار طلعوا المستاجرين اللي فيها..
فارس: احسن
حمد: ماتدري وين راحوااا؟؟
فارس: أنت وش تبي فيهم؟؟ هذولا ناس نصابين يلعبون علينا يبونا بس نلحق وراهم
حمد: صح انهم احيانا يسون حركات.. ارجع البيت واكون مستحقر نفسي بس هم شقتهم وناسه
فارس: اسمع ياحمد اذا تبي هالناس وتبي تروح لهم ترى أنا مو خويك ولا اعرفك
سكت حمد وماعرف يرد على فارس لانه عارف ان اللي جالس يسويه غلط..





مها بالجامعه تحكي لريهام سالفه الخطبه..
ريهام: طيب انتي وش قلتي لهم
مها: ماقلت شئ ابوي قال فكري ..
ريهام: طييب اذا الولد زين ليش تردينه
مها: تستهبلين انتي
ريهام: لاتقولين لي خالد
مها: ااااااااه بس
ريهام: فكري بالعقل والمنطق الولد ماجاب خبرك
مها والعبره خانقتها: طيب وش تبيني اسوي اكثر من اللي سويته
ريهام: مها لاتضيقين صدرك
مها: أنا احب خالد ومستحيل افكر اخذ غييره
ريهام: طيب روحي قولي لاهلك اني أنا توي صغيره وماافكر بالزواج
مها: وتعتقدين هذا حل..
ريهام: انتي قولي كذا بعدين ربك يحلها
مها: مدري ياريهام احس بضيقه صدر..
ريهام: والله حاسه فيك.. بس خالد هذا لاحياه لمن تنادي.. الله يعينك يامها





يوم السبت رجع سعود من السفر ودق على عبير تتجهز عشان يمر ياخذها..
دخلوا البيت وعبير مارضت لسعود يمسك شئ..
عبير: خلاص حبيبي أنت رح خذ لك شور وارتاح أنا برتب كل شئ
سعود: ماراح المس شئ بس مشتاق لك
عبير: وانا اكثر بس لاتخاف أنا ماراح اطير بتقوم تلقاني
انسدح سعود عالسرير وراح بنوم عميييق عبير طفت النور وطلعت..

.
.
.

بعد ساعتين صحى من النوم لقى عبير مصلحه عشاء جلسوا يتعشون بعدها طلع لها الهدايا اللي كان شاريها لها..
عبير: مالك داعي جايب كل هالاشياء لي
سعود: أنا كم وحده عندي
عبير بدلع: حتى ولو المفروض ماادلعني بعدين مايملى عيني شئ
سعود: اموووووووت أنا عالدلع
عبير: سعود وش فيك مو على بعضك .. احس فيك شئ
سعود بضيق: لاااا مافيني شئ
عبير: علينا
سعود: يمكن تعب السفر
عبير: اكيييييييد؟!!!
سعود:اكييد
عبير: اذا كذا أنا عاذرتك
سكت سعود وقامت عبير ترتب اغراضه وترجع كل شئ مكانه..

الجزء السادس عشر
,,,,,,,,,,,,,,,,,

دق جوال خالد شاف رقم غريب مااستغرب كان متعود لانه رقمه ناشره بكذا مكان يوم كان يعلن في الجريده..
خالد: مرحبا
.....: السلام عليكم
خالد: وعليكم السلام
.....: اخوي ممكن اتكلم معك بموضوع
خالد: تفضلي
.....: أنت ماتعرفني لكن أنا اعرفك.. يمكن تستغرب من وين جبت رقمك
خالد: لااااا عادي مااستغربت ولاشئ اساسا جوالي 24 ساعه يرن
.....: لحظه لحظه
هنا ريهام تندمت انه دقت على خالد يوم شافت اسلوبه زياده على كذا لو درت مها انها دقت علي خالد ماتدري وش راح تسوي فيها..
ريهام: اخوي كنت ابي قصيده اهديها ..
خالد: تهدينها لمين؟؟؟؟؟!!!!!!!
ريهام: صراحه منحرجه مدري وش اقولك
خالد: اختي تكلمي
ريهام: صراحه أنا احب واحد واموووت فيه لكن هو مافكر فيني حاولت اوضح له هالشئ والمح له لكن هو سوى نفسه مو داري .. طنشني
خالد: هههههههه طيب أنا وش دخلني بالموضوع
ريهام: ابيك تكتب لي قصيده تبين فيها حبي له وانه هو ماجاب خبري.. بهديها له
خالد: اولا اذا هو طنشك طنشيه.. ثانيا للاسف أنا مو عياده نفسيه تدقين تشكين لي عن حبيبك.. ثالثا وهو الاهم أنا مااكتب قصائد من هالنوع إلا لنفسي
ريهام: ليه أنت تحب؟؟!!
خالد: مو شغلك هذا شئ راجع لي.. تبين شئ ثاني
ريهام: لااااااا شكرا
خالد: مع السلامه وسكر الخط...

يوم قفلت ريهام انقهرت منه حست انه اهانها هي وش سوت عشان يرد عليها بهالاسلوب القاسي.. هذا جزاها كانت تبي تخدم صديقتها وتحاول تقربهم من بعض.. لكن باللحظه الاخيره ترددت خافت بسبب هالشئ تخسر صداقاتها لمها..
اه اه يقهر يقهر مدري كيف مها تحبه يرفع الضغط.. شايف نفسه.. مغرور.. ياصبر الارض عليه.. مسكين يحس نفسه وسيم وشاعر خلاص العالم لازم يضربون له سلام ملكي..
الله ياخذ الساعه اللي فكرت ادق عليه فيها..





مشاري قلت طلعاته من البيت اول مررره يحس انه حب.. صار يكره البنات وسيرتهم كله من نجود هالبنت قلبت كيانه .. حتى يوم صار صادق وعها البنت مو راضيه تصدق.. يارب كيييف اقدر اوصل لهالبنت.. قطع عليه حبل تفكيره صوت الجوال..
مشاري: هلا
منصور: وينك يارجال امس ماجيت؟؟
مشاري: كان راسي مصدع نمت بدري
منصور: اليوم نشوفك
مشاري: مدري والله أنا صحيت اليوم بدري كاني مانمت مريتكم
منصور: تعاااااااال فاتك امس طلال جاب خويته للشقه.. ياشييييييييخ قمر البنت حسافه عليه..
مشاري: ههههههه والله انكم فاضييين.. كثير الحلوات
منصور: بس هالبنت غير
مشاري: غريبه من متى طلال عنده خويه ويطلعها
منصور: مدري عنه
مشاري: خلاص بحاول امركم اليوم
منصور: اوكي باي
مشاري: باي
سكر مشاري ورجع يفكر بلي شاغل فكره له فتره..





في الشركه وبالتحديد في مكتب نواف الجديد الموظفين مجتمعين ويباركون له بالترقيه..
المدير: الف مبروك..
نواف: الله يبارك في عمرك
والشباب من كل جه يباركون له
المدير: بهالمناسبه حبيت اسوي احتفال صغير بمكتبي ..اشوفكم هناك.. يلا أنا بروح اكلم روساء الاقسام يحضرون معنا
نواف: تسلم والله يابو عبد العزيز ماله داعي تكلف علي عمرك
فيصل: احلىىىى من قدك صار لك مكتب لحالك
نواف: ههههههه ودك تجي معي
وليد: والله تستاهل يانواف
نواف: تسلم واللــــــــــه
فيصل: يلا أنا بلحق المدير ولاتتاخرون علينا
نواف+ وليد: ان شاء الله
وليد: اااااااه بس رحت وتركتني الحالي
نواف: ومن قال انك الحالك بيجبون لك موظف جديد معك تحت التدريب بيطلع ريحتك.. زي ماطلعت ريحتي..
وليد: هههههههه الله يعين
نواف: بالله تذكر يوم تجي قبل سنتين وتدرب عندي.. ياانك رفعت لي ضغطي..
وليد: هههههههههههه
نواف: يالله استلم يوم لك ويوم عليك
وليد: يلا تاخرنا عالمدير
نواف: يلا مشينا..
راحوا مكتب المدير احتفلوا بالترقيه بحضور اغلب موظفين الشركه..





وفي البيت لما عرفوا اهل نواف بترقيته الفرحه مو سايعتهم فرحوا له من كل قلبهم..
ام نواف وهي تصيح: والله انك تستاههل ياوليدي
نواف: وش هالدموع يماااا
ام نواف: من الفرحه ياوليدي
نواف: هذا كله بفضل دعواتكم لي
ابو نواف: الف مبروك عقبال مانفرح بك عريس
نواف: هههههههه ان شاء الله يبا
ريما: حركات نواف ترقيت.. مبرووووك عطني الحلاوه
فارس: مبروك نواف
نواف: هههههههه أي حلاوه روحي نامي بس.. بدال ماتقول اخوي الكبير ترقى اروح اجيب له هديه..
ابو نواف: بهالمناسبه بسوي لك عشاء
ام نواف: رجال وحريم بعد .. أنا بفرح بولدي عند الحريم
ريما: هههههه يما اجل بمسكها عليك ان شاء الله أنا اذا تخرجت سوي لي حفله كبيره
فارس: انتي تخرجي اول بعدين تكلمي
ابو نواف: خلاص يصير خير ابشوف يوم الخميس هذا قبل مايجي رمضان
ام نواف: اللي تشوفه
ريما: لحظه أنا ابي ملابس جديده
نواف: دولابك مليان
ريما: اللحين حفله اخوي البس لها شئ قديم .. من اللحين اقولكم اذا في حفله أنا ابي السوق
ابو نواف: ان شاء الله بس اسكتي اللحين
فارس: لقطي وجهك
نواف: انتم ماتشوفون ابوي يتكلم خلاص اسكتوا
يرن التلفون راحت ريما ترد عليه..
ريما: نواف عبير تبيك بالتلفون
راح نواف رفع السماعه..
نواف: هلالالالا وغلالالالالالا
عبير: مبروووووووك والله يوم قالت لي امي ماتتصور كيف فرحت لك
نواف: يسلموووو
عبير: سعود يسلم عليك يقول بيمر يبارك لك
نواف: الله يسلمك ويسلمه
عبير: يلا اجل اشوفك اليوم يمكن امر عليكم
نواف: اوكي مع السلامه
عبير: فامان الله

رجع نواف عند اهله وقاموا يخططون عالعشاء اللي بيسونه بهالمناسبه وطول ماهم جالسين وتلفون نواف ماسكت الناس يدقون يباركون له..





في بيت ابو مشاري كانوا متجمعين على طاوله الطعام يتعشون..
ساره: مها قربي الصحن
ام مشاري: سمي بالرحمن
مها: هي دايم كذا كن احد يركض وراها
ابو مشاري: الناس عالاكل يسكتون وهم ياكلون وانتم اصواتكم ماتطلع الاوقت الاكل..
ساره: يبا وش فيك ماقلنا شئ
ام مشاري: مشاري الله يهديه من شوي وانا اصلح العشاء كان هنا ..تو رحت بناديه مالقيته
مها: اييييه أنا شفته وهو طالع
ساره: يعني غريبه على مشاري هو دايم طالع
ابو مشاري وهو قايم: الحمدلله.. مها اذا خلصتي عشاء تعالي عندي الغرفه ابيك
ساره: ماشاءالله عندكم اسرار
ام مشاري: كلي وانتي ساكته
مها: ان شاء الله يبا
ساره: وش يبي فيك؟؟
ام مشاري: لقافه..
ساره: يمااا هي اختي مو بنت الجيران
مها: هههههه وانا وين بروح شايفتني
خلصت مها اكل وراحت عند ابوها وزي ماتوقعت فتح معها نفس السالفه الخطبه..
ابو مشاري: خليتك فتره كافيه تفكرين .. انشاء الله تكونين قررتي
مها: يباااا مدري وش اقولك
ابو مشاري: تكلمي وش تبي تعرفين عنه شئ
مها: لاا يبا مو كذا السالفه
ابو مشاري: اجل ايش
نزلت مها راسها ماتدري وش تقول لابوها..
ابو مشاري : تكلمي يامها قولي اللي بخاطرك واللي تبينه راح يصير
مها بتردد: يبا أنا احس اني توي صغيره ابي اكمل دراستي
ابو مشاري: اذا المساله الدراسه .. الدراسه مو سبب ترفضين عشانه نشترط عالولد تكملين دراستك..
مها: لاااا الله يخليك يبا اللحين احس نفسي مو مستعده ولا افكر بالزواج
ابو مشاري بياس: براحتك يابنيتي اللي تشوفينه.. مع ان الولد ماينرد..
ارتاحت مها يوم سمعت كلام ابوها.. حست ان حمل ونزاح
مها: مشكووور يبا الله يخليك لنا
طلعت من عند ابوها وهي مبسوطه بالرغم من الألم اللي بداخلها من صد خالد لها..

يوم الخميس في بيت ابونواف كان العشاء بمناسبه ترقيه نواف.. عزموا الكل ماتركوا احد رجال وحريم.. عزموا عيال عمهم وعيال خالهم وجيرانهم وكل معارفهم واصدقاء نواف.. حتى ابو نواف قال لاخوانه لاتتركون احد يعز عليكم إلا اعزموه.. الرجال كانوا مجلسينهم بمجالس الرجال كان عندهن مجلسين والعشاء مسوين بوفيه بالحوش..
اما الحريم فكانوا جالسين بمجلس الحريم وبالصالونات الداخليه للبيت .. كان البيت زحمه والكل مبسوط وفرحان.. ريما اصرت انها تروح السوق وفعلا راحت واشترت لها بدله حلوووه لونها ليموني كانت مناسبه للون بشرتها.. اما عبير كانت لابسه فستان ناعم قصير لونه تفاحي و ليلكي كان جايبه لها سعود باخر سفره سافرها..
مها وساره كانوا لابسين سبورات هاديه مع اكسسوارات خلت اكشن باللبس..
القهووه كانت شغاله رايحه وجايه هذا غير صياني الحلى اللي كانوا جايبينها طلبيه كان شكلها روعه..
عالساعه10:30 دخلوا الرجال يتعشون بعدها بساعه دخلوا الحريم تعشوا وباركوا لهم مررره ثانيه وودعهم وطلعوا..
الساعه 12:20 كان الكل طالع تقريبا مابقى في مجالس الرجال إلا المقربين ابو مشاري وعياله وابوسعود وسعود وخالد.. كان ابو مشاري يسولف لاخوانه بصوت واطي وكان خالد قريب منهم فسمع حديثهم كامل..
ابو مشاري: والله ضاق صدري الرجال ماعليه كلام
ابوسعود: طييب كان حاولت فيها
ابو مشاري: البنت تقول بكمل دراستي
ابو نواف: هذا موب عذر المفروض قلتلها هو ماراح يمنعك تكملين دراستك
ابو مشاري: والله أنا ماقصرت حاولت فيها أنا وامها بس هي رافضه
ابوسعود: أنا من رايي اذا أنت شايف ان الرجال زيين لاتتردد اغصبها البنت ماتعرف مصلحه نفسها توها صغيره..
ابو مشاري: مها ماشاء الله صار عمرها20 سنه ميب صغيره
ابو نواف: اجل توكل عالله ولاتشاور
ابو مشاري: مدري ماودي اغصب البنت على شئ ماتبيه
ابوسعود: البنت مالها شور اذا هو رجال كفووو
ابو نواف بخاطره يقوله ان البنت ماتعرف مصلحه نفسها هاذي عبير ضغطت عليها وغصبهتا على ولد عمها واللحين عايشه مبسوطه.. بس ماكان قادر يقول هالكلام قدام اخوه..
ابو مشاري: الله يعين
ابو سعود: الله يكتب اللي فيه الخير.. يلا نستاذن حنا
ابو مشاري: وحنا بعد خلي نكلمهم عشان يطلعون..





رجع خالد البيت وهو يفكر بكلام خواله اليوم عن مها ضاق صدره عليها انهم بيغصبونها على شئ هي ماتبيه..مسكينه البنت جالسه مع البنات مبسوطه وخوالي جالسين يقررون مصيرها.. قال ايش اغصبها.. وييين حنا عايشين بغابه ..حراااام عليهم اللي يسونه ياويلهم من ربي عشان البنت ضعيفه ماتقدر توقف في وجيههم وتقولهم لاااااااا... قالوا حنا نعرف مصلحتها اكثر منها.. ايش التخلف هذا الناس طلعوا للقمر وهذولا إلا الان عايشين على عصر الاضطهاد والظلم.. اذا زوجوها وماتوفقت البنت ذنبها برقبتهم.. يغصبونهم على الزواج بعدين يجون يقولون ليش نسبه الطلاق عندنا مرررتفعه؟؟!!!!
ياللـــــه طيب هي ليش ماوافقت عالرجال مادام خالي يقول عنه والنعم فيه وماينرد .. معقوووووله هي تحبني وتفكر فيني زي ماقالت لي ؟؟!! لا لا مااتوقع انها تحبني بهالمعنى هي يمكن معجبه فيني او تعجبها شخصيتي بعدين وهمت نفسها انه تحبني .. اكيييييييد اكيييد هذا هو الواقع.. ولا يمكن هي معها حق تبي تكمل دراستها وخاصه ان مها معروفه تحب الدراسه والمذاكره والكتب.. بس هذا موسبب مقنع..
راح الليل وخالد يفكر بمها مرررات يحس انه راحمها ومررات يقول اكييد بيضيق صدري عليها هي مثل اختي.. بس لما يتذكر موقفها معه يوم تكلمه يقول لاااا البنت تحب.. تعب خالد من التفكير وكل مايحاول يبعد الموضوع من راسه يلقى نفسه رجع يفكر فيه مرره ثانيه.. لما سمع اذان الفجر قام وتوضى وصلى بعدها نام..





دخل عليهم شهر رمضان الكريم وصار الكل يبارك للثاني بحلول هالشهر الفضيل وصرنا نسمع العبارات المعتاده .. " كل عام وانتم بخير" .." مبارك عليكم الشهر".. " شهر مبارك"
"الله يجعلنا من صوامه وقوامه" ... "الله يعيده علينا وعليكم بالصحه والعافيه" ..
وجميييع المسلمين اللهم امييييييييين..
بهالشهر تخضع الانفس لخالقها وتخشع القلوب ويتسابق المسلميين عالعبادات والاعمال اللي تقربهم من الله عزوجل..





في بيت ابو مشاري البنات في المطبخ كل وحده ماسكه شغله بيدها.. ساره جالسه تلف السمبوسه ومها تصلح السبرنق روول ..دخلت عليهم امهم..
ام مشاري: انتم إلا إلا ماخلصتوا يلا مابقى شئ عالاذان
ساره: تونا يمااا باقي ساعه
مها: بس ياشاطره الاشياء هاذي بتنقلي بالزيت ماراح ناكلها كذا
ام مشاري: مها اذا خلصتي اللي بيدك تعالي صلحي العصير
مها: ان شاء الله يماااا
ساره: خلصت اخيراااا
ام مشاري: الحمدلله عطي روجي خليها تقليها
ساره: يماااااا ماصلحتوا حلى
مها: واللي امي تشتغل فيه من الصبح وش تسمينه؟!
ام مشاري: ساره روحي شوفي اخوك نايم صحيه قولي له مابقى شئ عالاذان
ساره: يؤيؤ يرفع الضغط مايقوم روحي انتي يامها أنا دايم يهزئني اذا صحيته
مها: طييب روحي حطي التمر بصحون وانا بروح اصحيه..





وفي بيت ابو نواف متجمعين عالفطور ازعاج وربشه واصواتهم طالعه ..
فارس: اااااذن
الكل: بسم الله
ام نواف: اللهم لك صمت وعلى رزقك افطرت
نواف: ريما صبي لي قهووه
ريما: أنا كل يوم كذا عالفطور انكرف ماعمري افطرت زي الناس
ابو نواف: اللهم اني صائم تعوذوا من ابليس
فارس: ريماااا وين كاسات العصير
ريما: ماااااري مااااااااااااااري جيبي كاسات
ام نواف: خلي الحرمه تفطر
ريما: هي ياعمري تتنكد عشاني ناديتها مررره وحده وانا كل يووم روحي جيبي ودي عادي عندكم
فارس: ههههههه هي موب ملسونه زيك
نواف: الحلى خطيير اليوم من مصلحه
فارس: اكييييييد أمي
ريما: حرااام عليكم أنا كل يوم اصلح لكم بس اليوم رجعت من المدرسه تعبانه نمت شوي..
نواف: لذيذه يمااااااا
ابو نواف: وهي صادقه ريما امس كانت مسويه لنا حلى
ريما: محد يدافع عني إلا ابوي الله يخليه لي

قاموا ابو نواف والعيال يصلون.. وريما طلعت فوق.. صلاه التراويح تروح ام نواف كل يوم تصلي في المسجد.. وريما مو على كل حال مررره تكون تعبانه ومرره يكون عندها امتحان بكره..





وبما ان رمضان كان ايام دراسه كان كل واحد يفطر ببيته إلا ايام الخميس كانوا يجتمعون عند ابونواف او ابو مشاري.. وخالد بما انه عايش الحاله كان كل يوميين يروح عند واحد من خواله يفطر عنده واحيانا عند صديقه سلطان.. عبير اصرت على سعود مثل كل سنه من اخذته انه يدق على امه وخواته يبارك لهم بهالشهر الفضيل سعود بعد ماكلم امه وخواته خلاها تكلمهم.. وهو كبرت بعينه زوجته يوم شافها تصر عليه انه مايقطع امه وخواته بالرغم انه بالبدايه كانت اكثر خلافاتهم حول هالموضوع.. يعني عبير من اخذت سعود غيرت فيه اشياء كثير للافضل إلا سالفه الحمل والعيال هو مو راضي يقتنع فيها ومصر عليها انها تاخذ حبوب منع الحمل لاجل غير مسمى لكن هي مازالت مساعيها انه تقنعه بهالموضوع زي مااقنعته بمواضيه ثانيه كان هو رافضها..





وفي يوم الخميس كان ابو مشاري عازمهم عالفطور.. دخلت عليهم عبير ومعها صينيه..
ريما: وش اللي معك؟؟
عبير: مكرونه بالبشاميل..
ساره: كنك تدرين اني احبها
اخذت مها الصينيه من عبير: مشكوره ياعبير
ام مشاري: وشوله تكلفين على نفسك
عبير: وش دعووه خالتي هنا ولا في البيت في كل الحالتين بشتغل
ام نواف: عمك جاء معكم ياعبير
عبير: ايه جاء قبلنا حنا لحقناه
راحوا البنات المطبخ يساعدون الشغالات بتحضير الفطور.. التفت عبير على مها..
عبير: مها ويييين البنات راحوا
مها: توهم كانو هنا
طلعت عبير بتشوفهم لقتهم عند التلفزيون جالسين..
عبير: ماشاء الله حنا جالسين بالمطبخ وانتم هنا
ريما: حنا صايميييين تعبانين
عبير: لااااااا ياشيخه وحنا ماصمنا؟؟!!
ساره: متابعين مسلسل اذا خلص جيناكم
عبير: على بال مايخلص مسلسلكم يكون اذن
ريما: يووووو ياعبير عندك ماري وروجي وش شغلتهم
ساره: خلاص اسكتوا نص الاحداث راحت وانتم تتناقرون
عبير: طيب طيب ياساره المكرونه حقتي ماراح اخليك تاكلينها
ساره:هاهاهاهاى تذليني يعني
ريما: يلااااا قومي ياساره اخاف بعد شوي حتى التمر يشيلونه مانشوفه
قاموا البنات جهزوا الفطور صلحوا كل شئ حطوا منه اثنين للرجال ولهم.. بعد مااذن افطروا وراحوا يصلون المغرب ونزلوا عند التلفزيون شوي .. بالاخير راحواا كلهم المسجد يصلون التراويح الرجال والحريم والبنات..





مشاري ماترك نجود ارسل لها مسج يهنيها بهالشهر كان عارف انها ماراح تعطيه وجه لكنه حب يعبر لها عن حبه لها لعلها تقتنع وتصدق انه يحبها.. كانت نجود بالسوق مع اختها طالعين يشترون ملابس العيد..
نهى: تعالى شوفي محل الاطفال هذا بشتري لغيداء ملابس
نجود: شوفي الفستان الاحمر يجنن بيطلع موووت عليها
نهى: بس شكله واسع هي توها صعنونه
وصلها المسج طلعت الجوال من الشنطه فتحته قرته ابتسمت انه فكر فيها اكيييد انه يعزهااا.. لكن مع فرحتها بالمسج وانها على باله خافت منه قالت هالانسان مو سهل أنا لازم اغيير رقمي عشان ارتاح منه..ومن لارقام الغريبه اللي مدري من وين يجيبها..!!!!!!؟؟؟
نهى: تعالي المحل الثاني
نجود: هااااااااا اييه طيب
دخلت كذا محل تدور لها شئ حلو وكل ماشافت شئ اخذت راي اختها فيه..
نجود: وش رايك بهذا حلوو يصلح للعيد؟؟
نهى اييييه ماعليه بس لونه فاقع مايصلح عالصباح
سمعت نجود مسج ثاني وصلهاااا فتحته كان من مشاري..

"بدلت قلبي حجر من شان نسيانك..
يوم اشتقت لك صاح الحجر وينك"
راحت نجود تلف بالسوق من غير هدف مع انها كانت طالعه وفي بالها مليييون شئ تبي تشتريه.. لكن مسجات مشاري قلبت كيانها خلاها ترجع للايام اللي راحت قبل سنه تقريبا اول ماتعرفت عليه..
نهى: شوفي البدي هذاك حلوووو
نجود: مدري ماعجبني
نهى: وش فيك احسك مو طبيعيه
نجود: لااااا مافيني شئ بس خلاص مليييت خلينا نطلع

نجود: ااااااااه ايييه بكره بروح مكان ثاني اشوف يمكن الاقى
طلعوا من السوق ونهى مستغربه من اختها ومن تصرفها هي بالعاده اذا دخلت السوق ماتطلع إلا ومعها كم كيس اليوم ماشرت شئ...

خالد معزوم في بيت سلطان عالفطور كانوا جالسين في الملحق بعد صلاه المغرب..
خالد: الاسبوع اللي راح صارت سالفه رفعت ضغطي
سلطان: خيييير ان شاء الله
خالد: تذكر مها بنت خالي اللي كلمتني
سلطان : ايييه وش فيها؟؟
خالد: قبل كم يوم كنت في بيت خالي..
حكى خالد لسلطان كل اللي سمعه..
سلطان: معقوله في ناس بهالعقليه إلا الان
خالد: ياحليلك وفي ازود
سلطان:الله يعينها
خالد: أنا مو قاهرني إلا خوالي كل واحد من جهه يزن على ابوها
سلطان: تتوقع انهم يغصبونها على شئ ماتبيه
خالد: أنت بس لو سمعتهم وهم يتكلمون
سلطان: محد بهالدنيا مرتاح
خالد: المشكله مجلس الشورى قبل فتره مصدر قرار (منع تزويج الفتيات من غير موافقتهم) لكن الناس مازالوا مصرين عالطريقه الهمجيه..
سلطان: اكيد كل اب بيقول أنا اعرف مصلحه بنتي أنا ماراح اضرها
خالد: حتى بالمنطق مستحيل بنت تروح تشتكي ابوها وتقول بيزوجني غصب لانها بكذا راح تخسره وتخسر اهلها
سلطان: مسكينه والله
خالد: شئ يقهر
سلطان: طيب أنت بيدك تساعدها ..
خالد: انااااااااااااا وشلون؟؟!!!!!!!!!!
سلطان: اييييييه أنت وش فيك مستغرب
خالد: بالله وش تبيني اسوي اروح امسك خالي واقوله غلط اللي أنت تسويه.. انسان كبير عاقل يجيه واحد كبر عياله يتكلم معه وينصحه وييييييين عايش أنت؟؟!!!!!!..
سلطان: أنا ماقلت كذا
خالد: اجل وشلووون؟؟
سلطان: الحل سهل وبيدك بس أنت وافق
خالد: اوافق على ايش؟؟
سلطان: صراحه لو أنا بمكانك ماراح الاقي قدامي إلا حل واحد.. اروح اخطب البنت خاصه وانها هي قالتها لك صريحه احبك...
خالد:ههههههه والله انك منتب صاحي والله لو اننا مو صايمين كان قلت اكيييد شارب شئ
سلطان: مشكووور يجي منك اكثر
خالد: بغض النظر عن ظروفي إللي أنت عارفها وحالتي إلا ماتسمح لى اني اعاني من جديد.. أنا عمري23 سنه هذا سن واحد يتزوج ويتحمل بيت..
سلطان: لاتهول الامور أنت السنه هاذي بتتخرج وحالتك الماديه ماعليها ابوك ماقصر ترك لك خير..
خالد: لااااا هذا مو حل انقذ البنت اقوم اورط نفسي
سلطان: ليش تورط نفسك البنت تحبك ويمكن يكون هذا السبب الحقيقي لرفضها الزواج
خالد ساكت يسمع لسلطان وهو مو مقتنع..
سلطان: بعدين اذا أنت تحس نفسك صغير ومو قد المسؤليه مو مشكله اخطب البنت اللحين يعني كلم عمك واذا ربك راد وحسيت نفسك اوكي تزوج
خالد: تستهبل ياسلطان أنت عارف القلب هذا وش فيه
سلطان: انسى انسى ياخالد بعدين المثل يقول عيش مع اللي يحبك ولا تعيش مع اللي أنت تحبه
خالد: كلامك منطقي بس أنا عارف نفسي البنت هاذي ماتصلح لي ولا أنا اصلح لها
سلطان: كيفك اجل خل البنت تنغصب على الزواج من واحد ماتبيه
سكت خالد وغير سلطان الموضوع..





ريما بالفصل الاستاذه تشرح بحصه الرياضيات..
الاستاذه: واضح الدرس
الاستاذه: اللي مو فاهم رجاء يتكلم عشان اعيده..
قامت كم بنت يسالونها كم سؤال عن الدرس..
الاستاذه: بكره متحان دوري بــالــ3 دروس الاخيره..
ضج الفصل وارتفعت الاصوات.. اللي يقول لااااااا واللي يقول اجليه يااستاذه.. واللي مو عاجبه الوضع..
الاستاذه بصرامه: بكره يعني بكره الكل سمع.. بدال منتو جالسين قبال التلفزيون وتتابعون المسلسلات روحوا ذاكروا هالدرسين..
رهف: اعوذ بالله حتى برمضان مايرحمون
ريما: اووووووف المشكله هاذي اخر سنه لنا المفروض يراعونا
مي بصوت عالي: قال ايش لاتتابعون مسلسلات عيل شنو؟؟!! نتابع ويهج
الكل: ههههههههههه
وحده من البنات: ماعليكم منها امتحان دوري ماعليه درجات بس تبي تشوف مستوانا
ريما: طييييييب واذا توهقنا وطلع جزء منه لاعمال السنه
رهف: عااااااااااد انتي دافوره ماراح تفوتين بتاكلين الكتاب الليله
ريما: الله اكبر الله اكبر عليك قولي ماشاء الله
رهف: ماشاء الله
مي: أنا خاطري اييب مخدتي وانام امس مانمت إلا بعد صلاه الفير
ريما: ااااااااااااه بس ملل الدراسه والواحد صايم
رهف: وانتي الصادقة موت تعب
مي:الله يعينـا..

الجزء السابع عشر
,,,,,,,,,,,,,,,,

بالعشر الاواخر من رمضان كان الكل يحاول يرضي ربه ويعوض تقصيره بااشهر السنه الثانيه صيام بالنهار وقيام بالليل .. وقراءه كتاب الله.. كل مسلم يسابق الثاني عالختمه.. والكل حاس ان هالشهر الفضيل يمر على المسلمين بلمح البصر .. لانه احلى واغلى شهر بقلوب المسلمين اجمعين.. في هالاواخر تعطل المدارس عشان الكل يتفرغ لعباده ربه..


الساعه4 الفجر..
سعود وعبير وابو سعود جالسين على طاوله الطعام يتسحرون.. خلص ابو سعود سحور
ابو سعود وهو قايم: الحمدلله.. الله يعطيك العافيه ياعبير
عبير: الله يعافيك عمي
سعود وهو ياكل: عبوره ودي اقولك شئ
عبير: هات ماعندك؟؟
سعود: هههههههه حلوووه هات ماعندك الله يعافيك لاتطالعين مسلسلات عربيه كثير..
عبير: ليش التحطيم
سعود: مدام اللحين اجازة وماعندك جامعه.. أنا افكر اعزم عماني عندنا عالفطور ماعمرهم جو بيتنا.. دايم جمعتنا تصير يافي بيتكم او بيت عمي .. ودي ابوي يفرح انهم مجتمعين عندنا بالبيت..
عبير: هئ هئ وانا لحالي بكرف واصلح الفطور
سعود: لااااا مو مشكله نجيب بعض الاشياء من برى
عبير: صدقت امزح معك عادي حبيبي اعزم اللي تبي .. بخلى شغاله اهلي تجي تساعدني وامي ماراح تقصر..
سعود يطالعها بحنان ويقرب منها: ماعمرك رديتي لي طلب
عبير انحرجت: سعوووووود بعد.. حنا بالصاله اللحين يجي عمي
سعود:هههههههه يجنن شكلك وانتي مستحيه..
عبير تبي تصرف الموضوع: اهم شئ لاتصير بكره ولابعده خلها بعد ثلاث ايام عشان اتجهز صح..
سعود: اوكي اللي تشوفينه
عبير: ابي السوبر ماركت في اغراض بجيبها
سعود: خلاص بكره بعد الفطور نروح نجيب الاغراض
خلصوا سحور قامت عبير تشيل الصحون وسعود راح جلس مع ابوه لحد الاذان بعدها راحوا يصلون وكل واحد دخل ينام..






خالد من يوم جلس يتناقش هو وسلطان بسالفه بنت خاله والموضوع ماغاب عن باله لحظه وحده.. حس ان مها لو تزوجت وماعاشت سعيده راح يعيش طول عمره يلوم نفسه انه ماساعدها وهو بيده يساعدها على قوله سلطان.. هو بقراره نفسه اقتنع بكلام سلطان لكن هو خايف من هالخطوه..
صح انه يحب عبير بس خلاص الانسانه هاذي مافي منها امل هي متزوجه ومبسوطه مع زوجها الله يستر عليها ويوفقها.. بس بنفس الوقت مها ماتناسبه ولو انتظر سنتين راح يكون عمره 25 وهذا سن مناسب للزواج لكن مو معقوله انه بيقطع نصيب البنت سنتين.. ولو ماتكلم اللحين يمكن اهلها يجبرونها عالزواج من واحد ماتبيه.. تعوذ خالد من ابليس وقال الله يكتب اللي فيه الخير .. اللي مكتوب عالجبين لازم تشوفه العين..
"أنت تريد وانا اريد والله يفعل مايريد.."
خالد كان متعود تقريبا كل سنه برمضان يروح ياخذ عمره لان العمره في رمضان تعدل حجه على قول رسولنا الكريم صلي الله عليه وسلم .. يحس بالطمانينه في بيت الله الحرام وينسى كل همومه.. عشان كذا هو يحرص على هالشعيره كل سنه..






البنات بعد ماعطلوا صاروا مرتبشين كل يومين طالعين السوق عشان ملابس العيد.. ساره وعبير لقواا لهم ملابس لكن باقي مها وريما لان ريما ذوقها صعب ومو أي شئ يعجبها فهي تتعب بشراء ملابسها..
عبير: اوووووف منك ياريما تعبت مليييت
ريما: وش اسوى اشترى شئ ماعجبني
عبير: انتي لو نوديك دور الازياء العاميه تقعدين تتشرطين..
مها: أنا شكلي برجع اخذ البدله اللي شفتها من يوميين بــ" اورجيم " بالفيصليه
ساره: أي وحده؟؟
عبير: اللي لونها اورنج؟؟
مها: اييييييييه
ريما: تعالي شوفي التنوره هاذي ناعمه بخربط فيها وادور عليها بودي وبلوزه
عبير: عادييييييه مافيها شئ
ساره: احسها مو مرره
ريما: اوووووف بس منكم اللي يعجبكم مايعجبني واللي ابيه تطلعون فيه ميه عيب
مها: خلونا نروح الشارع الامامي مارحنا له هالسنه يمكن نلاقي اشياء حلووه
عبير: لاااااا مو اليوم خلوها بكره أنا اليوم تعبت
ساره: بكره مو الفطور عندك عبير.. وشلون تبينا نروح
ريما: مو مشكله بعد التراويح
مها: يلا تاخرنا عالبيت
مشوا البنات ركبوا السياره وصلوا مها وساره لبيتهم وعبير نزلت مع ريما بيت اهلها..





من بكره كان الفطور في بيت سعود.. اهل عبير جو عندها من بدري عشان يساعدونها وابو سعود كان مبسوط من زمان ماعزم اخوانه في بيته.. عبير كانت ربه بيت ممتازه ماتركت شئ يخطر عالبال إلا سوته.. عالفطور حطت لهم القهوه والتمر كذا نوع وسوت لهم حلى ثلاث انواع هذاغير العصيرات كانت مسويه عصير مشكل وعصير برتقال.. وعصير مانجو..


بعد الصلاه مجتمعين الرجال في المجلس..
ابو سعود: اجل ويييين خالد؟؟
ابو نواف: غريبه ماجاء انتم ماقلتوا له
سعود: إلا أنا كلمته امس واكدت عليه
ابو مشاري: دقوااا عليه لايكون الولد صار فيه شئ
نواف: غريبه مهيب عاده خالد مايجي عالفطور
مشاري: اكييييد راحت عليه نومه
رفع نواف التلفون ودق عليه.. طول التلفون يدق بعد خمس دقات رفعها خالد..
خالد: مرحبا
نواف: هلا خالد وينك يارجال ماجيت عالفطور؟؟!!
خالد: والله بكره بروح اخذ عمره ورحت اقص التذكره..( طبعا هو يقول هالكلام يصرفهم فيه ولا هو في الحقيقة ماجاء عشان الفطور في بيت عبير مايبي يفتح جروح قديمه.. قال في نفسه ليش اروح واعذب نفسي.. خليني هنا احسن لي..)
نواف: بس هذا مو عذر كنت تقدر تروح بعد الفطور
ويتكلم ابو سعود: قله اني زعلان عليه اول مرره يصير الفطور عندي يقوم مايجي..
نواف: سمعت عمي وش يقول
خالد: هههه قله كله إلا زعلك ان شاء الله بعد مااجي من العمره امر اسلم عليه..
نواف: خيير ان شاء الله.. تامر على شئ
خالد: سلامتك.. فامان الله





عالفطور الثاني مدت لهم عبير السفره ماكان ناقصها شئ ماشاء الله كامله والكل تعجب انها وحده ومسويه كل هالاشياء حتى اهلها اللي كانوا جاييين يساعدونها شافوا اصناف جديده كانت مسويتهم من بدري.. عبير بهاليوميين حطت حيلها بهالسفره صلحت لهم لازانيا وصينيه خضار وشوربه نوعين

والسمبوسه وفطاير كذا نوع وبيتزاء هذا غير المقبلات سلطه نوعين والكبه وورق العنب .. يعني من جد سعود افتخر فيها ورفع راسه قدام ابوه وكل الحاضرين..





ابو مشاري بعد اخر مره كلم فيها بنته ماعاد رجع فتح لها السالفه خاصه وان هالشهر الفضيل دخل عليهم والكل لاهي فأهل الرجال مافتحوا معهم الموضوع مره ثانيه..




خالد رجع من العمره وكان طول الوقت بالحرم يدعي ربه كل يوم يرفع يده ويقول .." اللهم اشرح لي صدري ويسر لي امري .. اللهم يا علام الغيوب يامن تعلم ولانعلم اكتب لي الخيره في امري .. وارزقني على قدر نيتي فانك تعلم مافي نفسى ولا اعلم مافي نفسك.. اللهم اني فوضت امري اليك فاكتب لي مافيه خير وصلاح لي في الدنيا والاخره.. اللهم امييين"


رجع وهو يحس انه انسان ثاني ربي وحده العام بحاله يوم يروح كيف كان؟؟!! وهو القادر على تغير حال العبد وشرح صدره سبحان الله العظيم..


مشاري بهالشهر مازال على حاله لاجديد اللهم انه صار يحضر اجتماعات اهله باستمرار..


نواف كان مشغول عالاخر خاصه وانه ترقى على قدوم هالشهر الفضيل فكان عليه مسوليات كبيره..


ابو سعود في 26 رمضان ارتفع عنده السكر واصيب بحاله اغماء جلس يومين بالمستشفى.. لكنه الحمدلله طلع قبل العيد عشان يفرح مع اخوانه..





اليوم التاريخ 1/10 يعني يوم العيد لكل المسلمين في جميع مشارق الارض ومغاربها..
الكل راح يصلى صلاه العيد بالجامع.. والجمييع مبسوطين وفرحانين ان الله من عليهم وطول بعمارهم لشوفه هذا اليوم.. بعد الصلاه كل عايله راحت للبيت عشان يستعدون ويلبسون ملابس العيد.. وكان الوعد بعد الصلاه باستراحه استاجروها خصيصا لهذا اليوم حتى يغيرون من جو البيت اللي لهم شهر تقريبا ماطلعوا منها..


الساعه 7 الصبح في الاستراحه..

نزلت عبير من السياره و معها سله حلويات وكان شكلها جنان هي مو من النوع اللي يحط ميك اب كثير لكنها اليوم متوصيه بنفسها ومثقله الميك اب كنوع من التغير وكانت لابسه بودي ملون الوان هاديه وفوقه بلوزه بيضاء ناعمه وتنوره مكسي فوشيه يعني شكلها كيوووت.. دخل سعود وابوه قبلها قسم الرجال .. وهي لحقتهم على اساس انه بتسلم على عمها لانه من شوي كانت مكلمه ريما وقالت لها مافي احد جاء إلا عمي وساره والباقين بيلحقونهم بعدين.. يوم دخلت عبير كان قدامها بابين فما كانت عارفه من أي باب تدخل لكنها سمعت صوت سعود يضحك فعرفت انهم جالسين هنا.. نزلت طرحتها وفكت عبايتها وطلعت المرايه تشوف شكلها .. وعلى طول دخلت..

عبير بابتسامه: كل عام وانتم بــ...... انصدمت يوم شافت خالد قبالها من الربكه ماعرفت وش تسوي قعدت تطالع ابوها عمها وسعود بعدين انتبهت لنفسها وطلعت وهي تتمنى انها ماانحطت بهالموقف وخاصه قدام سعود لانها تعرف انه يغار عليها موووت.. طلعت عبير وهي تقول بنفسها الله يعين الليله ماراح تعدي على خير سعود ماراح يفوتها لي..
امااااااا خالد فمن يوم شاف عبير سرح وعاش بعالم ثاني.. تلخبط .. ضيع.. مو مصدق ان اللي كانت قدامه من شوي عبير.. يالله قد ايش تغيرت واحلوووت .. بس وش اللي خلاها تدخل علينا بهالوقت معقوله ماتدري اني موجود؟؟!! ... اااااااه بس كل ماقلنا نسينا رجعت ذكرتني فيها.. يارب انك تساعدني انساها..





دخلت عبيرعند الحريم وهي مو على بعضها سلمت عليهم.. وعايدتهم ماكان في إلا امها واختها وساره بنت عمها..
ريما: تصدقين اول مرره اكتشف انك حلوه
عبير: ههههه وتصدقين أنا اول مرره اكتشف انك نعومه
ساره: هههههههههه لقطي وجهك
ام نواف: غريبه اهلك ياساره ماجو إلا اللحين
ساره: امي ومها راحوا يسلمون على خوالي وقالوا بيلحقونا
ريما: وانتي ليه ان شاء الله مارحتي تسلمين على خوالك
ساره: هذا جزاتي جايه عشانك
عبير: يمااااا في احد بيجي غير عماني
ام نواف: ابوك جمع القرايب بس مدري يجون ولا لا؟؟
ريما: تخيلي لو سحر بنت خالتك فيه بالرياض ..كان احلى عيد..
ساره: ههههههههه حرام عليك تخربين على فرحتي اليوم
عبير: ياويلكم من ربي تقطيع في البنت وش سوت لكم؟؟
ام نواف: الله يهديكم
سكتوا البنات لان دخلوا عليهم ناس من معارفهم جاييين يعايدونهم ويسلمون عليهم..
ام نواف: ياهلا حياكم الله تفضلوا..
عبير: ريما اذا سلمتوا روحي شوفي القهوه خلصت ولا لا
ريما: طيييييييب
ساره: بدق على اهلي بشوف ليش تاخروا
بعد شوي جت ام مشاري ومها.. والمفاجاه اللي ماكان احد متوقعها ان ام سعود وبناتها كانوا جاييين بالعشر الاواخر السعوديه ياخذون عمره فاستغل ابو نواف وجودهم وكلموهم وعزموهم عالاستراحه..
ام سعود: السلام عليكم
الكل: وعليكم السلام
ام سعود: كل عام وانتم بخير .. الله يعيده علينا وعليكم بالصحه والعافيه
الكل: امييين يارب
ام سعود: هلا وغلا بعبييير ماشاء الله تبارك الله والله ولدي سعود المفروض يقرا على نفسه لايحسدونه الناس عليك..
عبير بحياء: تسلميين ياخاله
ام سعود لبناتها: شوفوا هاذي مره اخوكم
سلموا عليها البنات وجلسوا سواليف معها وبعد شوي ارسلت مسج لسعود تقوله تعال الغرفه اللي جنب الصاله عشان امك وخواتك بيسلمون عليك.. طبعا هي ارسلت مسج ومادقت خافت منه يكون معصب عليها يوم دخلت قبل شوي عليهم..

جاء سعود وسلم على امه وخواته وكان هاذي اول مرره يشوف خواته بعد ماكبروا من اول كان يشوفهم كانوا صغار.. بعدها استاذنت امه وطلعت لكن بعد ماوعدتهم انها تجي تتغدا او تتعشى عندهم قبل ماتسافر..

الظهر تغدوا والعصر جلسوا سواليف وضحك .. وامااااااا ساره وريما فهاذولي حكياتهم حكايه..
عبير: هههههه قسم بالله منتب صاحين
مها: احد يسبح يوم العيد
ساره: عادي مافيها شئ
ريما: بعدين خلاص راح النهار الكل شافنا وحنا كاشخين
عبير: لاااااااااااااا انتم حالتكم ميؤوس منها
مها: الله يشفيكم.. جايبين معكم ملابس سباحه
ريما: هئ هئ لاتقهروني
ساره: خلااااااااص بطلنا ماراح نسبح طلعت من خشومنا عالسباحه
دق جوال ريما وكانت خلود داقه تبارك لها بالعيد.. فرحت ريما لاتصال خلود جلست تسولف معها شوي وتسالها عن اخبارها لما قفلت خلود..
مها: بروح اتمشى برى الجو حلوووو احد يجي معي
ريما و ساره: يلااااااا
راحوا البنات يتمشون وريما وساره ماتركوا جهه بالاستراحه ماحاسوا فيها واكتشفوها .. التفتت مها مالقت البنات قالت اكيد رجعوا.. وهي لافه بترجع لانه حست نفسها قربت من قسم الرجال لمحت خالد جالس عالسياره سرحان ويفكر.. فز قلبها واخذت نفس عميييق وقالت في نفسها ياترى في ميييين يفكر؟؟!!! ياللــــــــــــه أنا قد ايش احبه هالانسان وهو ولاهو هنا .. ليه مايحس فيني؟؟!! بالاخير مها خافت احد يشوفها واقفه هنا اوخالد يلتفت صدفه ويشوفها ففضلت انها ترجع؟؟

الليل تفرقوا الكل راح بيته يرتاح بعد هاليوم الطويل ..





سعود وعبير بغرفتهم واصواتهم طالعه..
عبير: يعني تتوقع اني قاصده ادخل
سعود: المفروض ماتدخلين كذا كان سالتيني
عبير: ياللـــــــــــــه عليك وش فيك مو راضي تفهم
سعود: لان حركتك مالها داعي احرجتيني قدامهم
عبير: بعدين خالد اصغر مني و طوول عمره عايش معنا بالبيت هو مثل اخوي
سعود: اهااااااااااا مثل اخوك يعني عادي تكشفين عنه
عبير: لااااااااااااا أنا ماقلت هالكلام بس اعلمك انه توه صغير
سعود: ويييييييييين صغير الرجال هالسنه بيتخرج من الجامعه وتقولين صغير
عبير: خلاااااااص اسفين ماكان قصدي ..
عصب سعود ومارد عليها نام وهو زعلان وهي كبريائها مارضى لها انها تروح تراضيه وهي ماغلطت كل اللي صار صدفه ومن غير قصد..





خالد رجع البيت حاول ينام لكن وييين ينام وهو شايف اليوم حبيبه القلب .. حاول يبعد الافكار من راسه ويقول في نفسه حررام مايجوز افكر فيها هي ماتحل لي ولايربطني فيها شئ.. بس مو قادر الشيطان شاطر.. حس بضيقه صدر مو طبيعيه وخاصه انه شاف سعود كيييف تغير لون وجهه يوم دخلت عليهم.. ليييه يارب القدر يجمعني فيها يوم بديت انساها..؟؟!! مهما حاولت ابعد عنها ارجع واعيد الذكريات من جديد.. اتهرب منهم يوم الفطور عند سعود برمضان عشان ابعد عن أي شئ يذكرني فيها.. واليوم تجي بكبرها قدام عيوني..
اااااااااااااه بس يارب ساعدني انسى.. الناس يوم العيد يفروحون وانا يوم العيييد تبدا معاناتي من جديد.. في ظل كل هالافكار اللي تدور براسه قام وكتب ابيات وهو في داخله يحس انه يسوي شئ غلط ويعذب نفسه في شئ مامنه امل او شئ شبه مستحيل.. بس خالد كانت قصائده اللي من هالنوع يحتفظ فيها لنفسه ولايرضى لاي شخص انه يشوفه حتى اقرب المقربين له لانه يحسسها خصوصيات..

من بينـــهم كنتي مثل ضحــكه الصبح ** ياللي جمعت اللــيل باطراف شعرك
شفتك وهب الشــوق واستمطر الملح ** في دمــعي وغنت زهـــورك بعطرك
ياحلوتي وش يلـحق الوصف والمدح ** في ثغرك ونحرك وصدرك وخصرك
والاه سمــارك واااااو ياهـــو بعد ذبح ** لو للذهـــب قلب انقطـــع عند ذكرك
ولوللشفق عين اعتمت تطلب الصفح ** يوم ان قهرتيــــها بلونـــك وسحرك
أنا احــب الصبح.. ياضحـــكه الصبح ** وانا احب اللــــيل واطـــراف شعرك

القصيده للشاعر" نواف الدبيخي"





بعد اسبوع من العيد رجع كل شئ لوضعه الطبيعي المدارس والجامعات رجعوا والموظفين دوامتهم بدت.. نواف كان بالدوام في مكتبه الجديد جالس يكمل شغله.. دخل عليه العامل الهندي اللي يصلح لهم القهوه والشاهي.. وقاله ان في واحد جاء سال عنك يوم دليته على مكتبك قالي خلاص وراح.. ساله نواف عن شكله وطوله وجلس العامل يوصف له.. انه اسمر نحيف وطويل وشاب صغير عمره يمكن 20 سنه..
نواف: اللحين طلع هو
العامل: ايووو
نواف: اذا شفته مرره ثانيه بالموسسه تعال علمني اوكي..
العامل: اوكي..
طلع العامل ونواف مستغرب من هالشخص اللي جاء وسال عنه بس مادخل عليه..
وش يبي ؟؟!!.. لايكون واحد من المتدربين عندنا في الموسسه.. المهم أنا وش على منهم خليني اكمل شغلي وراي ميه شغله.. بعد شوي جاء مسج على جوال نواف.. فتحه وقعد يضحك.. "أنا وراك وراك يانواف وييين بتروح مني"
مسك نواف جواله و كتب له..
" والله انك اكبر نكته شفتها بحياتي.. لك كم شهر تقول وراك وراك والى الان ماشفت شئ.."
رجع نواف يكمل شغله وقطع عليه شغله صوت مسج ثاني..
" طيب يانواف الشاطر اللي يضحك بالاخر"
مل نواف من هالازعاج اللي كل يوم فكر يغير رقمه بس كييف يغيره وهالرقم الكل يعرفه وخاصه ناس من زمان عنهم..





في الجامعه البنات متجمعيييين..
ريهام: باركوا لي انخطبت
الكل: مبروك الف الف مبروك
مها: يالدبه توك تتكلمين
ريهام: اصلا السالفه طازه مالها الاكم يوم

وطاحوا البنات فيها اسئله ولقافه كل وحده تجيها من جهه..عاد خبركم بالبنات سمعوا سالفه خطوبه وزواج..
سمر: ومن سعيد الحظ؟؟
ريهام: واحد امه داعيه له
الكل: ههههههههههههه
مها: لااااااا من جد مييين؟؟
باسمه: قريبك؟؟
ريهام: لا والله ناس شافوني بالصيف بزواج وعجبتهم
سمر: وكيييف حالتهم الماديه
ريهام: مررررررره حلوووه
مها: وش معه سياره؟؟
ريهام: اووووودي
سمر: وااااااااااااو يابختك فيه
باسمه: وين بتسكنين هنا بالرياض
ريهام: اكييييييد ولا ماكان وافقت
مها: الله يوفقك
ريهام: امييين
سمر: عقبالنا..
ريهام وبهمس لمها: وعقبال ماتاخذين يا مها اللي في بالك
ابتسمت لها مها: امييييييييين .. الله يسمع منك





مشاري في يوم كان يفكر بنجود اللي صارت ماتغيب عن باله إلا نادرا دق على جوالها لكن للاسف حصل الرقم خارج الخدمه... اااه اكيييد غيرت رقمها .. يالله اللحين كييف اوصل لهالبنت.. هي ليش مو راضيه تصدق اني احبها.. اااااااااااااه بس لو اعرف عنها شئ واحد بس كان قدرت اوووصل لها لكن ماباليد حيله... غريبه هالنجود اغرب بنت اشوفها بحياتي.. صح هي ماعمرها اعترفت لي انها تحبني لكن الواضح انها كانت ترتاح لي وهذا سبب كافي انها تصدقني.. اكييييييد ان البنت مرتبطه او مخطوبه ولا ماكان رفضتني .. ياربي انااااااا ملييت من الحياه اللي أنا عايشها وهاذي كرهتني بعيشتي زياده..





في بيت ابو نواف رن تلفون البيت قامت ريما ترد عليه..
ريما: الوووو
ساره: هلااااا وغلاااا
ريما: وش اخبارك؟؟
ساره: اتركي اخباري اللحين الحقي على أنا حبيييييييت
ريما: حبيتي؟؟!!!!!!!!!!!!!!!!!!
ساره: اييييييه خلاص مااقدر اصبر اكثر من كذا مدري وشلون أنا جالسه عند اهلي لحد اللحين
ريما: هههههههههههههههههههههه.. ومن سعيد الحظ هذا؟؟!!
ساره: كيانو ريفز..
ريما: ههههههههههههههههههه
ساره: تو شفت فلم يجنن ياريما تمنيت اني أنا البطله معه
ريما: هههههه والله انك منتب صاحيه.. كيانو ريفز.. مرره واحده
ساره: انتي لو شايفه الفلم كان ماقلتي كذا
ريما: الله يعينك قلبك صاير سكن ..
ساره: ههههههههههه وش اسوي يالدبه أنا أي واحد حلوو اشوفه يدخل قلبي على طوول
ريما: ماالومك ان الله جميل يحب الجمال..
ساره: ياحظها..
ريما: من هي؟؟!!!!
ساره: البطله اللي معه.. ااااااااااااااه بس انتي لو شفتيه وهو يضمها ولايمسح دموعها كان مالمتيني..
ريما: شكله يحمس الفلم بجيك الاربعاء اشوفه..
ساره: اااااااااااااه بس هذا اذا لقيتيني بالبيت يمكن يكون نفذ صبري ورحت ادوره..
ريما: هههههههههههههههههه اصبري خليني اتفرج عليه اول يمكن اخق زيك ونهاجر سوى..
ساره:ههههههههههههههههههه
قعدوا البنات يسولفون ويضحكون على هبالهم ويحاولون يخففون على انفسهم ضغط الدراسه .. لان اتصالاتهم اليوميه كانت المتنفس لهم..






وفي عش الزوجيه الهادي في بيت احلى اثنين.. واسعد زوجين..
جت عندهم ام سعود هي وبناتها يتغدون مثل ماوعدوهم لانهم بكره راح يسافرون.. ابو سعود يوم عرف انهم جاييين فضل انه يطلع من البيت يبيهم ياخذون راحتهم .. كانت جمعه حلوووه بينهم وخاصه انهم حبوا عبير وارتاحوا لها وجلست تدعي لها ام سعود من كل قلبها وسعود لاحظ امه قد ايش معجبه بزوجته.. وشكر ربه على هالزوجه اللي تحبه وتحاول تقربه من اهله وتوصيه عليهم..
سعود بعدمااخذها حس ان في اشياء كثيرة بحياته تغيرت للافضل.. وكله بفضل عبير ومعاملتها الطيبه معه ولاكان ماقدرت تكسب قلبه وتقنعه بالغلط اللي قاعد يسويه بحق امه وخواته..
بعد ماطلعوا امه وخواته من عندهم .. دخلت عبير تغير ملابسها.. نادها سعود..

سعود: عبيـــــر .. عبيــــــــــــــر
عبير وهي طالعة من غرفة الملابس: هلا عيوني .. تبي شي؟؟!!!
سعود: تعالي اجلسي بكلمك بموضوع
جلست عبير ...
سعود: احمم عبير ................. تأكدي إن مهما صار انا احبك
عبير وهي متعجبه: سعود صاير شئ؟؟!!
سعود: انا يمكن مااخترت الوقت المناسب اللي اتكلم معك فيه.. ويمكن بعد ماتعرفين الحقيقة تحقدين على وتكرهيني.. وتقولين عني اناني.. تفضلي الاوراق هاذي اقريها وراح تفهمين كل شئ..

اخذت عبير الأوراق .. مسكتها تقراها .. ومع كل كلمة تقراها تنزل دمعة .. أسى ... حزن ... قهر ... رفعت عيونها المليانة دموع لسعود..

……..
ياترى وش الاوراق اللي قرتها عبير؟؟
خالد وش راح يصير عليه؟؟
مها وحبها من طرف واحد هل راح يستمر؟؟
ونواف وش نهاية المسجات اللي يستقبلها بشكل يومي ..



الجزء الثامن عشر
,,,,,,,,,,,,,,,

سعود: عبيـــــر .. عبيــــــــــــــر
عبير وهي طالعة من غرفة الملابس: هلا عيوني .. تبي شي؟؟!!!
سعود: تعالي اجلسي بكلمك بموضوع
جلست عبير ...
سعود: احمم عبير ................. تأكدي إن مهما صار انا احبك
عبير وهي متعجبه: سعود صاير شئ؟؟!!
سعود: انا يمكن مااخترت الوقت المناسب اللي اتكلم معك فيه.. ويمكن بعد ماتعرفين الحقيقة تحقدين على وتكرهيني.. وتقولين عني اناني.. تفضلي الاوراق هاذي اقريها وراح تفهمين كل شئ..

اخذت عبير الأوراق .. مسكتها تقراها .. ومع كل كلمة تقراها تنزل دمعة .. أسى ... حزن ... قهر ... رفعت عيونها المليانة دموع لسعود
عبير وهي تصيح: ليش خدعتني !!!
سعود نزّل راسه:
وقفت عبير وهي تصارخ: ليــــــش؟؟!! ... ليش يا سعووود ليش .. ليش؟!؟! ....
سعود: عبير ....... انا .........
عبير: انت ايش؟!! .. تتحجج طول هالمدة بأنك ما تبي اطفال لأن ...... لأن ............. والقهر تستغفلني وتخليني اخذ مانع حمل..؟؟ّّّّّّّّّّّّّّّّّ!!!!!!!
سعود وحاط راسه بين يدينه: عبير .... الـ...... ...... الكل عارف بالحادث اللي صارلي ببريطانيا ... ومن هناك قالي الدكتور هالحادث تسبب في عجز لك .. جيت هنا تفاجأت بابوي يقول بخطب لك بنت عمك ...ماعارضته .. مع انه ماكان لي خلق زواج ومسؤولية ... لكن قلت اجرب ... تزوّجت .. وطول هالفترة كنت اعالج لكن ما في فايدة واخر شئ يوم رحت لالمانيا أنا قلت لك شغل وهو ماكان شغل كنت رايح علاج لكن الدكتور قالي الأمل ضعيف جدا .. ............... وانا احس إن الانجاب شي مو مهم .. يعني نقدر نعيش من غيره ..الاطفال مو كل شئ ...... صح؟؟!!
عبير تناظره بقهرر .." ليش سعود يتكلم بهالطريقة ليش؟؟!!! ..."
سعود: شوفي يابنت الناس انا بالبدايه ماكانت تفرق معي قلت ليه اجيب عيال وابلش بهم ويمكن انا وانتي مانتفق.. لكن اللحين يوم اغليتك وصار لك مكان بقلبي قلت اعلمها اذا هي تحبني راح تتغاضى وتستمر معي ؟؟!!!!!!
عبير: اللـــــــــــــــــــه يالدنيا صاروا بنات الناس لعبه.. كل واحد يقول اجرب.. وقطع كلامها الصياح وماقدرت تكمل كلامها
سعود: عبير
عبير: ...................
سعود: عبير .. انا احبك ........ يمكن ما حسبت حساب هاليوم ...... لكن تأكدي إن القرار بيدك .. واللي تبينه بيصير .. ومنب غاصبك على شي ..
عبير:......................
سعود: تكلمي يا عبير ..
عبير وبصوت مبحوح واطي: ........................ ليش؟! ... ليش حطمتني وكسرت خاطري؟؟؟؟!!!!
سعود: مدري ... بس اللي انا متأكد منه .. إن الحياة تستمر من غير الاطفال
سعود وهو واقف: عبير انا ابطلع اللحين .. خذي راحتك وفكري
عبير وقفت : ودني بيت اهلي
سعود: خلاص يكون احسن عشان تاخذين راحتك ومااكون قدامك وانتي بتتخذين قرارك ...





فارس وريما جالسين بالصاله .. سمعوا صوت احد جاء التفتوا عالباب لقوا عبير وهي في حالة سيئة ..
راحت ريما عندها: عبيـــر وش فيك؟؟؟!!!!
عبير وبصوت ثقيل: ما فيني شي ... وين الشغالة
ريما: بالمطبخ
عبير وهي ماشية: قولي لها تنظّف غرفتي
ريما: تنظّف غرفتك؟!!! .. وش تبي تنامين هنا اليوم
عبير: ايه

طلعت عبير فوق ورجعت ريما عند فارس بعد ما قالت للشغالة ترتب غرفة عبير...



دخلت عبير غرفة ريما وهي منهارة تحس هموم الدنيا كلها فوق راسها .. تمنت موتها ولا تشوف سعود اللي كان كبير بعيونها ينزل لهالمستوى .. آآآآآآه يا سعود لهالدرجة هانت عليك بنت عمك حتى لو ما كنت بنت عمك مفروض تراعي مشاعر الناس .. انا ما همني الموضوع كثر ما همني اني انخدعت .. بعد ماحبيتك ياسعود ووثقت فيك ..ليـــــــــــــــــــــــــه؟؟!! ليــــــــــــــه؟!.. اللحين وش بقول لاهلي .. وش بيكون موقفهم لما يعرفون حقيقه .. ااااااااااااااااااااااااااااااااااااااااااااه يارب ساعدني احس راسي بينفجر..
يمكن تكون انت تعاني من ضغوط نفسيه ؟؟!! اويمكن طفولتك وتشتتك وانت صغير ماثر عليك!!!! .. بس مهما كان عذرك ماتوصل لدرجه انك تخدعني وتستغل طيبتي..
يالله ياسعود هل تتوقع اني اسامحك بعد كل اللي سويته؟؟؟؟؟؟؟ .. ولايمكن تحسب اني بتعاطف معك؟؟!!.. اخر شئ كنت اتوقعه انك تطلع نذل ياسعود .. ليه انتي كذا يالدنيا ماتدومين لاحد يعني يوم قلت لقيت الحضن الدافئ والقلب الصافي ؟؟؟.. كنت اتوقع اني اسعد انسانه على وجه الارض كنت احسك اعظم رجل .. كنت اعتقد إن حياتي مو ناقصها إلا طفل يكمل فرحتي..
وهنا قعدت تصيح بدون صوت وكان شكلها يحزن ويقطع القلب..





الساعه 9 مساء نواف راجع من الدوام تفاجئ بشاب ينتظره عند باب البيت .. نواف على طول تذكر هذا هو نفسه الشاب اللي شفته بالكوفي قبل كم شهر وبعد هاذي نفس اوصاف اللي جاني بالمكتب الاسبوع اللي راح.. فهم نواف وتوقع انه هذا هو حسام ولد جيرانهم اللي ناوي ينتقم منه.. طنشه نواف وسوى نفسه مو شايفه نزل من السياره بيدخل البيت لكنه تفاجئ بحصى كبيره انرمت عليه لكنها الحمدلله مرت من جنبه ولا اصابته.. التفت نواف بسرعه ..
نواف بعصبيه: خير ان شاء الله وش حركات الاطفال هاذي!!
حسام: أنا طفل؟؟!!!!! الطفل أنت واشكالك
نواف وهو مقهور منه وبيطلع حرره الازعاج اللي كان يجيه طوال الاشهر اللي راحت: أنا شفت مبزره كثير لكن كلهم كانوا اعقل منك بالله عليك هاذي حركه تسويها واحد ماشي في امان الله بيدخل بيتهم ترمي عليه حصى ويييييييين يابوي على بالك بالحج.. اذا بترجم احد رح ارجم نفسك أنت الشيطان مو أنا..
حسام: قسما بالله أنا من زمان حاطك براسي لكن أنت اليوم خربتها معي
نواف وهو داخل البيت ياشر بيده:هههههه ياشيخ والله انك تحفه رح رح بيتكم بس
حسام وبعصبيه يتقدم من نواف ويمسكه قبل مايدخل البيت..
حسام: تعال وين رايح أنا ماخلصت كلامي
نواف انقهر منه انه مد يده عليه: ابعد يدك بسرعه
حسام: انسى الموضوع..
مسك نواف يد حسام وشد عليها وشالها عنه ..
نواف: يدك الوسخة هاذي لا تخليها تلمسني
ارتفع ضغط حسام من نواف ومن كلامه ..

حسام: انـــــا وسخ يا نواف؟!!!!؟!! .... يدي اللي على قولتك وسخة بتعلمك وشلون تتكلم زي الناس وتحترمهم ..
نواف شد قبضة يده: حسـ..........................
ويتماسكون الاثنين قدام باب البيت وكل واحد يدف الثاني.. لما جوو بعض الجيران وفكوهم عن بعض.. راح حسام من عند بيت نواف وهو يصارخ ويتوعد..





ابو نواف وعياله جالسين بالصاله يسولفون..
ابو نواف: فارس حط عالاخبار
ام نواف: متى جت عبير؟؟
ريما: جت المغرب وشكلها تعبانه
فارس: مدري وش فيها مانامت عند ريما قالت نظفوا غرفتي
ام نواف: أنا دخلت عليها لقيتها نايمه وجايبه شنطتها معها
ابو نواف: غريبه هو سعود مسافر؟؟
ريما: ماقالت شئ دخلت وماتكلمت
ام نواف: هي عندها جامعه بكره؟
دخل عليهم نواف ثوبه وسخ والشماغ بيده والاكمام مشمره وعليه جروح خفيفه وحالته حاله..
قامو كلهم بيشوفون وش السالفه..
ابو نواف: وش فيك؟؟؟؟!!!!!!
ام نواف: بسم الله عليك وش صاير؟؟
نواف وهو واصل حده: مافيني شئ بطلع اخذ شور بعدين بنزلكم
ريما: وش سالفتكم انتم اليوم كل واحد داخل معصب ومايبي يتكلم
فارس: يمكن متضارب مع احد
ابو نواف: لااا ولدي مهوب حق هالحركات
ام نواف: الله يستر
فارس: جاني النوم ماعندكم عشاء
ريما: شف المطبخ عندك
ابو نواف: خل اخوانك ينزلون اول
ام نواف: روحي شوفي اخوك واختك ناديهم قولي لهم العشاء وانا بروح اصلحه..
ريما: ان شاء الله يماااا





خالد في السياره مع سلطان يدورون عالمكتبات يبحثون عن مراجع وكتب للجامعه .. لان هذا اخر مستوى لهم فهم يبون ختامه مسك..
سلطان: اسمع هاذي اخر مكتبه مالقينا فيها.. خلاص نشوف واحد من الطلاب نصور منهم
خالد: اوكي مو مشكله
سلطان: هاااااااا خالد وش صار على موضوعك وش قررت؟؟
خالد:أي موضوع؟؟
سلطان: لاتستهبل.. بنت خالك
خالد: كم مرره قلت لك لاتفتح معي الموضوع
سلطان: ربي يعلم ياخالد اني احبك وابي مصلحتك ولا ماكان ضغطت عليك وقلت لك هالكلام
خالد: أنا عارف أنت اكثر من اخو واتوقع لو عندي اخو من امي وابوي ماحبني كثرك ..بس هالموضوع ملييت منه يصدع لي راسي..
سلطان: براحتك بس أنت مصيرك بتتزوج بعد سنه بعد ثلاث بعد عشر قلت خذ لك وحده تحبك
خالد: الله يكتب اللي فيه الخير
سلطان: امييين
خالد: شف لنا مطعم ننزل نتعشى
سلطان: وش تبي بالضبط؟؟
خالد: أي شئ على ذوقك جوعان..
سلطان: المطعم هذا اكلهم شئ بس موووت زحمه وش رايك نطلب ونروح البيت
خالد: بيتكم؟؟
سلطان: اللي يريحك..
خالد: زييين بسرعه اطلب.. لاني بعد عشر دقايق ان مالقيت اكل احتمال اكلك أنت..
سلطان: اقوول عاد عطيناك وجه يقولون لاصار حبيبك عسل لاتلحسه كله..
خالد: ههههههههههههه





على طاوله الطعام..
ام نواف: وش فيك أنت داخل علينا حالتك حاله؟؟
نواف: شفت واحد من الجيران يتضارب فكييت بينهم
ابو نواف: خوفت امك عليك..
فارس: من من الجيران؟؟
ريما: ايووووو اشتغلت اللقافه
عبير: وييين المويه؟؟
نواف: واحد ماتعرفه؟؟
ام نواف: وأنت وش عليك منه تبهذل نفسك عشان الناس؟؟
نواف: يمااااااا الناس للناس لو أنا مكانه وتضاربت كان انتي قلتي وين الجيران مايفكونك..
ابونواف: خلي الولد ياكل من نزل وانتم مستلمينه اسئله؟؟
لهو كلهم مع نواف يسالونه وارتاحت عبير ان محد قالها شئ..
على نهايه العشاء قام ابو نواف: الحمدلله.. إلا صح ياعبير سعود مسافر؟؟
عبير: لاا يبا موجود
ام نواف: اجل وينه؟؟
نواف: وش فيكم استلمتوها هي اول مرره تجي عندنا؟؟
ريما: لااا بس اول مرره تجيب شنطتها وتنام عندنا وسعود بالرياض
عبير: ماتبوني ؟؟!! ارجع بيتي عادي
ام نواف: لاااا محد قال كذا بس كلنا مستغربين
ابو نواف: يابنيتي هذا بيت ابوك لاتقولين هالكلام
نواف: عبير عندنا انووواع الدلع
ريما: وانا مسكينه
عبير: اعوذ بالله منكم
فارس: كم يوم بتجلسين عندنا؟؟
انحرجت عبير من اسئلتهم: السالفه ومافيها اني تعبانه وكارهه نفسي واحس اني مصدعه و..
ريما: اوب اوب صار هذا مستشفى مو عبير
الكل: ههههههههههههه
عبير: طيب خلوني اكمل.. عشان كذا سعود قالي انتي حالتك حاله روحي بيت اهلك ارتاحي كم يوم..
نواف: تبين اوديك المستشفى؟؟
عبير: لااااا مافي شئ يسوى
ام نواف: ان شاء الله يصير اللي في بالي
سكتوا كلهم فهموا قصد ام نواف بالحمل .. عبير ماقدرت تستحمل طلعت فوق على طول..





ساره قدام التلفزيون وتابع بحماس دخلت عليها مها..
مها: انتى 24 ساعه قدام التلفزيون
ساره: وانتي 25 ساعه تطالعين الكتب
مها:هههههه ضحكتيني شوفي الفرق بينهم
ساره: كل واحد حر بنفسه أنا استمتع بالتلفزيون
مها: طيب ليه ماتذاكرين لك كلمتين
ساره: انتي تبين تموتيني من اللحين السنه الجايه بنكرف ثالث ثانوي
مها: غريبه من زمان ماجت ريما عندنا
ساره: اهااااااا انتي جاوبتي عن السؤال السابق بنفسك.. هي ماتجي عشانها اخر سنه وطول وقتها تذاكر تبي تجيب مجموع..
مها: ماشاء الله عيال عمي ابراهيم كلهم دوافير نواف تخصصه حاسب وعبير كيمياء وريما دايم من الاوائل..
ساره: اييييييه وراثه وحنا كلنا داجين إلا انتي فيك شوي
مها: تصدقين ساره طفشانه ودي اطلع
ساره: لحظه عيدي عيدي مو معقول شكلك منتب طبيعيه وانتي تقوليه هالكلام..
مها: ههههههه ليش مو انسان مااطفش زيكم
ساره: لا ماقلت كذا بس اول مره تقولين بطلع بالعاده أنا ازن عليك عشان الطلعه..
مها: امي وينها؟؟
ساره: بالمطبخ
مها: بروح اكلمها عشان نطلع بس اذا عيييت دورك انتي روحي استلميها

ساره: لاااااااا لااااااا انا مو مصدقه انتي اليوم فيك شئ..
مها: اييييييه طفشانه
راحت مها تكلم امها .. رجعت لساره..
ساره: هااااااا وش صار وافقت؟؟
مها: لاااااااا مارضت
ساره: عادي لاتضيقين صدرك تحصل في افضل العائلات..






عبير صار لها ثلاث ايام عند اهلها ماصار بينها وبين سعود أي اتصال هو تعمد مايبي ياثر عليها وهي تفكر وتحسم الموضوع.. حتى اهلها مارجعوا سالوها مرره ثانيه حسوا انها تضايقت المرره اللي راحت من سؤالهم.. من يوم تركت بيت سعود ماداومت بالجامعه نفسيتها ماكانت تسمح لها .. وهي جالسه بغرفتها وسرحانه كانت دموعها تنزل من غير شعور وكان هذا حالها كل مااختلت بنفسها.. سمعت صوت مسج تنهدت ورفعت الجهاز بتشوف من ميين.. كان من سعود..

"منت اختياري ولكن صرت لي قسمه.. الله كتب لي احبك ماهو بكيفي"

ضحكت عبير باستهزأ.. رجعت الجهاز مكانه وهي تقول في نفسها اييه الكلام الحلو مافي احد مثلك يقوله ياسعود لكنك بنفس الوقت تجرح بقوووووووه.. تذكرت مسج قوووي عندها جلست تدوره بالاخير لقته وارسلته له وقفلت جوالها على طول..

"احسب الناس مثلي في طيبي وعلى نفسي ابديهم.. واثري مليون مره انخدع فيهم"



وصل المسج لسعود انصدم ان عبير وصل تفكيرها فيه لهالدرجه معقوله هي تفكر فيني هالتفكير يعني أنا بنظرها مجرد من الاحاسيس والمشاعر.. ليه كذا ؟؟ كل اللي صار مو بيدي هذا اراده رب العالمين.. وانا وضحت لها اني مااهملت نفسي كنت طول المده اللي راحت اعالج بالسعوديه وبرى السعوديه ماتركت مكان مارحت له .. هذا جزاى كنت صريح معها.. بعد تفكيير عميق قرر انه يدق عليها بيدافع عن نفسه ويوضح لها كل شئ ماتعرفه.. دق عليها لكنه حصل رقمها مغلق تحطم وحط راسه عالسرير يبي ينام..





مشاري طالع هو واصدقائه للاستراحه وعلى نفس حالهم ماتغير فيهم شئ ضحك واستهبال وسوالف عن البنات..
طلال: مشاري وين اراضيك أنت ماللك شوفه؟؟
مشاري: موجود بس نومي متلخبط..
منصور: هههه يمكن التزم الرجال
مشاري: هاهاها دمك خفيف صاير
عبد العزيز: وش فيكم عليه توه داخل خلوه ياخذ نفس
طلال: وحنا وش قلنا نسال عن اخباره حرام
مشاري: الحمدلله بخير الله يسلمكم
منصور: خلاص روقنا نبي نتستانس
طلال: ماعندكم قهوه شاهي؟؟
مشاري: ويين يابوي قهوجيه عندك؟؟
عبدالعزيز: أنا قايل لكم الولد هذا مو طبيعي الاخلاق هاليومين خربانه
طلال: وش فيك علينا داخل علينا هاجم
مشاري:هات الريموت بس خلينا نشوف التلفزيون
منصور: احد مزعلك فينا ولا احد غلط عليك؟؟
عبد العزيز: اتركه ماعليك منه حنا ماسوينا له شئ بس هو مادري وش فيه منتفخ علينا اليوم..
طنشهم مشاري وجلس يطالع التلفزيون ويقلب بالقنوات





ريما دخلت على عبير بالغرفه لقتها جالسه الحالها وضايق صدرها كان واضح عليها انها كانت جالسه تصيح..
ريما: وش فيك انتي هاليومين مو طبيعيه؟؟!!!
عبير: لا مافيني شئ..
ريما: الااااا فيك شئ احس ضايق صدرك
ماردت عليها عبير..
ريما: طيب قومي اجلسي بالصاله اهلي تحت
عبير: ماودي تعبانه..
ريما: انتي حامل؟؟؟؟!!!!!!!!!!!!!
عبير: لااااااااااااا ليش؟؟
ريما: اشوفك تاركه بيتك وتعبانه قلت اكيييد حامل
عبير بضيقه صدر: اهااااا صايره مكتشفه
ريما: تعالي خل بحكي لك عن وحده عندنا بالمدرسه مهيب صاحيه..
عبير: بعديين اللحين مالي خلق..
ريما: شكلك؟؟!!
عبير: وش فيه شكلي؟؟
ريما: لاااا مافيه شئ .. بس خليني اقولك نكته.
عبير: يوووو ياريما قلت لك بعدين اللحين مالي مزاج لشئ..
ريما: أنا حاسه ان في شئ كبير صاير.. ومااكون ريما اذا مااكتشفته
عبير: طيب طيب اطلعي اللحين..
ريما: اوووف قويه .. مصيرك تحتاجيني
طلعت ريما وحطت عبير راسها على حافه السرير وهي تحس بالم واسئ من زمان ماحست فيه لكن وش تسوي هذا شئ كاتبه لها رب العالمين..





في بيت ابو سعود البيت صار كئيب ماله طعم بعد ماتركته عبير ..
ابوسعود: عبير إلا الان ماجت من عند اهلها
سعود: لااا يبا يمكن تجلس عندهم كم يوم
ابو سعود: غريبه ميب عادتها تجلس عند اهلها طول هالمده لها اسبوع تقريبا
سعود: تقول شوي تعبانه
ابوسعود: إلا الان انفلونزا
سعود: ايييه.. هي كذا اذا تعبت..
ابو سعود: الله يشفيها عاد عبير بنت حلال لو تحطها على الجرح يبرا.. الله الله فيها ياوليدي.. سعود حس بتانيب ضمير من كلام ابوه: ان شاء الله يبا
ابو سعود: وش فيك ؟؟
سعود: لاااا يبا مافي شي.. عن اذنك يبا جاني النوم
ابوسعود: يلااا حتى انا بروح انام
قام سعود دخل غرفته وجلس يتامل فيها ويشوف اغراض عبير..طاحت عينه عالتسريحه فيها عطوراتها وكريماتها ومكياجها وكل شئ عليها يذكره فيها قرب من التسريحه مسك عطر من عطوراتها كانت تحط منه دايم رش بالغرفه وعالسرير حس انه اشتاق لها بس مابيده حيله.. شكلها خلاص ماتبيني.. راح انسدح عالسرير كان بيدق عليها لكنه تراجع قال هي متى ماقررت راح تكلمني.. قال خليني ارسلها مسج..

" تظنين منزلك عندي
صغير وماافقدك لاغبتي..!!
عسى الله لايبين لك غلاك وقدرك الخافي..
أنا لو جيت ابوصف لك مكانك عندي وحاولت..!!
بقدم لك سكوتي
مااحس الحكي كافي..
ياغلى من في الجود....!!!!!!!"

عبير كانت بغرفتها مطفيه النور بتنام وحاطه جوالهاعالسايلنت شافت نور الجوال رفعته لقت مسج فتحته قرته خنقتها العبره..كانت مشتاقه لسعود نفسها تسمع صوته تشوف وش اخباره بس كبريائها ماتسمح لها هو جرحها ولازم يعرف هالشئ هو ماراعاها من اول المفروض هي اللحين ماتهتم فيه.. ردت عليه بمسج كتبت فيه..

"اذا طلع لك قلب وعرفت تشتاق..
تعال دورني ودور مكاني"

انصدم سعود من ردها وبسرعه ارسل لها..

" حبيبي من يعزك بالهوى ماتقدر تذله..
ترى قربك يزيد بالغلا وان عفتني غالي"

وصل المسج لعبير جلست تقراه كذا مررره وتعيد فيه ..جلست تصيح ان سعود وصل علاقتهم لهالدرجه من كان يصدق اني أنا اتركه واجي بيت اهلى ونقعد أنا وياه نتراسل بالمسجات.... كانت تحس ان هالمسجات اللي ترسلها له ترد لها جزء من كرامتها اللي انهانت وخاصه انها كتمت عالموضوع وماقالت لاحد من اهلها انها جايه زعلانه لانها بالواقع ماتتخيل نفسها انها تترك سعود..بعد ماهدت عبيرشوي قالت خليني ارد عليه..

" قل كلام يشرح الخاطر او ارحل..
لاتطولها وهي عندي قصيره..
لوتبي تزعل وانا مااخطيت ازعل..!!
وابتعد مادامت الدنيا كبيره..!!"

يوم شاف سعود المسج ضاق صدره حس ان الدنيا هاذي مافيها احد مرتاح اول ماجيت قالي ابوي بزوجك بنت عمك مارضيت .. ويوم تعلقت فيها وحبيتها الدنيا شكلها بتفرقنا..ااااااه بس يالدنيا.. قعد يقلب بجواله بعدين ارسلها..

"اجرح مدام الجرح فيني يسليك..
اجرح عساك تكون السبب في وفاتي..!!"


بعد ماقرت عبير المسج قالت سبحان الله اللحين كم مسج ارسلتهم جرحوك ياسعود وأنت معيشني سنين بكذب وخداع وماتبيني انجرح.. مسوي نفسك أنت المظلوم وربي وحده عارف مين اللي ظالم مييين؟؟؟؟!!!!!!
ارسلت له عبير..

" توقع وش يكون الرد
من قلب اهديته جروح..؟؟!!
يهلى بك وينسى الجروح..
ويقولك ياغلا مسموح...
تخيل عيش ماساتي .. تصور انك المجروح..
بتعرف بعدها ردي..
ومعاناتي مع الايام.."

سعود وهو يطالع بجواله.. اااه ليه ليه؟؟؟؟ ليه انتي ياعبير تعذبني تبين تحسسني اني مذنب.. يكفيني اللي فيني ليه تزيدين همومي.. كتب لها..

" ان كان تسأل من على روحي اغليت..
اغليت لي اثنين في وسط عيني..
ابوي وامي في غلاهم تماديت..
لي الحق افخر في غلا والديني..
والثالث أنت عقبهم جيت..
يالي ابيك وعارف انك ماتبيني.."

يوم وصلها المسج انهارت قعدت تصيح وماردت عليه لانها كانت بحاله نفسيه سيئه .. مسجاته كانت تعور قلبها لكنها ترد عليه بقسوه تبي تعلمه انها هي مجروحه اكثر منه.. قفلت الجوال لانها ملت ماتبي تستقبل شئ ماتبي تشوف رسايل زود..





دخلت ام مشاري على بنتها لقتها تذاكر..
ام مشاري: وش تسوين؟؟!!
مها: اراجع محاضراتي..
ام مشاري: الله يوفقك
مها بابتسامه: امييين
ام مشاري: مها تذكرين الموضوع اللي كلمناك فيه قبل رمضان؟؟
مها: أي موضوع؟؟
ام مشاري: موضوع الخطبه.. الناس رجعوا كلمونا هاااااا وش رايك؟؟
مها: أنا من اول قلت مابي اتزوج اللحين
ام مشاري: بس والله الناس طيبين وبتستانسين معهم
مها: يماااا أنا اللحين ماافكر الابدراستي
ام مشاري: أي بنت مصيرها تتزوج
مها: يماااا اللي ربي كاتبه بيصير..
ام مشاري: يعني وش اقول لابوك؟؟
مها: قولي له متى ماربي راد بتزوج
ام مشاري: ونعم بالله
مها: لاتزعلون مني يماااا
ام مشاري: مازعلنا حنا بس متحسفين بالرجال ماشاء الله عليه اخلاق وعلم ووظيفه..
مها: وانا الحمدلله مو ناقصني شئ..
ام مشاري: الله يهديك





بالاستراحه الشباب مجتمعين..
ثامر: أنا مليييت من حياتي ابي وظيفه
نواف: تبي وظيفه وأنت مامعك إلا ثانويه ..ناس معهم جامعه ومو محصلين
فيصل: ايش التحطيم هذا؟؟
نواف: أنا ماقلت إلا الصدق.. طيب ليه ماتفكر تاخذ لك دورات تنفعك؟؟
ثامر: دورات ايش؟؟
عبدالله: الكمبيوتر اضمن شئ..
نواف: أنا اعرف كثير ناس متوظفين بدورات
فيصل: ايييه والله انك صادق معنا بالشركه كذا واحد مو جامعين ومع كذا توظفوا
عبدالله: بس الواسطه تلعب دور
ثامر: جابها عبدالله الواسطه اهم شئ
نواف: اللحين الخريجين صاروا اكثر من الوظايف
فيصل: هذا غير بعض التخصصات اللي مايحتاجها سوق العمل
عبدالله: أنا بفهم الناس اللي يدخلون تخصصات نظريه مثل التاريخ واللغه العربيه بالله وش يستفيدون..
نواف: هذولا على طول عالتدريس؟؟
ثامر: واللي مو تربوي؟؟
نواف: والله مدري عنهم..؟؟
فيصل: بس زي ماقال نواف رح خذلك دوره وان شاء الله ربي يسهل امورك
عبدالله: الجرايد مليانه وظايف اجلس على الارقام ودق واسال..
ثامر: هههه ياحليلك كلهم يبون خبره وحتى لو انك جامعي
نواف: اللحين الجامعات صار مافي قبول من اول يلاحقون خريج الثانوي عشان يدرس جامعه.. واللحين عطهم فلوس وعساهم يدرسونك..
عبدالله: لاااااا ومو كذا وبس قبل كانوا اي خريج يعطونه مكافئه خمسين الف وقطعه ارض
ثامر: أنا ماابي خمسين الف ولا ابي ارض ابي أي وظيفه..
فيصل: هههههههههه لاتكفي لاتردني امسك الخمسين والارض ميب مشكله نشوف غيرك ياخذها..
الكل: ههههههههههههههههههههه




الجزء التاسع عشر..
,,,,,,,,,,,,,,,,,,,,,

الساعه11 الليل.. في الصاله في بيت ابو نواف..

ام نواف: يلا يماااه فارس رح نام وراك بكره مدرسه
ابو نواف: شف ريما ماشاء الله تعشت ونامت وأنت كل يوم على ذا الحال
فارس: مافيني نوم
ام نواف: رح حط راسك واقرا المعوذات وايه الكرسى وان شاء الله تنام
فارس وشكله ماوده يقوم: ان شاء الله
ابونواف: الحمدلله فارس تغير وقلت طلعاته عن اول
ام نواف: اييييييه الحمدلله من اول يضيق صدري اذا طلع..
ابونواف: الله يصلحه هو واخوانه..
ام نواف: اميييين
ابونواف: ماتدرين عبير وش فيها؟؟
ام نواف: بسم الله عليها مافيها إلا العافيه..
ابو نواف: بس جلستها عندنا طول هالمده مو غريبه؟؟!!
ام نواف: صح انها اول مرره تسويها من تزوجت..بس أنا قلت يمكن عشانها تداوم بالجامعه ترجع تعبانه ..
ابونواف: أنا ماودي اتكلم معها اواسالها عن شئ البنت حساسه اللحين تفهم اننا متضايقين منها..
ام نواف: لها تقريبا اسبوعين ماتكلمت ولاقالت شئ..
ابونواف: شوفي وش فيها شئ مضايقها؟؟
ام نواف: أنا بالبدايه كنت شاكه انها حامل بس لمن لمحت لها ضاق صدرها..
ابو نواف: المشكله ان عبير كتومه مهيب من النوع اللي يتكلم..
ام نواف: ان شاء الله بكره بجلس معها واشوف وش فيها
ابو نواف: على خييير.. يلااااا بطلع فوق انام





ساره ومها بغرفه النوم انواع الازعاج واصواتهم طالعه كالعاده..
ساره: طفــــــــــــــــــي النور بنام
مها: لحظه
ساره: مهااااااااا مهااااااااااااا طفي النور
مها: اووف قلت لك شوي
ساره: ترى مليييت منك كل يوم على ذا الحال
مها: باقي لي صفحتين انتظري
ساره: اطلعي بره الغرفه.. فيه الف مكان تذاكريين فيه
مها: اخاف انزل تحت الحالي البيت كله نايم
ساره: لاتخافين اذا طلع لك جني ولا حرامي قولي له أنا احب القراءه بينحاشون على طول..
مها: هاهاهاها
ساره: ترى صبري نفذ
مها: خلاااااااص عفت المذاكره منك
ساره: الحمدلله اخيرا.. طفي النور
مها: اول بتاكد من اغراضي اللي بالشنطه
ساره: يانااااااااااااس الشغاله اللي هي الشغاله ازين مني عندها غرفه الحالها وانا لاااا
مها: ههههههه
ساره: ولا محد لقاها إلا خالد ساكن الحاله .. عايش حياته صح
مها التفت بسرعه: خاااااالد
ساره: اييييه خالد مستانس مو أنا؟؟!! عايشه تحت رحمتك
مها: وايش معنى خالد؟؟
ساره: كذا جاء في بالي.. يلاااااا قفلي النور
صكرت مها النور وانسدحت عالسرير وغرقت في بحور افكارها .. حب من طرف واحد هل له فايده؟؟ ليش هو مايفكر فيني مثل ماافكر فيه؟؟ أنا عارفه انه شايف نفسه وثقيل بس مع كذا احبه.. ااه من هالدنيا ماتجمع اثنين إلا صدفه .. التخطيط ماله أي مكان فيها.. الله يصبرني..





الساعه 6:30 الصباح الكل صاحي وراهم دوامات ومدارس..
ريما: يماااا كم مرره قلت لكم ابي عصير برتقال الصبح
ام نواف: نسينا اليوم
نواف: معليش ياصاحبه السمو اصفحي عنهم اليوم..
ابو نواف: طييب الحليب وش فيه؟؟
فارس: بس تتدلع
ريما: أنت ليه حاط دوبك من دوبي
فارس: بس كذا احب اشوفك معصبه
نواف: ياخي كل وأنت ساكت
ابو نواف: اشتغلت الحرب
ام نواف: سموو بالله
ابو نواف: عبير وين هي؟؟
نواف: أنا شفتها يوم قمت اصلي
ريما: تقول محاضرتها الساعه 9ونص
ام نواف: اجل لازم تقوم الساعه 8
نواف: من بيوديها؟؟
فارس: اكيييد السواق
ريما: طيييب يلااا خلصنا قم تاخرنا عالمدرسه بنروح..
ام نواف: قولوله يرجع يودي عبير
ابو نواف: أنا موصيه يجيب لي اغراض بعد مايوديهم

نواف: ميب مشكله اذا أنت تبي السواق اوديها أنا او تدق على رجلها يجي ياخذها
ريما: خلااااص حنا بنطلع اللحين.. مع السلامه
فارس: يلااااا.. مع السلامه
الكل: مع السلامه
نواف: وانا بعد طالع عندي كم مشوار قبل الدوام.. فمان الله
ام نواف+ ابو نواف: فمان الله





العصر في بيت ابو مشاري..
مشاري: السلام عليكم
الكل: وعليكم السلام
ابو مشاري: صح النوم
ام مشاري: تبي غدا يماااا
ساره: لاتقولون لي أنا اللي بحط الغداء
مشاري: لاااا مابي منك شئ بس فكيني
مها: هههه ماتسوى عليك الكلمه
ام مشاري: ماودك تاكل شئ؟؟
مشاري: لا يما منب مشتهي
ابو مشاري: اقول مشاري الاسبوع اللي راح كلمت واحد اعرفه قلت له يشوف لك وظيفه..
ام مشاري: زين زين..
مشاري: وظيفه!!!!!! وين؟؟؟؟؟
ابو مشاري: بالبريد..
مشاري: بالبريد.. يعني وش اشتغل بالضبط
ام مشاري: احمد ربك لقيت وظيفه
ابو مشاري: موظف عادي
ساره: هههههه لايكون تبيهم يخلونك المدير من اول يوم
مها بصوت واطي: تراه مو ناقصك
مشاري وهو يناظر ساره نظره حاده: طيب يبااا كم راتبهم
ابو مشاري: طرار ويتشرط بعد .. احمد ربك حصلنا احد يعطيك وجه
ام مشاري: رح جرب الشغله ان شاء الله تعجبك والراتب موب مشكله
ابو مشاري: لااااااا لاااااااا اذا من اولها كذا تعجبه وماتعجبه لايروح يفشلني عند الرجال..
مها: توكل على الله يامشاري وان شاء الله تتيسر امورك
مشاري بتردد: متى اروح لهم يباااااا
ابو مشاري: اكييييد بكره الصبح ولاتبي متى ماصحيت هم يستقبلونك
ام مشاري: وش فيك عصبت عالولد خلاص ان شاء الله بيروح لهم الصبح
مشاري: خلاص يبااا ان شاء الله الصبح بروح بس وين بالبريد أي فرع؟؟!!
ابو مشاري: أنا بكلم بعد شوي واسال الرجال
ام مشاري: الله يوفقك ويهديك ياوليدي
ساره: عالبركه قبل الزحمه
مها: ههههه على ايش تباركين صار شئ؟؟!!
ابومشاري: انتم خلوه يروح بكره ويسون له مقابله شخصيه بعدين يصير خير
ام مشاري: الله يعييين
ابو مشاري: اذا اجتزت المقابله ووظفوك الله الله بالانضباط مو تفشلني عند الرجال..
مشاري: ان شاء الله يبا.. يصير خيير





ام نواف سرحانه وتفكر بعبير غريبه وش اللي يخليها جالسه عندنا طول هالمده مع ان زوجها موجود والمشكله طول هالاسبوعين مامرنا ابد .. يكون صاير بينهم شئ؟؟.. بس هم عمرهم مااشتكوا من شئ كانوا بسم الله عليهم متفاهمين بكل امورهم.. أنا ليش اتعب نفسى وافكر أنا لازم اروح اجلس معها اللحين وافهم وش السالفه.. دخلت ام نواف على بنتها لقتها مشغله المسجل على اغنيه " قله" لعبد المجيد عبدالله.. اول مادخلت عليها امها عدلت جلستها وقفلت المسجل..
عبير: هلا يما
ام نواف: ليش جالسه لحالك؟؟
عبير: ابدا ماعندي شئ
ام نواف: عبير ودي اتكلم معك بموضوع
عبير تغير لون وجهها وعلى طول جاء في بالها ان امها بتفتح معها سالفه قعدتها عندهم بالبيت: تفضلي يماااا
ام نواف: انتي تدرين ان بيت ابوك هو بيتك ومهما طالت مده جلوسك عندنا عمرنا ماراح نتضايق اونقولك شئ.. بس كلنا مستغربين من جلستك عندنا وسعود في عمرك ماسويتيها..
عبير خنقتها العبره غرقت عيونها بالدموع .. هذا السؤال اللي كانت خايفه انهم يسالونه اياه وش ترد عليهم وش بتقولهم؟؟!!
ام نواف: وش فيكم صاير بينكم شئ لاسمح الله
عبير ماقدرت تمسك نفسها زود قعدت تصيح ورمت نفسها بحضن امها..
ام نواف وهي ضامتها: بسم الله عليك وش فيك؟؟؟؟؟؟؟!!!!!!!!!!
عبير وصوتها مقطعه الصياح: تعبانه يماااا تعبانه
ام نواف: لااله إلا الله محمد رسول الله.. تعوذي من ابليس
عبير: يماااا
ام نواف: تكلمي يابنيتي أنا اسمعك والله قطعتي قلبي عليك
عبير: ااااه بس ضايق صدري مدري وش اقولك يماااا
ام نواف: قولي وش فيك؟؟؟!!!!!!
استمرت عبير تصيح لما حست انها طلعت شوي من اللي بداخلها.. ام نواف جلست تقرا المعوذات وايه الكرسي على بنتها..
ام نواف: هااااااا ماودك تريحيني وتقولين وش فيك؟؟
عبير وهي تمسح دموعها: ان شاء الله بعلمك يمااا بس مو اليوم اذا هديت قلت لك كل شئ..
ام نواف: ريحيني الله يريحك سعود مزعلك بشئ..؟؟
عبير: طلبتك يمااا ماابي اتكلم اللحين..
ام نواف: براحتك يابنيتي.. بس تري والله كلنا ضايقه صدورنا حاسين ان فيك شئ ومو راضيه تتكلمين..
التفتت عبير عالجهه الثانيه وماردت على امها ماتدري وش تقول تخاف ان أي كلمه تطلع منها راح يعرفون كل شئ.. عشان كذا فضلت السكوت.. طلعت امها من عندها بعد مافتحت جروحها وقلبت كيانها من غير ماتقصد .. الحمدلله يارب انك ساعدتني ولافضحتني عندهم ماابيهم يعرفون شئ قبل مااقرر لاني أنا نفسي مدري وش اسوى .. الله يعيني ويصبرني..




الدنيا هاذي زي مافيها الشر فيها الخير يعني زي مايقولون " الدنيا لسى بخير " والدليل سلطان اللي مع خالد اكثر من اخو..

سلطان: شفت ناصر يلعب علينا لاقينا هنود عنده يقول أنا ساكن بشمال الرياض
خالد: ناصر راعي الهمر؟؟
سلطان: ههههههههههه ايييه هو
خالد: وش فيه؟؟
سلطان: مو هو مسوي فيها ولد نعمه يقول أنا ساكن بالشمال المهم امس وانا بالجامعة كنت ادور في المبني ابي اكلم الدكتور شفت واحد من العيال معي بالقاعه يقول انه جيرانهم
خالد: طيب وش المشكله؟؟
سلطان: أنت اسمع بعدين تكلم.. الولد يقول قهر أنا جاي اليوم خصيصا عشان اكلم الدكتور واخرتها احصله مو موجود.. قلت له مو مشكله تعال له بكره.. قالي لاا بكره أنا ماعندي محاضره وصعبه اضرب مشوار من النسيم للجامعه..
خالد: ههههههههههههههههههه النسيم
سلطان: ايييه النسيم تخيل
خالد: ياشيخ الولد هذا نصاب أنا من سمعته يقول ماارتحت بالهمر وانا غاسل يدي
سلطان: حبل الكذب قصير
خالد: زيين ماقال أنا كل صيف اصيف باوربا
سلطان: لااا هاذي قويه مايمديه.. يخاف اللحين نساله وش شفت وش سويت مايقدر يرقع لعمره
خالد: هههههههههههه والله انك صادق
سلطان: ااااه بس أنا عندي امتحان هالاسبوع ولاعندي المحاضرات
خالد: دبر عمرك المشكله الماده هاذي مو عندي ولا كان ساعدتك
سلطان: أنا لو اني ماخذ ترم صيفي كان ارتحت
خالد: قلق الترم الصيفي ملل الواحد يصير طول عمره دراسه مايغير هالروتين
سلطان: صح هو ملل بس يخفف علينا المواد شوي
خالد: بالله وش مستعجل عليه بتتخرج..لوظيفه تنتظرك
سلطان: ياشييييييييخ والله انك انواع التحطيم.. تفالوا بالخير تجدوه
خالد: لاتعشم نفسك
سلطان: الله يعين خلنا نتخرج اللحين بعدين يصير خير
خالد: الله كريم





الصباح راح مشاري لمكتب البريد يقدم عالوظيفه كان معه اوراقه الشخصيه.. دخل على شئون الموظفين وهناك تمت المقابله الشخصيه والحمد لله اجتازها بنجاح.. طلبوا منه انه يستلم الشغل من بكره مشاري يوم سالهم عن الراتب حس انه شوي لكنه مابغي يفشل ابوه مع الرجال اللي متوسط له ابوه عنده قال شئ ازين من لاشئ يعني أنا وش استفدت من جلستي عاطل طول السنوات اللي راحت لادراسه ولاشغل بس نوم وسهر وملل.. خليني اغير شوى من حياتي يمكن ارتاح واريح اهلى اللي دايماا يتذمرون من تصرفاتي بس عشان اثبت لهم اني مو زي مايقولون عني اني لعاب ولاعندي سالفه خليهم يدرون اني أنا اذا حطيت شئ في بالي سويته.. ابي اثبت وجودي قدام الكل.. ركب سيارته وهو متجه للبيت قال خليني ادق على رقم نجود واجرب يمكن رجع الخط.. دق عليها لكن للاسف حصل الرقم خارج الخدمه.. ضاق صدره وفقد الأمل عرف انه خلاص مستحيل راح يسمع صوتها مره ثانيه لانها هي اللي بغت هالشئ والواضح انها ماغيرت رقمها إلا عشان تفتك مني.. أنا غبي كله مني كانت معي وانا اللي ضيعتها باستهتاري..





في غرفه النوم ابو نواف وام نواف جالسين يتناقشون..
ابو نواف: كان حاولتي معها
ام نواف: اقولك ماقدرت قطعت قلبي بالصياح
ابو نواف: غريبه هالصياح ماجاء من فراغ اكييد في سبب
ام نواف: الله يستر
ابو نواف: أنا من زمان قلبي ناغزني كنت حاس انه في شئ
ام نواف: البنت نفسياتها تعبانه عشان كذا قلت أنا ماودي اضغط عليها
ابو نواف: وسعود من يوم ماجابها ماشفناه.. وش بيكون بينهم؟؟
ام نواف: حتى نواف يسالني يقول سعود مامرنا ابد
طق عليهم الباب..دخلت ريما..
ريما: السلام عليكم
ام نواف+ ابو نواف: وعليكم السلام
ريما: احممممم احمم
ام نواف: وش عندك؟؟
ابو نواف: اكييد تبين شئ
ريما: الصراحه الصراحه..
ام نواف: ايوووه
ريما: يباااا ابي فلوس
ابو نواف: فلوس مو يوم السبت أنا عاطيك مصروف هالاسبوع..
ريما: لا هاذي الفلوس مو مصروف
ام نواف: تبين السوق.. مافي روحه.. كل يوم كل يوم السوق
ريما: لااااااا مو سوق
ابو نواف: اجل وش عندك تكلمي
ريما: ابي فلوس
ابو نواف: كم تبين..
ريما: ميتين ريال..
ام نواف: وشوله
ابو نواف: وش بتسوين فيهم
ريما: الصراحه تراهنت أنا ووحده من البنات
ابو نواف: تراهنتوا على ايش؟؟
ريما: قلت لها الاستاذه هاذي مو متزوجه قالت إلا متزوجه .. قلنا خلاص اللي يطلع كلامها صحيح تعطي الثانيه 200 ريال
ام نواف: ههه الحمدلله والشكر وانتم وش عليكم من خلق الله يتزوجون ياكلون ينامون كل واحد حر بتصرفاته..
ابو نواف: رايحييين نادي انتم مو مدرسه
ريما: تكفى يباا لاتردني لا تفشلني قدام البنت
ام نواف: يفشلك.. وش انتم عليكم خرابيط
ريما: بابا الله يخليك
ابو نواف: خلاص ذكريني الصبح اعطيك
ريما وتحب راس ابوها: مشكور يبااا
ام نواف: ثانيه مرره لاتجلسون تتراهنون انتي والبنات
ريما وهي طالعه: مااقدر اشوفهم يتوقعون ومااتوقع معهم
ابو نواف: سبحان الله اللي يشوف اطباعها هي وعبير مايصدق انهم خوات
ام نواف: ههههه ايييه من يوم هم صغار وانا ملاحظه ان اطباعهم مختلفه..

الجزء العشرون
=========
يوم الاربعاء الظهر..
نواف بالمكتب دق جواله كان سعود ولد عمه..
نواف: مرحبااااااا
سعود: هلاااا والله.. كيف الحال؟؟
نواف: تمام الحمد لله.. أنت وش اخبارك وعمي وش اخباره؟؟
سعود: كلنا بخير الله يسلمك.. نواف..
نواف: هلااا
سعود: اليوم بمركم البيت بشوف عبير واحتمال نطلع انا وياها ياليت تعطيها خبر..
نواف: طييب ليه أنت ماتكلمها وتقولها؟؟
سعود: دقيت عليها قبل شوي جوالها مقفل الظاهر عندها محاضره..
نواف: اهاااااا اوكي بس تصدق أنا توقعتك تجي الاسبوع اللي راح يوم قلت بمر بكره..
سعود: والله انشغلت شوي..
هو قال اني مشغول ولا هو في الحقيقة كان يبي يبعد عنها لانه حس انها شايله عليه خاصه عقب اخر مسج ارسلته له..
نواف: اوكي مو مشكله أنا بعطيها خبر متى بتجي..؟؟
سعود: المغرب..
نواف: زيييييين ..
سعود: مع السلامه
نواف: مع السلامه..
سكر سعود من نواف وهو يفكر كييف بيكون لقاهم اليوم بعد شهر من اخر مرره شافها .. يعني من تركت البيت.. الله يعييني ويقدرني اوضح لها كل شئ ومايخوني الموقف.. بس ياخوفي ماترضى تطلع لي.. والله مااستبعدها منك ياعبير اللي يشوف مسجاتك وتطنيشك لمكالماتي يتوقع منك أي شئ..




دخلت سارة البيت راجعة من المدرسة وشايله كتبها بكيس "اهلا وسهلا" .. فصخت عبايتها وهي معصبة ..
مها: وشووووووو هالكيس؟؟؟؟
سارة: شنطتي اخذوهاااااااااااااا
أم مشاري: ليش اخذوها ؟؟
سارة: انتِ لو شفتيهم يوم دخلوا علينا .. كأننا ارهابيين 7 معلمات هجموا ومعهم سلة يحطون فيها العطور أنا اول ما شفت السلة على بالي بيسوون لنا مسابقات مالت عليهم .. وانا واقفة وبثقة ورازة نفسي ومتأكدة 100% ان ما معي مخالفة .. يوم شافوا محد جايب معه شي جاهم احباط 7 استاذات ولا لقوا شي .. قالوا الشنط الملونة تصادر وما تاخذونها إلا نهاية السنة ..
مها: طيب انتِ شنطتك لونها بني..!!
سارة: مايلة للأورنج .. مو هذا اللي قاهرررني .. اخذوها اخذوهاااااااااا .. ان ما استلعنت عليهم بكره ما اكون سارة بنت ابوي ..
أم مشاري: لا تتمشكلين مع المدرسة .. يفصلونك بعدها ..
سارة: وععععع من زينها المدرسة الخايسة يالله استحملت اجلس فيها وهم ما سوو لي شي اما اللحين آآآآآآآه بس .. والله لا اجيبها بكره لو تاصل اني اروح للمديرة براسها
مها: اشوا جزمتك ما قالوا عليها شي
أم مشاري: لا تزيدينها أنت.. هي ناوية شر من غير شي ..
سارة: قالوا .. قالوا ... ما تشوفوني لابسة هالجزمة السوداء جعــل ايامهم سوداااااء .. قال ايش .. :: سارة لا تلبسين الجزمة الحمرا هاذي ترى ان لبستيها بكره بنلبسك زنوبة:: .. عسى الزنوبة تمحطك قبل ما تلبسها رجلي .. المشكلة ما فيها إلا خطين حمر
مها: ههههههه والله انك نكتة
ام مشاري: روحي بكره بادب قولي لهم رجعولي شنطتي ومنب جايبتها مرة ثانية
سارة: وليش ان شاء الله؟؟؟!! .. أنا شاريتها علشان اعرضها بالبيت .. اباخذها وابلبسها غصبٍ عنهم
مها: والبنات طيب اخذوا منهم شنطهم
سارة: اييه معظمهم .. لا والمديرة لابسه جزمة فوشية وتهزأني على جزمتي الحمرا جعلها للخطف من الهنود الحمر
ام مشاري: ههههههه استغفري أنت تدعين من الصبح
سارة: من حرررررتي
مها: متنا جوووع .. روحي غيري بعدين تعالي حشي .. مشاري اللحين بيجي وابوي فوق ينتظركم
سارة: سبحانك اللهم وبحمدك استغفرك واتوب اليك..
ام مشاري: ههههههههه تحش بخلق الله وبعدها تقول كفارة المجلس..





بعد المغرب جاء سعود بيت عمه وهو في باله الف فكره وفكره وش بيقول لعبير؟؟.. وشلون بتكون رده فعلها؟؟.. ياترى بتاخذ وتعطي معه ولا راح تصده؟؟..الله يستر.. دخله نواف المجلس ودخل يناديها.. بعد عشر دقايق دخلت عليه عبير..
عبير:السلام عليكم
سعود: هلا وعليكم السلام.. كييف الحال عبير؟؟
عبير: بخير الله يسلمك..
سكت سعود ماعرف وش يقول تضايق من رسميتها الزايده..
سعود: لو ماقلت أنا بشوفك كان مافكرتي فيني
عبير: شف تبي الصراحه أنا مارضيت اطلع لك اللحين إلا عشان مااحرجك قدام اهلي.. واذا كنت خايف ان احد منهم عرف بالموضوع لااا ريح نفسك أنا ماقلت لاحد عشان مااخليهم يشوفون سعود اللي طول عمري امدح فيه صغير بعيونهم..
سعود: ياللـــــــــــــه ماتوقعت اني طايح من عينك..
عبير وهي طالعه: بروح اجيب لك قهوه مايصير تدخل بيتنا وتطلع كذا..
انصدم سعود من كلامها وناداها: عبــــــــــــير تعالي أنا مابي شئ أنا جاي بتكلم معك وبطلع..
عبير: تفضل..
سعود: وش قصه المسجات القويه اللي ترسلينها لي؟؟.. وليه ماتردين على اتصالاتي معلقتني لاقلتي لي ماابيك ولاقلتي خلاص أنا سامحتك..
عبير: الحمدلله أنت اعترفت بنفسك انك غلطان على..
سعود: أنا صح غلطت بس عقابك والله قاسي .. لك شهر اللحين ببيت اهلك ولاعرفت وش قررتي؟؟.. احس انك قاصده تعذبيني..
عبير وخانقتها العبره: اعذبك مدري مين اللي جرح الثاني وعذبه.. مدري ميين اللي يغلط ويبي الناس يركضون وراه.. مدري مييين اللي مهما سوى يكابر ويقول أنا ماغلطت؟؟..
سعود: لهالدرجه شايله علي ياعبير..
عبير ماقرت تمسك نفسها جلست تصيح وبسرعه طلعت من عنده تبي تكابر ماتبيه يشوفها ضعيفه اويحس فيها يوم صاحت.. ومع كذا سعود عرف من نبره صوتها انها ماقدرت تمسك نفسها يوم شافها سعود كذا طلع من البيت مايبي يشوف احد من اهل البيت.. اااااااه ياربي جيت اليوم بنهي الموضوع وبحط حد له .. بس شكلي طحت بمشكله اكبر عمري ماتخيلت عبير تذب كلام وتجرح كنت دايم اتخيلها عبير الهاديه الحنونه اللي تخفف الامي ماتزيدها لكنها اليوم غييييييييييير.. بس البنت معذوره نفسيتها تعبانه ماتوقعت اللي صار يمكن صدمه ماقدرت تستحملها..





المسجل مفتوح ومع كلمه تسرح عبير ..تحس صار عالمها ذا الاغاني والاحاسيس المعذبه الي تصور احساسها وتتوقع انه عالم يريحها.. ومن غير احساس نزلت دموعها الي مع كل اغنيه تزيد ماتخف تزيد وماتعرف ليه احساس الالم يكبر بداخلها مع الاغاني.. دخلت عليها امها وشافتها تصيح..
ام نواف: تعوذي من ابليس..
قامت عبير قفلت المسجل ودموعها تنزل قدام امها..
ام نواف: يابنيتي وش لك بهالاغاني اسمعي لك قران كلام ربي يشرح الصدر.. مو هالاغاني مزامير الشيطان تضيق صدر الانسان وتخليه بعيد عن ربه..

عبير: ااااااه يمااااه ضايق صدري محد حاس فيني
ام نواف: بسم الله عليك من ضيقه الصدر بس ترى والله هاللي تسمعينه يضيق لك صدرك ويخليك حاسه بالالم..
عبير: وش اسوي يمااا
ام نواف: علميني وش صاير بينك وبين سعود.. أنا من ذاك اليوم يوم اسالك وش فيكم قلتي لي بعدين بقولك وانا ماقلت لك شئ.. بس خلاص اللحين لازم تتكلمين وتفضفضين تكلمي قولي وش فيك؟؟
عبير وبتردد: صاير مشكله بيني وبينه وان شاء الله نحلها
ام نواف: وش هالمشكله ممكن اعرفها؟؟
عبير: اعذريني يمااا بس شئ خاص.. يمكن سعود يتضايق اني تكلمت وقلت لكم..
ام نواف: طيب يابنيتي قولي أي شئ يمكن اقدر اساعدك.. مو معقوله كذا بتمين ساكته..
عبير: لاااا تزعلين مني يمااا بس غصب عني شئ مااقدر اقوله..
ام نواف: اللي يريحك.. متى ماحسيتي ان ودك تتكلمين أنا موجوده
عبير وتحب راس امها: الله يخليك لنا





يوم الخميس..
في البر بليل كان الجو حلوو والليله قمره.. الكل مجتمع يضحكون ويسولفون ويشربون قهوه وشاي.. وناس مشغوليين يولعون نار الشوي ومافي احد فاضي كل واحد بيده شغله..

ريما بهمس لساره: شوفي جنبنا مخيم.. امشى خلينا نشوف من فيه؟؟
ساره: يلااااا يمكن عندهم بنات خلينا نتعرف عليهم..
ام مشاري: وييين بتروحون؟؟
ساره: بنتمشى
ام نواف: لا تبعدون
مها: امااااا ساره وريما ماتبيهم يبعدون
ساره: قل خيرا اواصمت
عبير: وهي صادقه مها انتم لو ماتمترون البر كله ماتحسون انكم طلعتواا
ريما: اصلا البر هنا اماااان ماتشوفون الناس زحمه يعني لاتخافون بنرجع لكم..
ام مشاري: الله يستر عليكم





قاموا الشباب يتمشون قبل العشاء جهزوا كل شئ بس باقي يحطون الاكل عالجمر.. جلس سعود وفارس يشبون النار وقالوا بعدين بنلحقكم..
نواف: الجو رووووعه
مشاري: من زمان عن البر
خالد: صح قبل ماانسى.. كاتب قصيده بسمعكم اياااهااا بس بالسياره لحظه خلوني بجيبها..
نواف: هالولد رهييب مايفوت شئ
مشاري: هههههه تصدق ابوي يحبه اكثر مني مع اني أنا ولده
نواف: ومن يسمعك أنا ابوي يبيعني عشانه
مشاري:ههههههههه
قرب منهم خالد..
نواف: اهلا بك شاعرنا الكبير
خالد: تستهبل أنت ووجهك.. تعالوا عند السياره هنا مافي اضاءه..
مشاري: هههههههه لا من جد يتكلم..
وهم ماشين باتجاه السياره..
خالد:المهم مشاري تذكر يوم في بيت عمي تقول ان تلفونك مفصول وماتحتاجه.. ذاك اليوم وانا جالس جيت في بالي وبنفس الوقت جت في بالي فكره وكتبت هالكلام اسمعوا..


"غلبان .. فاتورتي الف وسبع ..
وراتبي .. الف وسبع ..
تدرون وين المشكلة ..
أني لها كنت أستمع ..
عن مشاكل أختها مع أختها ..
ونوب تقول أنها وحيدة أمها ..
لله دري مستمع ..
كلي أذانٌ صاغية ..
كنت واهم .. أنها في بحر حبي غارقة ..
ولعبتي فك الطلاسم ..
المهم ..
المهم .. شبيت شمعي أنتظر ..
منها اتصال ..
بس دقة واتصل .. عادة العشق الجديد ..
أنتظرت وملني شمعي وطفى ..
قلت يمكن نايمة ..
بأحلام حبي هايمة ..
ولا يمكن .. ولا يمكن .. ولا يمكن ..
تنتظر مني أتصال ..!!
المشكلة معها أنتظار ..
يلعن أبوك ألف وسبع ..
أنتِ الكذبة الكبيرة ..
ليت قلبي يقتنع .."

"القصيده للشاعر.. طارق الخلف"

مشاري بابتسامه: هههههههه والله انك رهيب
نواف يستهبل: وين يشتغل هالغلبان.. لايكون بالبريد؟؟
خالد: هههههههههه
مشاري: حلوه الدقه
نواف: بس تصدق والله أنت عندك افكار حلووه
خالد: بس ميين يقدر
مشاري: لاااا ياشييييخ اموووت عالثقه
نواف: عادي هو دايم كذا أنا متعود..
وجلسوا يمشون لما ابعدوا عن مكانهم.. فجاه شافوا نور سكتوا وقربوا منه.. لقووو ساره وريما جالسين يسلطون الكشاف عالناس اللي يمشون ويتفرجون عليهم.. البنات ماحسوا فيهم لان العيال يوم قربوا منهم سكتوا..
نواف وهو صاد: ريماااااااااااااا
هنا ريما تجمدت بمكانها بعد ماعرفت صوت اخوها..
نواف قال للعيال يرجعون وهو معصب عالبنات..
نواف: ريماااا وش هالحركات يلاااا ارجعوا عند اهلي وياويلكم ان تحركتوا من غير عبايات..
ساره سكتت ماردت وريما كانت خايفه منه لانه يكلمهم وهو صاد كان شكله معصب..
ريما: هنا بر مافي احد يشوفنا بالظلام..
نواف بعصبيه: هذاني أنا شفتكم أي احد كان بيتمشى بهالمكان بيشوفكم.. بسرعه ارجعوا..
ريما: طيييب بس أنت ابعد عشان ساره بتمشى..
نواف: لاااا وبعد ماخذين معكم كشاف تسلطونه على خلق الله.. شغلك بعدين
راح نواف عنهم وهو معصب عليهم ومن حركاتهم..

ساره: وش فيه ذا علينا
ريما: احمدي ربك ماسوي فينا شئ
ساره: تتوقعين مشاري اخوي عرفني؟؟
ريما: اكييييييييييييد انه عرف مو معقول ماسمع صوت نواف وهو يصرخ علي..
ساره: اخاف يستقعد لي اليوم في البيت.. صح انه ماعمره سواها لكن الله يستر..

رجعوا البنات عند اهلهم مالقوا عبير ومها..
ساره: يمااا وين البنات؟؟
ام مشاري: راحوا يتمشون..
ريما: وين أي جهه راحو
ام نواف: مدري عنهم والله ماانتبهت..
ساره: تعالى نروح ندورهم
ريما وهي خايفه من كلام نواف: هاااا لا لا بعدين مو اللحين
جلسوا البنات يتقهون ويسولفون مع امهاتهم..

الساعه 11 الليل..
عبير فتحت سياره نواف بتطلع منها جالون المويه.. مسكت الجالون وسحبته بتنزله وكان ثقيل عليها يدها عقب الكسر اللي من كم شهر عظمها ماانجبر زيين.. فجأه رمته بالارض وصرخت صرخه قويه من الألم.. التفتت عليها مها لانها كانت اقرب وحده لها قربت منها..
مها: عبييييير وش فيك؟؟
عبير تتالم ماردت عليها:اااه ااااه ه اااااااااااااااااااااه
الرجال يوم سمعوا الصرخه خافوا ارسلوا فارس يشوف وش القصه..
والحريم كلهم تجمعوا عليها..
ام نواف وهي خايفه: بسم الله عليك وش فيك؟؟
ريما: عبيــــــــــــــــر
ام مشاري: كلموا احد من العيال يوديها المستشفى..
جاهم فارس يركض..
فارس: وش فيكم؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!
ام نواف: قلهم عبير تعبانه يدها مدري وش فيها خل احد يجي يشوفها..
راح فارس عند الرجال اللي كانوا ينتظرونه يرجع وكان باين عليهم انهم قلقين..
فارس: عبير مدري وش فيها تصارخ يدها تعورها؟؟؟؟
ابو نواف: من ايش؟؟
سعود: وينها اللحين هي .. خلهم يبعدون بروح اركبها السياره واخذها المستشفى..
ابو سعود: رح معه يانواف..
خالد وهو ضايق صدره عليها: سلامتها ماتشوف شر
قرب سعود سيارته عندها والحريم كلهم بعدوا.. مسكوها هو ونواف وركبوها سياره سعود وهي مازالت تصرخ وتتالم..
نواف: وييييييين عبايتها؟؟ ريماااااااااا
سعود: بسرعه..
نواف: فارس رح جب عبايتها..
راح فارس بسرعه وجاب العبايه..
نواف: اروح معكم؟؟
سعود: لاااااا مايحتاج..
عبير من شده الألم مافيها حيل تتكلم او تعترض على شئ.. سكتت واستسلمت للامر الواقع.. لانها كل همها اللحين تاخذ شئ يسكن لها الألم.. وسعود طول الطريق ماتكلم معها لانه عارف انها بحاله مايعلم فيها إلا الله.. وصلوا المستشفى ونزلت عبير عن الدكتور ونزل سعود معها وشرح حالتها للدكتور انها قد انكسرت يدها قبل هالمره.. عطاها الدكتور مسكن وسولها تحليل و..



وباقي العايله بالبر ينتظرون سعود يدق عليهم ويطمنهم.. يوم حسوا انه تاخر عليهم اتصلوا عليه طمنهم وقالهم ان مافيها إلا العافيه .. الحمدلله اطمنوا عليها وحلف عليهم ابو نواف انهم يكملون الشوي ويسون لهم عشاء مايبون يخربون الليله الحلووه..



وجلسوا بالمستشفى إلى الساعه1:30 الليل يوم طلعوا ركبوا بالسياره وعبير مارضت لسعود انه يساعدها وهي تركب بالرغم من بعض الألم اللي كانت تحس فيه.. ساااااد الصمت بينهم فتره طويلة.. لما كسر سعود هالصمت..
سعود: ويييين تبين تروحين؟؟
عبير: بيت اهلي..
سعود وكان متوقع ردها: بس بيت اهلك مافيه احد..
عبير: اكييييد شوي ويرجعون ماراح ينامون هناك..
سعود: براحتك..
رجعوا لحاله الصمت لما قعد سعود يحوس بيت الاشرطه بالاخير طلع شريط وشغل المسجل على اغنيه "الاماكن" لمحمد عبده.. كان سعود يبي عبير تسمعها يمكن تحن عليه وتعرف وش كثر يعاني من غيرها.. عبير كانت تصيح من تحت الغطاء بس كانت حذره ماتبيه يحس فيها او يعرف انه ضعفت يوم سمعت الاغنيه.. وصلوا البيت ..
عبير وهي نازله: مشكور عالتوصيله تعبناك
سعود وهو حاس انها جرحته: العفوو يجي منك اكثر
عبير: مع السلامه..
سعود: فامان الله..
سعود: معك مفتاح؟؟
عبير: اكيد
جلس سعود واقف لما تاكد انها فتحت الباب ودخلت بعدها مشئ..





الساعه 3 الكل رجع بيته بعد هالليله الطويله.. ابو نواف وام نواف كانوا متضايقين على اللي صار اليوم لعبير وبنفس الوقت مبسوطين ان سعود اللي وداها المستشفى يعني يمكن هالشئ يحنن قلوبهم على بعض.. طلعت ريما بسرعه فوق وهجمت على غرفه عبير..
ريما: عبير وش اخبارك؟؟
عبير: جيتواا
ريما: ايييه بس انتي وش اخبار يدك؟؟
عبير: توجعني شوي
ريما: توقعتك رجعتي مع سعود ..بس امي تو قالت انك فوق..
عبير: ايييييييه ياشيييخه ايدي تعورني..
ريما: بروح اغير ملابسى واتروش واجيك
عبير: لااا تكفين بنام اللحين
دخلوا عليها امها وابوها ونواف يتطمنون عليها قبل ماينامون.. وارتاحوا يوم قالت لهم انها احسن..
الكل راح ينام وانسدحت عبيرعالسرير تفكر بالاحداث اللي صارت لها اليوم .. شافت سعود كييف خاف عليها ووداها المستشفى بس مهما سوى هذا مايغفر له اللي غلط فيه بحقي .. يجرحني ويخدعني وانسى مااقدر مااقدر.. كل شئ فيني يقول أنا احب هالانسان وابيه لكن مستحيل اسامحه لو وش ماسوى..





خالد رجع البيت وباله مشغول على عبير وخاصه انه ماسال عنها كان منحرج وش يقولهم ؟؟.. حس انها صعبه يبين لهم انه مهتم فيها .. جلس يتذكر شكل سعود وهو خايف عليها .. ومانسى كييف كانت حالته يوم عرف ان يدها تعورهاااا.. والله الرجال يحبها .. ااااااااه الله يهنيهم ببعض... بس والله مهما حبها سعود ماراح يجي ربع حبي لها.. اخذته افكاره توديه وتجيبه .. لما بالاخير تعوذ من الشيطان الرجيم ونام..





يوم الجمعه بعد صلاه الظهر
دق سعود على عبير يتطمن عليها ويشوف وش اخبارها عقب امس.. كانت عبير توها مصليه وبتنزل عند اهلها سمعت صوت الجوال يرن على طول عرفت النغمه هاذي نغمه سعود لانها حاطه له نغمه خاصه.. قربت منه وترددت ترد عليه ولا لا؟؟ بالاخير قالت خليني اشوف وش عنده..
عبير: الووو
سعود: مررحباااااااا
عبير: هلا
سعود: وش اخبارك؟؟
عبير: بخير الحمدلله؟؟
سعود: وش اخبار يدك ان شاء الله اليوم احسن؟؟
عبير: ان شاء الله احسن.. وش اخبار عمي؟؟
سعود انقهر منها انها ماسالته عن اخباره واضح انها مقصوده الحركه..
سعود بتردد: عبير..
عبير: هلا
سكت سعود حس ان الوقت مو مناسب انه يتكلم معها..
سعود: لا سلامتك سلمي لي عالوالد والوالده
عبير: يوصل ان شاء الله
سعود: فمان الله
عبير: فمان الله

قفلت منه عبير ونزلت عند اهلها لقتهم بالصاله يتقهون جلست معهم تبي تغير من الجو الكيئب اللي معيشه نفسها فيه من فتره..





الجمعه باليل دق سعود على عمانه وعلمهم ان ابوه بالمستشفى تعبان جته نوبه سكر والدكتور قال لازم يجلس عندنا بالمستشفى كم يوم تحت الملاحظه..

من بكره العصر..
ابو نواف: اليوم المغرب نبي نروح كلنا المستشفى عشان نشوف عمكم؟؟
عبير: مسكيين عمي دايم يتعب كذا اكييد انه مااخذ الدواء بانتظام..
ريما: أنا عندي امتحان بكره
ام نواف: ماراح نطول روحي شوفي عمك وتحمدي له بالسلامه
نواف: هو وش اللي جاه بالضبط؟؟
ابونواف: ارتفع عنده السكر او الضغط..
عبير: الله يقومه بالسلامه..
ام نواف: فارس لاتطلع عشان تروح معنا
فارس: بس أنا المغرب متابع مسلسل
نواف: وييييييييين أنت عايش
ريما: يقولون لك عمك بالمستشفى تقول متابع مسلسل..
ابونواف: الله يصلحك..



المغرب راحوا كلهم المستشفى.. دخلوا الغرفه لقوو سعود عنده سلموا عليه وتحمدوا له بالسلامه.. سعود تحاشى يطالع بعبير مايبي يحس بالارتباك والكل موجود.. وعبير كل مارفعت عينها تطالعه تشوفه صاد عنها تضايقت انه مااهتم لها ولاعبرها قالت اكيد انه زعل من حركتي اليوم يوم يكلمني..
نواف: ياعم أنت شباب بس اليوم مدري وش فيك؟؟
ابوسعود:هههههه تطنز على
ابو نواف: ههههههه لاحشاك بس يمزح معك..
سعود: يباا اللي يسمعه يقول هو توه صغير تراك شايب والا الان ماتزوجت..
ريما: هو يبي عروسته على ذوقي..
ام نواف: ههههه وانتي ماتسكتين كل شئ تقولينه
فارس: غريبه ياعم ماعندك ورد بالغرفه بالعاده المرضى عندهم ورد..
عبير: فارس عيب..
ابونواف: يلااا نستاذن نخليك ترتاح
سعود: بدري
ام نواف: من عمرك..
ريما: أنا عندي امتحان
نواف: كلنا عندنا دوامات بكره
ابوسعود: اجل فمان الله
الكل: فمان الله .. الله يقومك بالسلامه..





بعد ماطلعوا بنص ساعه جاء ابو مشاري وعياله.. واضطر سعود انه يطلع من الغرفه عشان مايحرجهم..
مشاري: وييين راح سعود؟؟
ابوسعود: تلقاه برى جالس
مشاري: عن اذنكم بروح اشوفه..
ام مشاري: ماتشوف شر يابو سعود..
ابو سعود: الشر مايجيك..
ابومشاري: ومتى ان شاء الله بيطلعونك؟؟
ابو سعود: والله مدري عن سعود قلت له يسالهم؟؟
ابو مشاري: طهور ان شاء الله
ابو سعود: البنات وراهم ساكتات ماسمعنا اصواتهم.. سعود وطالع..
مها: لامانبي نزعجك ياعم
ساره: اخاف ابدا اتكلم تقولي ازعجتينا..
ام مشاري: لا خلوكم كذا يازينكم..
بهاللحظه خالد جاي بيزور عمه ومادرى ان عنده احد.. دخل عليهم.. وكانت مها بوجهه..
خالد: السلام عليكم
رفعت مها عيونها بتتاكد من الصوت اللي سمعته صوت خالد ولا لا.. بعد مااستوعبت رفعت طرحتها وغطت وجهها..
خالد بعد مادخل وهو صاد عنهم قال : اسف مادريت ان في احد..
ابو مشاري: لااا تعال ياوليدي مافي احد البنات وتغطووو
ابو سعود: هلااا بخالد
خالد وهو منحرج انه دخل عليهم من غير استاذان: الحمدلله عالسلامه ياخال ماتشوف شر..
ابو سعود: الله يسلمك الشر مايجيك
خالد: وش اخبارك ياخاله؟؟
ام مشاري: بخير الله يسلمك؟؟ أنت وش اخبارك وش اخبار الدراسه معك..؟؟
كل ذا ومها تتامل فيه وتحس انها مرتبكه.. لان هاذي تقريبا اول مرره تصير هي وخالد بمكان واحد وبهالمسافه .. وبنفس الوقت منحرجه منه عشان المسج اللي ارسلته له لانها إلا الان ماتدري وش رده فعله هو مابين لها شئ..
ساره بصوت واطي لمها: متنا حر متى يطلع مليت من الغطاء..
خالد: يلاااا أنا استاذن اهم شئ تطمنا عنك ياخال؟؟
ابو سعود: تو الناس؟؟

ابو مشاري: أنت جاي تمتر الطريق وترجع..
خالد: هههههههههه لا والله بس عندي كم شغله
ابو سعود: اهم شئ شفناك
خالد: مع السلامه
الكل: مع السلامه


طلع من عندهم خالد وهو يتذكر شكل مها والله البنت محلوووه صح انها مو حلووه مرره بس ماعليها مملوحه فيها شئ يجذب بس مدري وش؟؟.. ماتوقعت شكل مها كذا؟؟ كنت احسها ماتهتم بنفسها كل همها دراستها وكتبها.. بس طلعت البنت ماعليها شكلها جذاب يعني تشد.. صح أنا ماشفتها إلا اقل من دقيقه بس البنت تلفت الواحد.. يلاااا الله يوفقها ويستر عليها.. البنت طيبه وعلى نياتها..
….
سعود وعبير وش راح يصير بعلاقتهم؟؟
مشاري ووظيفته الجديدة هل راح يستمر فيها ويترك خرابيطه؟؟
خالد هل راح تتغير نظرته لمها ويمسع كلام سلطان ويروح يخطبها؟؟

الجزء الواحد والعشرين
,,,,,,,,,,,,,,,,,,,,,
مرت الايام مثل بعض لاجديد فيها..
عبير لها شهرين ببيت اهلها شايله بخاطرها على سعود..
ريما وساره لاهين مع المدارس..
نواف بعد الترقيه امه صارت تزن عليه يتزوج..
سعود حالته حاله بعد عبير ومحد من اهلهم عارف السبب الحقيقي لزعلهم..
ابو سعود طلع من المستشفى بعد طيحته الاخيره وصحته على قده..
خالد على حاله ماتغير فيه شئ..
مها مازالت تحلم وتفكر بولد عمتها لكن هو بعالم اخر..
نجود مالها حس بعد ماغيرت رقمها..
مشاري انتظم بشغله واهله بدو يرضون عليه..
فارس الحمدلله عرف ان الرجوله مو عناد وصراخ وصار عند حسن ظن الكل..


اليوم عيد الاضحى " العيد الكبير" على قوله اخوانا المصريين.. الكل مشغول في بيته بالضحايا اللي مضحي بوحد واللي ثنتين واللي ثلاث كل واحد واللي ربي يقدره عليه.. الجميع ابوابهم طول الصبح شغاله طق.. الناس يوزعون على بعض اللحم والكل يتبادل التهاني بهاليوم الجيران والاهل يعني فرصه الواحد يصل رحمه بهالعيد خاصه اللي من زمان ماشفناهم..

بالمطبخ في بيت ابو نواف..
ام نواف: ريمااااااا جيبي الاكياس خلينا نوزع اللحم
ريما: يووووو أنا وش اللي خلاني انزل ريحه اللحم شقت حلقي
ام نواف: يلاااا عن الدلع
ريما: وش معنى أنا لييييه ماتقوليين لعبير
ام نواف: انتي وعبير كل وحده نفسها اشين من الثانيه
ريما: اقلهااااا عبير تتدلع تقول أنا مااحب ريحه اللحم بس اذا انطبخ تاكله أنا تكرم النعمه مااحبه لا مطبوخ ولاغيره..
دخلت عليهم عبير
عبير: يووو انتم إلا الان ماخلصتوا؟؟
ام نواف: والله أنتم بنات مافيكم خيييييييير مـــــــــــاري جيبي الاكياس
عبير: هههههههه وش فيك يما عصبتي علينا
ريما: اطلبي تدللي يمااا بس إلا اللحم اسمحيلي
ام نواف: الله يصلحكم بنات ماينفعون بشئ
عبير: حرام عليك يماااا .. على فكره عمي عبد الرحمن دق يقول بنمركم العصر
ريما: وناسه ساره بتجي..
ام نواف: الله يحيهم روحي قولي لابوك
عبير: رحت له لقيته نايم..






العصر في بيت ابو مشاري..
ابو مشاري ينادي: يلااااااااا يابنات تاخرنا على عمانكم
ام مشاري: أنا خلصت بس البنات توهم..
ابو مشاري: ماصار عيد ذا إلى الان مارحنا خلص النهار .. أنا كنت ابيكم تروحون بعد الصلاه على طول..
مها وهي نازله: خلاص يبا أنا جيييت وساره لاحقتني
طلعوا ركبوا السياره وكان مشاري يسوق فيهم ولحقتهم ساره ركبت معهم..
مشاري: بدري كان تاخرتي شوي؟؟
ساره: من عمرك.. حبيت اتغلى عليكم
مها: الغالي هو اللي يتغلى..
ساره: وش قصدك يعني؟؟؟؟
ابو مشاري: الناس يقولون كل عام وانتم بخير وانتم النفس خايسه من الصبح
ام مشاري: وش فيك عليهم يمزحون
وصلوا عند بيت ابو نواف لقوا الباب مفتوح والرجال جالسين بالحوش ابو نواف ونواف وفارس وابو سعود وسعود وخالد وفي ناس مايعرفونهم كانوا من الجيران جاييين يعايدونهم.. البنات دخلوا جوه عند الحريم..
ام مشاري: ماشاء الله زين خلصتوا بدري من الضحايا
ام نواف: ايييييييه والله من الساعه 9 الصبح جابهم نواف وابوه
ساره: ريما سمعت انك بتذبحيين الخروف هالسنه
عبير: هههه ايييييييييه مرره مالقيتي غيير ريماااا
ريما: الله من يتكلم تكفين ياعبير
ام نواف: ههههههههه الشبكه تعاير المنخل
مها: لاااا اليوم ساره هي اللي ساعدت امي بكل شئ
ريما: احلىىىىىىىىى ياسارونه ماتلعبين
ام مشاري: امااا مها طول يومه نايمه زين انها صحت
ساره: انتم جلسات الحريم كل وحده تمسك بناتها وتطلع عيوبهم بعدين يجون يتشكون يقولون بناتنا ماينخطبون...
الكل: هههههههههههههه
ام مشاري وهي تضحك: انتي من وييين تجيبن هالكلام؟؟؟؟
عبير: الله يخلى المسلسلات

بعد شوي سمعوا الباب اللي بين قسم الرجال والصاله يطق.. راحت عبير بتشوف ميين اكيييد الرجال يبون شئ..
نواف: عبير سعود يبي يشوفك..
عبير ببرود: ماابي
نواف: وشلووووون ماتبين اقولك الرجال يقول ابيك..
عبير: قله مشغوله
نواف: عبير عيييب عليك الرجال طالبني قال ادخل قلها بكلمها بموضوع..
عبير: نواف الله يخليك اليوم عيد ووناسه ماابي اضيق صدري
نواف: يعني وشون
عبير: خله يجي يوم ثاني
نواف: أنا صراحه مدري وش فيكم بس مهما صار هو زوجك يعني المفروض تروحين تشوفين وش عنده
عبير: نواف الله يخليك
نواف: اوكي اوكي براحتك
راح نواف وطلعت عبير غرفتها ماقدرت ترجع عندهم تخاف عيونها تفضحها تخاف يحسون بشئ دخلت الغرفه وهي ماسكه نفسها تحس انها طول الايام اللي راحت مكبوته مافضفضت لاحد محد فيهم يعرف معاناتي محد حاس فيني كلهم يحسون اني أنا الغلطانه وهو المظلوم.. لييييييه اشوف نظرات العتب بعيونهم ؟؟؟.. لييييييه يحسسوني اني أنا المذنبه؟؟؟.. صح اني أنا قدامهم احاول امسك نفسي وماابين لهم شئ ماابيهم يحسون اني متضايقه.. بس هم مايدرون ان فيني هم مامحد يقدر يتحمله.. تنهدت بعمق وجلست تصيح بدون صوت تطلع الألم والجرح اللي بداخلها يمكن تقدر هالدموع تخفف من اللي تحس فيه..
كان جوالها عالكومادينه التفتت عليه لقت 3 مسد كول فتحته كانت مكالمات من سعود.. رجعت الجوال مكانه وجلست تصيح بحرقه.. اااااااااااااااه اذا أنت تحبني لهالدرجه ليش تخدعني ؟؟؟ ليش تجرحني؟؟؟.. لييييييييييييييييييييش؟؟؟؟؟؟





في الحوش الرجال جالسين سوالف وبسطه وجمعه حلووه إلا سعود بعد ماقاله نواف ان عبير مارضت تطلع له ضاق صدره وكتم..
نواف: سعود سعـــــــــــــــود
سعود كان سرحان وبعالم ثاني..
خالد: ههههههههه الاخ مو هنا
قرب منه نواف: سعود
سعود: هلا
ابو مشاري: صح النوم من الصبح ينادون
ابو نواف: ههههههههه وش فيك ماتتقهوى ياسعود
سعود: تقهويت ياعم
مشاري: اللي ماخذ عقلك
ابوسعود: وش فيكم عليه كل واحد من جهه
خالد: ههههههههه هو مدري وش فيه اليوم
سعود وهو متضايق: لااا عادي مافيني شئ بس مانمت زييين امس واليوم ذبايح يمكن ارهاق وتعب..
ابونواف: الله يعينك


مر هاليوم حلووو للجميع إلا لعبير اللي كل ماحاولت تنسى هالسالفه وتدخل معهم وتضحك وتسولف تلقى نفسها تبدا من جديد .. الذكريات تذبححها كل شئ لها حلوو مع سعود مو قادره تنساه.. وحتى سعود ماكن حاله احسن من عبير كل ماحاول يتقرب منها ويحاول يجلس معها هي تصده..





بعد العيد باسبوع ابتدت الاختبارات عند المدارس والجامعات.. عبير كان هالمستوى اخر شئ لها يعني تخرج.. وحتى خالد كان نفس الشئ وكان شاد حيله يبي تقدير حلوو.. واماااا ريما بما انها كانت توجيهي فهي شاده حيلها طول السنه لان أي تقصير بالفصل الاول راح ينعكس عليها بالفصل الثاني..




عبير بغرفتها تذاكر شوي تجلس عالمكتب وشوي عالسرير ملت مالها خلق تفتح الكتاب عبير من طبعها مرتبه وماتحب تكتب بكتبها شئ خارج عن المنهج لانها تقول كل شئ له مكانه إلا هالمره بدون شعور لقت نفسها مسكت القلم وكتبت بعض الكلمات اللي تصور واقعها الاليم..
كتبت على غلاف الكتاب..

" وذاب قلبي في بحيرة العشق ولا أمل له في النجاة ما دامت سفينتك لم تبحر حتى هذه اللحظة"

فتحت الكتاب على المحاضره الاولى بمحاوله يائسه انها تبدا تذاكر بجد لكنها ماقدرت.. كتبت

" قد تأسرني الأشواق يوماً وأقبع في أحد سجونك وقد تخذعني أمواج الذكريات لتحملني إليك .. ولكن لا تظن انني سأكون يوما تحت رحمتك سيدي" ..

ومازالت تكتب وتكتب تبي تطلع شئ مكبوت بداخلها من فتره..

" ليتني كنت بين نارين لفضلت البقاء دون حراك ولكن الأصعب هو أنني اسير في طريق مليء بالأشواك ولا يمكنني البقاء واقفة " ..

" الزمن ياتي بالأحزان الأحزان تجر وراءها الدموع الدموع تسقط ثم تجف ثم أنسى أنني بكيت وأعود الى الزمن "..

ياربــــــــــــــــــــــــــي راسي بينفجر مو قادره اذاكر كلمه وحده بكره مدري وش بسوي بالامتحان..

" لو علم الحب ما فعل بي لقتل نفسه " ..

عبير ملللللللللت حست انها اذا استمرت على هالحال بيطلع الصبح وهي ماذاكرت قالت احسن حل اطلع من الغرفه نص ساعه اغيير جو وارجع..
كتبت اخر شئ بخاطرها قبل ماتطلع وقفلت الكتاب..

" أكتب واحزان الماضي تتوارى عن طريقي يوما بعد يوم واشعة الأمل تمسك بيدي وتقودني الى حيث ألقاك فأكتب على أجنحة الطيور إني احبك "..






الصباح بالجامعه وبعد ماطلعوا البنات من لجنه الامتحان..
مها: اليوم حست الماده اشييين امتحان
ريهام: بالعكس كان حلووو شامل كل المحاضرات
مها: الله يستر لااحمل الماده
ريهام: لااااااااااا ان شاء الله انتي ماعمرك حملتي حسافه تخربين على نفسك ..
مها: الله يعين
ريهام: وش فيك انتي ليه ماذاكرتي زييين؟؟؟؟؟

مها: مدري امس كل مافتحت الماده ضاق صدري.. مليييييييييييت
ريهام: شوفي أنا إلا الان ماسكه اعصابي بسالك سؤال واتمنى الاجابه ماتكون ايه..
مها: وشوووو السؤال؟؟
ريهام: ان شاء الله انتي ماذاكرتي جالسه تفكريين بالكريه ولد عمتك...؟؟؟
مها بابتسامه: اولا احترمي نفسك لاتقوليين عنه كرريه..
ريهام: ثانيا..
مها: ههههههه اييييه افكر فيه
ريهام: اذبحك أنا الولد هذا انسيه طلعيه من راسك ماعنده سالفه انتي تركضين وراء وهم شوفي هو لو يحبك او يبيك كان اقل شئ يوم بينتي له انك تحبينه بالمسج رد علييك بس هو انسان شايف نفسه يحس مو من مستواه يحب احد اتوقع انه هو يتخيل ان الناس لازم يركضون وراه وهو يطنشهم.. مها اصحي لاا تخلييين هالافكار تضيع احلامك ومستقبلك انتي ناسيه طموحك انك تصيرين معيده بالجامعه..
مها وهي مصدومه من كلام ريهام: احبه والله احبه
ريهام: اوكي انتي تحبينه لكن هو مااتوقع.. شوفي أنا مااقولك هالكلام عشان اضيق صدرك لا ابيك ترضين بالواقع اللي انتي اللحين فيه .. اخاف بعدين احلامك تكبر وتنصدمييين بشئ اكبر..
مها: مدري وش اسوى كلامك مرره قاسي
ريهام: طييب انتي هالفتره انتبهي لامتحاناتك وحلى زيين وبعد المتحانات يصير خييير
مها: بحاول..
ريهام: إلا تعالي ماقلتي لي المزيون هذا وين يدرس
مها: هنا بجامعه الملك سعود اخر مستوى
ريهام بقرف: وش تخصصه؟؟؟
مها: قانون..





عبير رجعت من الجامعه ولقت اهلها بالصاله..
عبير: السلام عليكم
الكل: وعليكم السلام
ابو نواف: وش اخبار امتحانك؟؟
عبير: يعني مو مررره
ريما: لييييييييييييه؟؟
عبير: مدري وشلون الاسئله غامضه شوي.. انتي وش سويتي؟؟
ريما: لااا أنا اعجبك مررره حلوووو
عبير: الحمد لله.. وفارس وش سووووواا
ابو نواف: يقول زيين وماندري عنه
ام نواف: تبين شئ تاكلينه؟؟
عبير: لااا يما بطلع انام لحد يصحيني أنا بركب المنبه




انتهت فتره الامتحانات بسلام والكل اجتاز هالمرحله..

عبير اللي كانت تاخذ كل سنه امتياز صار تقديرهااا جيد جدا نظرا للظروف الصعبه اللي مررت فيها..
خالد تخرج بتقدير جيدجدا مرتفع كالعاده ماينزل عن هالمستوى..
ريما طلعت من الفصل الدراسي الاول بنسبه 98% والكل بارك لها وفرح لها..
مها لاول مرره من دخلت الجامعه تحمل ماده معها.. "الحب وعمايله"..
ساره وفارس نجحوا بالبركه يعني بالدف..





يوم الخميس ابونواف قرر يسوى حفله بمناسبه تخرج عبييير وخالد من الجامعه .. ابو نواف يعد خالد مثل نواف فهو يوم قرر يسوي الحفله قال مو معقوله اسوي لعبير وخالد لاااا ..
عبير ضاق صدرها ماكانت تبي ابوها يسوي شئ ويكلف على عمره خاصه وان نفسيتها مو اوكي لكن يوم شافت ان خالد متخرج معها ماحبت تقلل من فرحته مسكييين خلييه يفرح وش ذنبه هو..

ريما: عبير بعد يوميين الحفله وانتي بارده ماطلعتي تشرين لك شئ..
عبير: عندي فستان جديد حلوو شاريته من ايطاليا يوم اروح الصيف بس المشكله انه مو هنا..
ريما: ويييييين ببيتك؟؟
عبير: ايييييييه
ريما: طييب روحي جيبيه
عبير وهي متضايقه: ماودي فشيله لي كم شهر مارحت هناك اخرتها اروح عشان فستان..
ريما: ياثقييييييييييل ماتبين سعود يشوفك
عبير: ياشيخه فكيني
ريما: أنا عندي فكره
عبير: وش ياام الافكار
ريما: اقول لنواف انك انتي مااخذه مني بدله كنتي بتلبسينها والا الان مارجعتيها لي وهي اللحين عندك بالبيت.. وانا ابي البسها يوم الحفله.. عاد انتي تعرفيني اذا بغيت شئ اجيبه اجيبه.. هاااااااااا وش رايك؟؟؟
عبير: زيييييين وخاصه ان سعود داري انك مرجوجه
ريما: بروح اقوول لنواف يوديني ويجلس مع سعود وعمي وانا بدخل غرفتك..
عبير: اذا وافق تعالى في اغراض ثانيه ابيك تجيبينها لي
ريما: اوكي
راحت ريما قالت لنواف وبسرعه لبست عبايتها وراحت معه لبيت عمها.. وقالت لعبير يصيير بينا تلفون عشان اتاكد من الاغراض..





يوم الثلاثاء بليل..
خالد بغرفته متضايق من يوم قفل التلفون.. ضاق صدره يوم عرف ان الحفله له هو وعبير بس مابيده شئ صعبه يرد خاله ويقوله لا ماابي حفلات هذا جزاه فرحان فيني وعادني مثل واحد من عياله.. هالانسانه كل ماحاولت ابعد عنها يقربوني منها مرره ثانيه .. لييييييه أنا بالذات ابوها بيسوي لها حفله معي ؟؟.. ليييييييييه القدر يجمعني فيها ؟؟.. الدنيا هاذي غريبه لو اثنين يبون يجتمعون فيها كان عاندتهم .. والناس اللي نتحاشاهم نلقاهم قدامنا دايم..
ليه الايام تعاندني ومو راضيه تكون بصفي؟؟.. كل شئ اتمناه اشوف عكسه.. وكل شئ ابعد عنه يلحقني.. يارب قدرني وخلي يوم الحفله يعدي على خييييير وان شاء الله يارب تكون ذكرى حلووه بحياتي..





اليوم الحفله الكل مستعد لها والكل مبسوط وفرحان بهالمناسبه تخرج عبير وخالد..
عبير راحت الصالون سوت لها ميك آب وتسريحه بسيطه وكانت لابسه فستان حلووو لونه بني ووردي فاتح اللونين مع بعض شكلهم كان رايق.. وبالرغم من كل الهم اللي شايلته حاولت تبين قدام الناس انها طبيعيه خصوصا انها عازمه بعض صديقاتها المقربات ماتبي احد يلاحظ شئ.. اغلب الناس اللي جو للحفله داخليين ومعهم هدايا لعبير بمناسبه تخرجهاااا لان ام نواف تقدر الناس وتوجبهم دايم فهم يهدون بنتها كنوع من رد الجمييل..
ريما وساره ومها كانت موصيتهم ام نواف يشرفون عالصبابات اللي جايبينهم لانها تبي كل شئ يكون مرتب..
ريما: وييييييين صياني الحلى اذكر ان امي امس تقول معبيه ست صياني واللحين اشوفهم بس يدورون بثلاثه..
مها: أنا شفت خالتي ارسلتهم للرجال..
ساره: اقوووووول بس أنا مليييت من الرسميه هاذي ابي اطلع فوق
ريما: اقوول لايكثر بس البيت مليان ناس والاخت بتطلع فوق
مها: ريما شوفي عبير تاشر تناديك..
قامت ريما: هلا وش عندك..
عبير: شوفي فارس برا واقف معه اغراض جيبيهم
ريما: اغراض ايش؟؟؟
عبير: يمكن احد مرسل شئ.. اسمعيني اذا طلعتي وشفتيه روحي انتي وساره وشيلي الهدايا اللي جابوها الناس أنا حاطتها بالغرفه الصغيره اللي جنب المطبخ..
ريما: ويييييين اوديهم؟؟؟؟!!
عبير: طلعيهم فوق مو حلووه احد يدخل الغرفه ويشوفهم
ريما: بس بشرط نصهم لي ..
عبير: روحي الولد ينتظر
راحت ريما طلعت له بسرعه وزي ماتوقعت كانت هديه صغيره مغلفه بتغليف لونه احمر.. طلعتها فوق ورجعت عند الحريم..
ساره: وينك؟؟؟؟؟؟؟
ريما: احمدي ربك ماشغلتك معي..
ساره: وييين كنتي؟؟
ريما: رحت أنا والشغاله نطلع هدايا عبير فوق
مها: اييييييه أنا شفتهم بالغرفه قبل شوي وكنت ناويه اقولكم طلعوهااا
ريما وهي جالسه تسولف معهم ناداتها وحده من الحريم وقامت لها بتشوف وش تبي..

راحت ريما من عندها بعد ماابتسمت لها..
ريما: ساره خلينا نطلع من هنا استحي اخاف احد ثاني يناديني
مها: هههههههه تكفين
طلعوا ريما وساره من عند الحريم لانهم مايحبون الجمعات والعزايم الرسميه يفضلون الجلسات البسيطه اللي مافيها تكلف..




الرجال كانوا اكثر من الحريم عددهم مرره كبير لان ابونواف معارفه كثير غير الشباب اللي كان عازمهم خالد ونواف والجيران..
سلطان: يالله ياخالد عقبال الدكتوراه ان شاء الله
خالد: الله يسمع منك
نواف: لااااا من جد مو ناوي تكمل دراستك؟؟
خالد: اذا ربك سهل
مشاري وهو جاي من المجلس الثاني: وينكم رحتوا كلكم وتركتوني؟؟
نواف: سعود معك..
مشاري: وييييييين جالس بعيد عني..
خالد: هههههههههه عاد المجلس اللي هناك كله شيبان شكلك طقيت
سلطان: خالد ودك خوالك يسمعونك
دخل عليهم واحد توه واصل..
ابوعلي: السلام عليكم
الكل: وعليكم السلام
ابوعلي: الف الف مبروك ياخالد
خالد: الله يبارك بعمرك عقبال ماتفرح بتخرج عيالك
ابوعلي: اميييييين.. وش اخباركم ياشباب ؟؟
الكل: الحمدلله
نواف: تفضل ياعم الوالد وعماني بالمجلس الداخلي..
خالد: امشوووو خلونا ندخل جووه نشوف العالم.. مو الحفله اليوم مسويه على شرفي اكييد الكل يسال عني.
مشاري: حلوووه بس لاتعيدهااا
نواف: سلطان خويك ذا شايف نفسه.. الله يعينك عليه حنا مانشوفه إلا بين فتره وفتره أنت اللي كل يوم بوجهك..
سلطان: لا ماعليك الحمدلله تخرجنا وافتكيت منه ماراح اشوفه كل يوم
الكل: ههههههههه

دخلوا الرجال والحريم تعشوا وعالساعه 1:10 الليل البيت تقريبا فضى ومابقى فيه احد.. طلعت عبير غرفتها غيرت ملابسها ومسحت الميك آب .. طبت عليها ريما..
ريما: يلاااا نبدا فتح الهداياااا
عبير: احلفي
ريما: والله
عبير: اللحين هم لي ولا لك؟؟
ريما: لا ياشيخه ومشغلتني حمالي من الصبح اطلعهم لك..
عبير: طيييب التغليفات حلوووه وانتي عربجيه بتحوسين لي الدنيا.. أنا بفتحهم شوي شوي عشان يبقون لي ذكرى انتي ان فتحتيهم بتخربينهم لي..
ريما: اهاااااا وانتي النعومه
عبير: اقوووول روحي غيري ملابسك وخذي لك شور بعدين تعالي
ريما: تصريفه.. اصلا خلاص طابت نفسي ماابي اشوف هالهدايا
عبير: بكره تعالي تلاقينهم مفتحات تفرجي عليهم..
طلعت ريما من عند عبير ولاا ردت عليها..
جلست عبير عالسرير ومسكت الهدايااا وحده وحده وتفتحها وتشوف من اللي مرسلها لها..
مسكت هديه صغيره كانت خفيفه مرره استغربت وش فيها فتحتها لقت جوتها ورده جوري مسكره مابعد فتحت ومع الورده شريط كاسيت مكتوب عليه اهداء إلى اعز الناس.. وهي تقلب التغليفه لقت كررت مكتوب عليه..

" هديتي لك من القلب دعوه.. عسى التوفيق يلازمك كل خطوه.. سعود "

مسكت الورده بتشمها اغلى هديه جتها اليوم بس لاحظت انها ثقيله ضغطت عليها حست جوتها شئ فتحتها لقت خاتم على شكل دبله شكله غالي لبسته كان مقاسها بالضبط عرفت ان سعود قايسه على واحد من خواتمها..
مسكت الشريط ودخلته المسجل يوم جت تفتحه شافت الساعه عورها قلبها اللحين الثلث الاخير من الليل والشريط اكيييد سعود بيهديها اغنيه جلست صراعات مع نفسها لما بالاخير قالت بشوف وش الاغاني واقفله.. اول مافتحته كانت اغنيه " الاماكن " لمحمد عبدو وهالاغنيه لها تاثير قوي عليها لانها سمعتها قبل يوم وداها المستشفى.. قعدت تسمع الاغنيه وجلست تصيح من قلب يوم وصل محمد عبدو للمقطع اللي يقول فيه..

" ااااه لوتدري حبيبي كيف ايامي بدونك.. تسرق العمر وتصونك..
اااه الامان وين الامان وانا قلبي من رحلت ماعرف طعم الامان..
ليه كل ماجيت اسال هالمكان.. اسمع الماضي يقول مهو بس أنا حبيبي
الاماكن الاماكن.. كلها مشتاقه لك
الاماكن اللي مريت أنت فيها.. عايشه في روحي وابيها.. "

الاغنيه الثانيه كانت لنبيل شعيل يقول مطلعها..

" كل كلمه والثانيه قلتي لي انساني.. لايغرك يالغاليه ترى صبري وصل حده.. والشئ ان زاد عن حده انقلب ضده.."

يوم سمعت عبير هالاغنيه تضايقت .. وش قصده بهالاغنيه؟؟ أنا وش سويت له عشان يهديني اياها بيوم تخرجي ؟؟ ؟؟ ليييه هو يبي يدمرني؟؟ مستخسر فيني افرح اليوم؟؟.. أنا كل اللي اسويه رد فعل طبيعي لاي وحده بمكاني.. يعني يجرحني بعدين يقول هالكلام.. ليييييييييييه ليييييه؟؟؟ لييييه كذا ياسعود أنت اللي وصلت علاقتنا لهالمرحله أنت اللي حكمت عليها بالاعدام .. ااااااااااااه محد مرتاح بدنيته لا اللي عندهم عيال مرتاحيين ولاا اللي ماعندهم مرتاحين واكبر دليل نجلاء صديقتي تقول لولا الولد اللي معي كان تركت زوجي واااااااااه وانا عكسها اقووول لو ربي رازقني بطفل كان اللحين عايشه اسعد عيشه بس هذا كله مقدر ومكتوب.. عبير كانت تحس ان بداخلها صراعات شئ يقولها ارجعي لسعود وشئ يقولها لااا اللي سواه لك لايمكن يغتفر.. هي ماهمها انها لو عاشت معه ماراح يجيب عيال قد ماهو هامها انه خدعها وعيشها طول الثلاث السنين اللي راحت بوهم وانه مايبي عيال.. لو كان صريح معي من البدايه كان ممكن تقبلت .. لاااااا ماراح اتقبل على طول بس مهما كانت رده فعلي ماراح تكون مثل قوتها اللحين.. بظل هالافكار اللي كانت تدور براسها قالت هو اهداني هالاغنيتين لازم ارد عليه بشى ليش بس هو يجرحني ويستهين بمشاعري وانا اظل مكاني ولااهمس له بحرف خليييه يعرف اني مستحييييييييييل اسامحه على اللي سواه طوول عمري.. مسكت الجوال وكانت محتفظه بمسج من زمان ارسلته له..





سعود كان حاط راسه بينام وسمع نغمه المسج رفعه لقاه من عبير..

" أنا بقلبي بدال الجرح جرحين..
كل مابغيت الهرب يرد الزمان على وين؟؟!
أنا مابغيت رحمه بشر..
أنا اترجى رحمه رب العالمين "

تنهدت سعود وقال بنفسه أنا لازم احط حد لهالموضوع لازم اعرف وش نهايتنا يانرجع لبعض ياكل واحد يروح بطريق.. بعد ماقال سعود هالكلمه قلبه عوره مايتخيل حياته من غيير عبير مايتصور نفسه يعيش من غيرهاااا.. ااااااااااااااااااااااااه تخيل عبير ترفضني تخيل عبير تقولي خلاص ماابيك.. لاااااا مستحييل عبيير تسويها هي تحبني وانا احبها.. الله يهدي سرنا ويصلح حالنا ويلم شملنا من جديد.. بروح هالاسبوع واتفاهم معها وان شاء الله نوصل لحل..
………
عبير وسعود اللي كانت الناس تحسدهم على علاقتهم اللحين كل واحد منهم بجهه..
ياتري وش راح يصير عليهم هل راح يحلون الموضوع ويرجعون لبعض وكل واحد منهم حاس انه شايل عالثاني؟؟!!
او انهم راح يقررون شئ ثاني وينهون الرباط المقدس اللي يربطهم ببعض؟؟!
او يمكن تستمر مده بعادهم عن بعض من غير أي قرار وتجلس عبير معلقه عند اهلها؟؟!

الجزء الثاني والعشرين
,,,,,,,,,,,,,,,,,,,,
بعد الحفله بكم يوم ابو نواف نادي عبير يبي يتكلم معها ويشوف وش فيها تاركه بيتها لها فتره وجالسه عندهم..
ابونواف: شوفي ياعبير أنا طول الفتره اللي راحت ماتكلمت معك ولاسالتك وش فيك انتي وسعود.. قلت يمكن يحلون المشكله الللي بينهم من غير تدخل حتى عمك ماكلم سعود مانبي نتدخل بينكم.. وامك يوم سالتك مارضيتي تقولين لها شئ..
عبير تسمع ابوها ومشاعر متضاربه بداخلها ..
ابو نواف: الفتره اللي راحت كانت امتحانات فما حبيت اضيق صدرك وافتح معك الموضوع لكن اللحين أنا ابي اعرف كل شئ..
نزلت عبير راسها وماتدري وش تقول لابوها..
ابو نواف: تكلمي قولي اللي بخاطرك مو معقوله صارلك 3شهور من تركتي بيتك ولا احد عرف وش فيك؟؟
عبير: والله مدري وش اقولك يبااااا
ابو نواف: شوفي السالفه بعرفها منك ولا من سعود لان الموضوع طال..
يوم شاف ان عبير ماتبي تتكلم ولاودها تقول وش فيها قرر ابونواف انه يكلم سعود..





بعد المغرب جاهم سعود البيت..
ابونواف: ياسعود وش اللي صاير بينك وبين زوجتك؟؟
سعود بخجل: عمي أنت ماسالتها
ابو نواف: الااااا بس ماطاعت تتكلم حتى امها كلمتها قبلي ولارضت تتكلم
سعود: سالفه بيني وبينها ان شاء الله نحلها
ابونواف: بس السالفه طالت والموضوع كبر.. تكلم ياسعود قل وش فيكم يمكن نقدر نساعدكم
سعود: عمي ممكن اطلب منك طلب
ابونواف: ااااامر
سعود: ابي اشوفها اللحين واتكلم معها حاول تقنعها لاني كم مره اجي بشوفها وماتطلع لي..
ابو نواف: ابشر ماطلبت شئ
راح ابو نواف ينادي عبير.. وسعود سرح يقول غريبه ماقالت لهم السالفه باين من كلام عمي انه مايدري عن شئ والواضح بعد انها حتى تلميح مالمحت لهم وان شاء الله اللحين ان جلست معها اقدر اقنعها ونتفاهم لان الواضح انها للحين ماقررت شئ لوانها مقرره كان قالت لاهلها أي شئ يوم سالوها.. والله البنت اصيله ومعدنها زييين والوم نفسي كيييف حبيتها..

بعد عشر دقايق دخلت عليه عبير..
عبير: السلام عليكم
سعود مديده بيسلم عليها: وعليكم السلام ..كيف الحال
عبير: تمام الحمدلله
سعود: مبروك التخرج
عبير: الله يبارك فيك.. ومشكور عالهديه كان ماكلفت على نفسك..
سعود بتردد: عبير..
عبير: هلا
سعود: اتوقع تدرين ليه أنا طلبت اتكلم معك اللحين
عبير سكتت وماردت..
سعود: تدرين انتي لك كم جالسه ببيت اهلك؟؟ .. لك ثلاثه شهور انتي طلعتي من عندي عشان تفكرين بالموضوع وتردين لي والا الان ماسمعت ردك..
عبير وهي تطالع فيه بنظره حاده: أي رد؟؟؟
سعود : يابنت الناس تبيني ولا ماتبيني؟؟!!.. يعني راضيه فيني بعد كل اللي عرفتيه عني ومستعده ترجعين معي.. ولا لاءءء؟؟
عبير: ارجع معك وببساطه كذا
سعود وهو متنرفز: اجل تبين الحل الثاني
عبير بدت تخنقها العبره: وش رايك ياسعود تبيني اخذك بالاحضان بعد كل اللي صار تبيني اضحك بوجهك واقولك اجرحني تمون.. تبيني ارجع معك بعد ماكسرت خاطري.. أنت انسان اناني ماتحب إلا نفسك معيشني معك سنين على كذب وخداع.. كنت اترجاك اترك حبوب منع الحمل عشان اجييب طفل وكنت ترفض والقهر ان هالحبوب مو هي سبب منع الحمل في مانع اقوى.. يعني سنين وانا عايشه بوهم وأنت عايش حياتك ماادري كييييييييف قلبك كان مطاوعك تستمر تغدر بوحده كانت عايشه معك وراضيه فيك..
سعود وهو مصدوم: خلصتي؟؟؟!!!
عبير: لاااا.. شف أنا ماهمني انه يصير عندي ولد قد ماهمني انك جرحتني وكسرت خاطري لوانك قلت لي عن هالشئ اول ماتزوجنا كان رضيت وصبرت وقلت لك بالعلاج كل شئ يصير لكن اللحين بعد ثلاث سنين صحى ضميرك وقررت تصارحني..
سعود: عبير انتي ليش كذا قاسيه .. أنا عمري ماقصرت معك بشئ عمري مارديت لك طلب.. طيب انتي اللحين وش اللي يثبت لك ان انتي سليمه وتقدرين تنجبين يمكن تكونين..
عبير وهي تصيح: يمكن اكوووووون ايش كمل كمل خلاص أنا تعودت على الجروح وخاصه منك..
سكت سعود عرف انه غلط عليها وهي ماقدرت تستحمل اكثر من كذا..
عبير: سعود .. طلقنــــــــــي
سعود متفاجئ: اطلقك؟؟؟!!!
عبير وهي رافعه راسها: ايييييييييييه هذا افضل حل
سعود: عبير أنا مو قصدي والله زله لسان
عبير وصوتها مررره متغير من شده الصياح: يارب ان وش سويت بدنيتي.. ليييييييه أنت ماترحمني؟؟؟؟؟!!!!!!!!
سعود: اناااا اسف اسف
عبير: هاذي ويييين اصرفها
سعود: عبير تكفين حسي فيني انتي تحاسبيني على شئ أنا مالي يد فيه هذا بيد رب العالمين..
عبير: اناااا مااتكلم عن هالموضوع اصلاااا ماصار يهمني .. طلقني
سعود: عبير فكري للمره الاخيره الطلاق مو بهالسهوله..
عبير: خلاااااااااااص ياسعود عافك الخاطر أنا ماابيك ماابيــــــــــــــك
سعود: بس أنا احبك وابيك
عبير: اييييييه وش عليك تجرح الناس وتغلط عليهم بعدين تقول احب على بالك هالكلمه تتداوي الجروح..
سعود: اقولك للمره الالف أنا اسف
عبير: وانا اقولك اسفه ابي الطلااااااااااااااق
سعود وهو طالع ويتنهد: براحتك ياعبير
طلع سعود من البيت وطلعت عبير بسرعه على غرفتها لانها كانت منهاره ماتبي احد يشوفها وهي بهالحاله.. عبير طلبت الطلاق تبي تنتقم لكرامتها اللي انجرحت تبي ترد ولو جزء بسيط منها لانها صارت تحس ان سعود كل يوم عن الثاني يستهين بمشاعرهاااا اكثر.. هي عارفه ان سعود يحبها وهي تحبه والله وحده العالم كييف الايام اللي راحت مررت عليها وهي بعيده عنه الله يصبرهااا الايام الجايه مثل ماصبرها قبل.. لكن اللحين وش بقول لاهلي اكيييد بيسالوني عن سبب الطلاق وش راح ابرر مو قفي كيييف راح ادافع عن نفسي اكييييد كلهم راح يحطون اللوم علي وبنفس الوقت ماابي اجرح سعود واحرجه قدامهم واقولهم السبب الحقيقي.. بس لازم احد منهم يعرف اقووول لمييين لامي امي اكييد بتقول لابوي على طول.. ابوي صعبه اقوله مااقدر اتكلم معه بهالموضوع.. نواف لاااااا فشيله الموضوع حساس وهو رجال استحي.. ااااااه لوسعود يتكلم معهم ويقولهم السبب الحقيقي كان أنا ارتااااح... نواف علاقته حلوووه مع سعود يمكن يعلمه بكل شئ؟؟؟!!!!





خالد لان تقديره حلوو لقى له وظيفه بمكتب محامون ومستشارون كبير ومعروف بس قالوا له نبي نخليك ثلاث شهور تحت التدريب بعدها نقرر ان كنت تصلح للعمل او لا..
خالد: طيب ياسلطان حاول دور باي مكان ان شاء الله تلاقي
سلطان: وييين مافي امل أنت ماشاء الله تقديرك زين أنا تقديري جيد يعني مافي امل
خالد: ربك كريم...
سلطان: بروح بكره ادور عالشركات ابدور أي وظيفه مو شرط نفس مجال التخصص
خالد: منتب صاحي تكرف كم سنه اخرتها تشتغل بغير تخصصك كان ماتعبت نفسك كان من يووم خلصت الثانويه دورت لك وظيفه..
سلطان: ياشيخ تراني مو ناقصك احمد ربي ان لقيت أي وظيفه
خالد: وش فيك أنت متشائم .. تفائلوا بالخير تجدوه
سلطان: نتفائل نتفائل وبالاخير ننصدم بالواقع
خالد: خل ايمانك بالله قوي
سلطان: ونعم بالله
خالد: أنا ولد عمي مشاري اظنك تعرفه شفته كم مرره أنت ببيت خالي.. مامعه إلا ثانويه عامه وتوظف..
سلطان: اكيييد واسطه
خالد: والله مدري عنه.. قووم خلينا نطلع نغير جو شوي
سلطان: يلااا مشينااااااا





الساعه 10:20 الليل
في الصاله ببيت ابو مشاري ساره جالسه تكلم بالتلفون دخل عليها مشاري..
مشاري: ميييين تكلميين؟؟!!
ساره: صديقتي
مشاري: طيب وش اسمها مالها اسم؟؟
ساره وهي تكلم بالتلفون: لحظه لحظه.. نعم وش تبي؟؟
مشاري: انتي 24 ساعه تكلميين يلاااا خلصينا سكري السماعه
ساره: ولييييش ان شاء الله؟؟
مشاري: شوفي الساعه كم
ساره: طيييب واذا عادي مافيها شئ أنا كل يوم اكلم هالوقت ومحد يقولي شئ
مشاري: اقووول يلاااا سكري
ساره: الووووو اسمعيني أنا مشغوله اللحين اكلمك بعدين
مشاري: ثاني مرره ان قلت لك شئ اسمعي الكلام بسرعه
ساره: اقوول لايكون على بالك ابوي
مشاري: ابوي مدلعك ماعمره قالك شئ
ساره: هاهاها ضحكتني ليه ويين على بالك امريكا ماعمره قالي شئ
مشاري: اقوول ترى كلمه زياده الجوال بينسحب منك
ساره طلعت وهي متنرفزه وتقول في نفسها الله ياخذك..
راحت عند مها الغرفه وهي معصبه فتحت الباب بقوووه ودخلت..
مها: بسم الله عليك وش فيك؟؟؟؟
ساره: اخوك ثقيل الدم هذا جالس يتحكم فيني
مها: ليش وش قال؟؟
ساره: تخيلي يقولي لاتكلمين بالتلفون فشلني عند صديقتي ولابعد يقول باخذ جوالك منك.. غبي
مها: خييييييير وش عنده
ساره: مدري عنه والله اننا كنا مرتاحيين منه اول 24 ساعه طالع.. اثارينا كنا بنعيم وحنا مو حاسين..
مها: ههههههه طنشيه هو فاضي قال بيتحرش فيك
ساره: فاضي وانا وش ذنبي..
مها: مدري وش فيه هو متغير كثير عن اول
ساره: تلقينه ختم على بنات الرياض كلمهم كلهم ماخلى احد وجلس طفشان ينتظر المواليد الجدد
مها: هههههههههههههههه
ساره: لاااااااا مو بنات الرياض بس تلقين حتى بنات جده والشرقيه ماسلمو منه.. غريبه مادق على جوالي بالغلط..
مها: هههههههههههههه
ساره: وش فيك تضحكين صدق اتكلم البنات والسهر والسفر كل اهتماماته
مها: تصدقيين قبل فتره جاء سالني عن وحده بالجامعه..
ساره: احلفي
مها: والله
ساره: قمه البجاحه والوقاحه عيني عينك يسال مايستحي
مها: بس أنا اعجبك ماعطيته وجه
ساره: احسسن بعد هذا اللي ناقص قله حياء






عبير بغرفتها متضايقه ونفسيتها دمااااااار مرره مأثر فيها كلام سعود اللي قاله لها حست انه جرحها قررت تروح المستشفى تكشف تتاكد من نفسها اذا هي سليمه ولا لا .. قالت بشوف اذا كنت اقدر انجب بصر على الطلاق مهما حاولوا ماراح اتنازل عن قراري لانه جرحني واهان كرامتي لكن لو طلع كلام سعود صحيح وطلعت النتيجه اني مااقدر انجب بالمستقبل اااااااااه ياويلي مدري وش بسوي يمكن اموووت هاللحظه بس أنا لازم اقطع الشك باليقين بكره بروح واتاكد من نفسي وارتاح أنا من هالهم .. يارب صبرني لبكره..





سعود كلم ابوه عمه وقالهم ان عبير طالبه الطلاق انصدموا مااتوقعوا ان الامور توصل بينهم لهالدرجه يعني معقوله بعد الحب والعشره هاذي نهايتهااااا ..
انحرج سعود يقول لعمه السبب الحقيقي للطلاق قال لابووه ويوم درى ابو سعود ضاق صدره ومايدري وين يودي وجهه من اخووه ارتفع عنده الضغط والسكر ودخل المستشفى خاصه وهو يحب عبير ويعدها بنته..

سعود: شف يانواف أنا ماطلبتك اليوم إلا عشان برتاح من الهم واتكلم معك بكل صراحه..
نواف: اصلااا لو أنت ماقلت بشوفك اليوم كان أنا جيتك لان عبير مو راضيه تتكلم وتقول لاحد أي شئ..
سعود: ابوي بالمستشفى وحالته حاله وانا تعبان نفسيا بشكل ماتتصوره مليييت من دنيتي ابي اتكلم يمكن ارتاح..
نواف: سلامتك ياسعود ماتشوف شر تكلم أنا اسمعك
سعود: الشر مايجيك..
نواف: صح عبير اختى وماارضى عليها بس بعد أنت مثل اخوي تكلم وانسى انها اختي يمكن اقدر احكم واعرف من الغلطان..
سعود: شف ان شاء الله مافي احد غلط عالثاني كل شئ صار مالنا يد فيه بس هاذي اراده رب العالمين..
حكى سعود لنواف السالفه من ايااام ماكان يدرس بلندن لحد ماشاف عبير وطلبت منه الطلاااق..
نواف بعد لحظات صمت: لاحول ولاقوووه إلا بالله .. يعني خلااص الطلاق هو الحل الوحييد
سعود: هذا طلب اختك وانا حاولت فيها قد مااقدر لكن هي مصره وانا مااقدر اجبرها ترجع لي..
نواف: كل شئ بهالدنيا نصيب
سعود: تكفى قل لعمي لاني أنا ماقدر اتكلم معه واتوقع حتى عبير لو أنا ماتكلمت كان ماقالت لكم..
نواف: ان شاء الله يصير خيير وبحاول افهم ابوي..
سعود: الله يسعدك يانواف
نواف: تراك اخو عزيز وغالي ياسعود لاتتوقع اللي صار راح يأثر علينا
سعود: تسلم والله هذا العشم فيك.. ماتتصور وشلون ارتحت يوم تكلمت معك حسيت هم وانزاح من صدري..
نواف: الحمدلله ..
سعود: يلااااا استاذن اللحين بروح لابوي تاركه بالمستشفى الحاله
نواف: سلم علييه وان شاء الله نمره أنا والوالد
سعود: يوصل ان شاء الله

راح نواف البيت وجلس مع ابوه وفهمه كل شئ زعل وعصب لكن بالنهايه قال كل شئ مكتوب عند رب العالميين هذا نصيبهااا وهي طلبت هالشئ اكييد ان الطلاق بيريحهاااا ويكون وضع مناسب لها..

راحووو كلهم يزورون عمهم ابو سعود بالمستشفى الاعبير كانت نفسيتها مرره تعبانه وماتسمح لها تطلع من البيت.. بالمستشفى كانت زيارتهم جدا عاديه وتجنبوا كل الطرفين انهم يفتحون الموضوع مع بعض خلاص كل شئ انتهى وان شاء الله ماراح يأثر على علاقتهم مع بعض..